Tinhlayo 2:2 - Xitsonga (Bibele)

² “Vana va Israele va ta gova un'wana ni un'wana ekusuhi ni mfungho wa yena, ni le hansi ka nceka wa tindlu ta vatata wa vona; va ta gova va langutene ni tabernakela ya nhlengeletano, va wu rhendzele hinkwako.

BIBELE Mahungu Lamanene

² “Loko Vaisraele va gova, un'wana ni un'wana ú ta va evandleni ra ka vona, kusuhi ni mujeko wa ndyangu wa ka vona; va ta dzima mixaxa yi languta Ntsonga lowo Hlawuleka, hi matlhelo hinkwawo ya wona.

Tinhlayo 2:2 Referans Kwoze

1 Vakorinto 14:40

Ntsena hinkwaswo a swi endliwe hi ku lulama ni hi nawu.

1 Vakorinto 14:33

hikuva Xikwembu a hi Xikwembu xa dzolonga, kambe i xa ku rhula.

Yoxuwa 3:4

Ntsena mpfhuka wa swisungunhu swa 2 000 wu ta va kona exikarhi ka yona, na n'wina; mi nga tshuki mi yi tshinelela leswaku mi vona swinene ndlela leyi mi nga ta famba ha yona, hikuva a mi si famba endleleni leyi hambi tolo hambi tolweni.”

Tinhlayo 10:25

Mfungho wa nxaxa wa vana va Dani wu suka, wu famba endzhaku ka mixaxa hinkwayo, hi mavandla ya vona: vandla ra Dani ri fambisiwa hi Ahiezere, n'wana Amixadayi;

Tinhlayo 10:22

Mfungho wa nxaxa wa vana va Efrayimi wu suka hi mavandla ya vona: vandla ra Efrayimi ri fambisiwa hi Elixama, n'wana Amihudi;

Tinhlayo 1:50

U ta veka emavokweni ya vana va Levhi yindlu ya vumbhoni ni swibya hinkwaswo swa yona, ni hinkwaswo swa yona. Va ta rhwala yindlu ni swingolongondzwana hinkwaswo swa yona; va ta tirha ntirho wa yona, kambe va ta gova ekusuhi ni yindlu hi ku yi rhendzela.

Vakolosa 2:19

a nga tikhomeleri hi nhloko leyi, miri hinkwawo wa yona, loko wu hlanganisiwa swinene hi ku hlangana ka swirho swa wona, wu kuma eka yona leswi wu hanyaka ha swona, kutani wu kula hi ku kula loku humaka eka Xikwembu.

Vafilipiya 1:27

Ntsena, tifambeleni hi mukhuva lowu fanelaka Evhangeli ya Kriste, leswaku hambi ndzi ta mi vona, hambi ndzi nga ri kona, ndzi nga twa timhaka ta n'wina leswaku ma ha yima emoyeni wun'we, ni ku lwela swin'we ku pfumela ka Evhangeli hi mbilu yi ri yin'we,

Zakariya 9:16

Yehovha, Xikwembu xa vona, xi ta va ponisa hi siku rero, kukota ntlhambi lowu nga tiko ra yena; hikuva va ta kota maribye lama vangamaka ya harhi ya vuhosi etikweni ra yena.

Ezekiele 43:7

A ku eka mina: “N'wana wa munhu, hi xona xivandla xa xiluvelo xa mina, ni vukhandziyo bya milenge ya mina, laha ndzi nga ta aka kona exikarhi ka vana va Israele, hilaha ku nga heriki. Yindlu ya Israele a yi nga ha nyamisi vito ra mina ro kwetsima, hambi va ri vona, hambi ti ri tihosi ta vona, hi vuoswi bya vona ni swivandla swo tlakuka swa vona, ni mitsumbu ya tihosi ta vona,

Esaya 18:3

N'wina hinkwenu lava akeke ematikweni hinkwawo, na n'wina vanhu va misava, kutakuloko mujeko wu yimisiwe ehenhla ka tintshava, langutani! Kutakuloko nanga yi yimbiwa, mi yingisela!

Esaya 12:6

N'wina la mi akeke eSiyoni mi huwelela mi tsakisisa hi tinsimu, hikuva Mukwetsimi wa Israele u nkulukumba exikarhi ka wena.”

Pisalema 76:11

Vulani ku hlambanya ka n'wina eka Yehovha Xikwembu xa n'wina, mi va mi ku hlayisa, Hinkwavo lava n'wi rhendzelaka exikarhi a va tise tinyiko eka Loyi a chavisaka!

Tinhlayo 10:18

Mfungho wa nxaxa wa Rhuveni wu suka hi mavandla ya vona: vandla ra Rhuveni ri fambisiwa hi Elizuri, n'wana Xedewuru;

Tinhlayo 10:14

Mfungho wa nxaxa wa Yuda wu suka eku sunguleni, va suka hi mavandla ya vona; vandla ra Yuda ri fambisiwa hi Nahaxoni, n'wana Aminadaba;

Tinhlayo 2:10

“Edzongeni, mfungho wa mixaxa ya Rhuveni hi mitlawa ya vona; hosi ya vana va Rhuveni, Elizuri, n'wana Xedewuru, ni vandla ra yena,

Tinhlayo 2:3

“Emahlweni, hitlhelo ra vuxa, ku ta tlhomiwa mfungho wa nxaxa wa Yuda hi mitlawa ya vona; hosi ya vana va Yuda, Nahaxoni n'wana Aminadaba, ni vandla ra yena,

Tinhlayo 2:1

Yehovha a byela Muxe na Aroni, a ku:

Tinhlayo 24:2

Kutani Balaama a tlakusa mahlo a vona tiko ra Israele ri le mixaxeni hi tinyimba ta rona, kutani moya wa Xikwembu wu ta ehenhla ka yena,

Pisalema 74:4

Valala va wena va dzumadzumile etempeleni ya wena; Va vekile swikombiso swa vona swi va swikombiso swa kona.