Tinhlayo 20:16 - Xitsonga (Bibele)

¹⁶ Hi huwelele eka Yehovha, kutani u yingisile rito ra hina, a rhumile ntsumi, a hi humesa eEgipta. Sweswi hi le Kadexe, muti lowu nga endzilakaneni wa tiko ra wena.

BIBELE Mahungu Lamanene

¹⁶ Kuteloko hi yisile xirilo xa hina eka HOSI Xikwembu, xi hi hlamurile, xi hi rhumela ntsumi, yi ta hi humesa etikweni ra Egipta; kutani sweswi hi kwala Kadexe, muti lowu nga ndzilekaneni wa tiko ra n'wina.

Tinhlayo 20:16 Referans Kwoze

Eksoda 14:19

Ntsumi ya Xikwembu leyi rhangeleke mavandla ya Israele yi suka, yi famba endzhaku ka vona; kutani ku nembelela ka papa ku suka emahlweni ka vona ku ya yima endzhaku ka vona exikarhi ka nyimpi ya Vaegipta ni ya Vaisraele.

Eksoda 33:2

Ndzi ta rhuma ntsumi leyi nga ta ku rhangela emahlweni kutani ndzi ta hlongola Vakanana ni Vaamori, ni Vahiti, ni Vaperesi, ni Vahivhi, ni Vayebusi,

Eksoda 23:20

“Waswivo, ndzi rhuma ntsumi emahlweni ka wena, yi ta ku hlayisa endleleni yi ku nghenisa etikweni leri ndzi ri lunghiseke.

Eksoda 14:10

Loko Faro a ri karhi a tshinelela, vana va Israele va tlakusa mahlo, va vona Vaegipta va va landzelela. Kutani vana va Israele va chava ngopfu, va huwelela eka Yehovha.

Eksoda 6:5

Ndzi yingisile ku huwelela ka vana va Israele, hilaha Vaegipta va va endleke makhumbi hakona; kutani ndzi tsundzukile ntwanano wa mina.

Tinhlayo 20:15

Vatata wa hina va rhurhile eEgipta, kutani hi akile malembe ya ku tala eEgipta; kambe Vaegipta va hi xanisile, hina ni vatata wa hina.

Tinhlayo 21:22

“Ndzi pfumelele ku tsemakanya etikweni ra wena; hi nga ka hi nga hambukeli emasin'wini, hambi evhinyeni hi nga ka hi nga nwi mati ya swihlovo; hi ta famba hi gondzo, hi ko hi huma etikweni ra wena.”

Tinhlayo 33:37

va suka eKadexe, va ya gova entshaveni ya Hori, endzilakaneni wa Edomu.

Yoxuwa 15:1

Ku averiwa loku averiweke hi vuhlolotwana eka nyimba ya vana va Yuda hi tindlu ta vona, ku ri etlhelweni ra ndzilakana wa Edomu, ku fika emananga ya Sini, emakun'wini ya mananga edzongeni.

Daniele 6:22

Xikwembu xa mina xi rhumile ntsumi ya xona, yi sivile milomu ya tinghala leswaku ti nga tshuki ti ndzi endla nchumu, hikuva ndzi kumiwile ndzi nga ri na nandzu emahlweni ka xona; ni le mahlweni ka wena, hosi, a ndzi dyohanga nchumu.”

Duteronoma 4:34

Kambe xana xikwembu xin'wana xi kona, lexi ringeteke ku titekela tiko exikarhi ka tiko rin'wana hi miringo, ni swikombiso, ni mahlori ni ku lwa hi voko leri tlakukeke ra matimba, ni mitirho leyikulu leyi chavisaka, hilaha Yehovha, Xikwembu xa n'wina, xi mi endleleke hinkwaswo hakona eEgipta emahlweni ka wena?

Duteronoma 4:37

Hikuva xi rhandzile vatata wa wena, kutani xi hlawurile vatukulu va vona endzhaku ka vona, xi ku humesile eEgipta hi mombo wa xona, ni matimba lamakulu ya xona,