Tinhlayo 20:13 - Xitsonga (Bibele)

¹³ Hi wona mati ya Meriba (ku kaneta), laha vana va Israele va nga kanetela Yehovha kona; kutani a tikwetsimisa eka vona.

BIBELE Mahungu Lamanene

¹³ Lawa hi wona mati ya Meriba (hileswaku “ya mholovo”), laha Vaisraele va holoveleke HOSI Xikwembu kona, kutani xona xi tikomba exikarhi ka vona leswaku hi xona Xikwembu lexi chavisekaka ngopfu.

Tinhlayo 20:13 Referans Kwoze

Pisalema 95:8

Mi nga nonon'hwisi timbilu ta n'wina, kukotisa le Meriba, Tanihi emasikwini ya Masa le mananga,

Eksoda 17:7

A thya xivandla lexi vito ra Masa na Meriba (Miringo ni ku tenga), hikwalaho ka ku tengisa ka vana va Israele; ni ku ringa Yehovha, va ku: “Xana Yehovha u le xikarhi ka hina, kumbe a nga kona xana?”

Duteronoma 33:8

Eka Levhi, a ku: “Mathumimi ni Maurimi ya wena a ma vekiwe ka muhlawuriwa wa wena, Loyi u n'wi ringeke Masa, Loyi u n'wi tengiseke ematini ya Meriba,

Duteronoma 32:51

hikuva mi ndzi dyohele xikarhi ka vana va Israele emhakeni ya mati ya Meriba wa Kadexe, emananga ya Sini; hikuva a mi ndzi kwetsimisanga xikarhi ka vana va Israele.

Ezekiele 38:16

Kutani u ta khandziya u ya lwa ni tiko ra mina ra Israele, u kotisa papa leri lavaka ku funengeta misava. Emikarhini ya makumu, hilaha ndzi nga ta ku rhuma hakona ku lwa ni tiko ra mina, leswaku matiko ma ta ndzi tiva loko ndzi ta tikwetsimisa ha wena emahlweni ka vona, wena Gogo!

Ezekiele 36:23

Ndzi ta kwetsimisa vito ra mina lerikulu leri nga ni tingana exikarhi ka matiko lawa mi nga ri nyamisa eka wona, kutani matiko ma ta swi tiva leswaku hi mina Yehovha, ku vula Hosi Yehovha, loko ndzi ta kwetsimisiwa ha n'wina emahlweni ka vona.

Ezekiele 20:41

Ndzi ta mi amukela, ni magandzelo ya n'wina layo nun'hwela, loko ndzi mi humesile eka vanhu, ndzi mi hlengeleta ematikweni lawa mi hangalasiweke eka wona, ndzi ta hlawuleka ha n'wina emahlweni ka matiko;

Esaya 5:16

Kutani Yehovha wa tinyimpi u ta tikurisa hi ku avanyisa, kutani Xikwembu lexi kwetsimaka xi ta tidzunisa hi ku lulama.

Pisalema 81:7

U ndzi khongele u ri emapfalweni, kutani ndzi ku ponisa, Ndzi ku hlamule ndzi titumbetile eku pfumeni, Kutani ndzi ku ringa ematini ya Meriba.

Pisalema 81:8

Yingisa tiko ra mina, ndzi ku hlamusela; Oho Israele, loko swange u nga ndzi yingisa!