Tinhlayo 21:2 - Xitsonga (Bibele)

² Israele a hlambanya eka Yehovha, a ku: “Loko u neha tiko leri emavokweni ya mina, ndzi ta lovisa miti ya rona, ndzi yi yirisa.”

BIBELE Mahungu Lamanene

² Hiloko Vaisraele va tiboha hi ku hlambanya emahlweni ka HOSI Xikwembu, va ku: “Loko u nga nyiketa vanhu lava emavokweni ya hina, miti ya vona hi ta yi herisela makumu.”

Tinhlayo 21:2 Referans Kwoze

Vaavanyisi 11:30

Kutani Yefta a tiboha hi ku hlambanya eka Yehovha, a ku: “Kungakuloko u nyiketa vana va Amoni emavokweni ya mina,

Genesa 28:20

Yakobo a hlambanya, a ku: “Kungakuloko Xikwembu xi va na mina, xi ndzi hlayisa endleleni leyi ndzi yi khomeke, xi ndzi nyika vuswa ndzi dya, ni tinguvu ndzi funengela,

Pisalema 132:2

U hlambanyile ka Yehovha, U tshembisile lowa matimba wa Yakobo, a ku:

Pisalema 116:18

Ndzi ta tirha ku hlambanya ka mina Emahlweni ka tiko hinkwaro ra yena,

1 SAMIELE 1:11

“Yehovha wa mavandla, loko u languta masangu ya nandza wa wena, ni loko u ndzi tsundzuka u nga rivali nandza wa wena, kutani u nyika nandza wa wena n'wana wa wanuna, ndzi ta n'wi nyika Yehovha, a va wa yena masiku hinkwawo ya vutomi bya yena, kutani rikari ri nga ka ri nga hundzi enhlokweni ya yena.”

Yoxuwa 6:26

Enkarhini wolowo Yoxuwa a hlambanya, a ku: “Ku ta rhukaniwa emahlweni ka Yehovha, munhu la nga ta pfuxa muti lowu wa Yeriko; u ta aka masungulo ya wona ehenhla ka mativula ya yena, ni tinyangwa ta wona ehenhla ka xigumandzeni xa yena.”

Yoxuwa 6:17

Muti ni hinkwaswo leswi nga eka wona swi ta yila eka Yehovha; ku ta hanya Rahava nghwavava ntsena, ni hinkwavo lava nga na yena endlwini ya yena, hikuva u fihlile tintsumi leti hi ti rhumeke.

Duteronoma 13:15

hi kona u nga ta dlaya kunene hi tlhari vaaki va muti lowo, u wu yirisa ni hinkwaswo leswi nga eka wona, u dlaya ni swifuwo swa wona hi tlhari.

1 Vakorinto 16:22

Kungakuloko munhu a ri kona la nga rhandziki Hosi Yesu, a a endliwe anathema! Maranatha! (Hosi ya ta!)

Duteronoma 20:16

Loko yi ri miti ya matiko lawa Yehovha, Xikwembu xa wena, a ku nyikaka wona leswaku yi va ndzhaka ya wena, u nga tshuki u tshika munhu ni un'we a hanya.

Duteronoma 7:2

ni loko Yehovha, Xikwembu xa wena, a va nyiketile emahlweni ka wena, kutani u va hlurile, u ta va heta, u va yirisa; u nga tshuki u endla xinakulobye na vona, ni ku va tsetselela.

Duteronoma 13:16

U ta hlengeleta rifuwo hinkwaro ra wona exivandleni xa muti, kutani u ta hisela Yehovha Xikwembu xa wena, muti ni rifuwo hinkwaro ra wona, ri ta va rhumbi hi masiku; wu nga ka wu nga akiwi kambe.