Tinhlayo 19:22 - Xitsonga (Bibele)

²² Hinkwaswo leswi khumbeke la yilaka swi ta va leswi yilaka; ni loyi a n'wi khumbeke u ta va la yilaka ku fika nimadyambu.’ ”

BIBELE Mahungu Lamanene

²² Xin'wana ni xin'wana lexi khumbiwaka hi munhu loyi a nga tengangiki, na xona xi ta va xi nga tenganga; naswona un'wana ni un'wana la nga ta khumba xilo xexo, na yena ú ta va a nga tenganga, dyambu ri kondza ri pela.”

Tinhlayo 19:22 Referans Kwoze

Hagayi 2:13

Hilaha Hagayi a nge: “Loko munhu la nyamisiweke hikwalaho ka mufi a khoma xin'wana eka swilo leswo, xi ta nyama-ke?” Vaprista va hlamula, va ku: “Xi ta nyama.”

Levhitika 7:19

Nyama leyi khumbeke xilo lexi nyamisiweke, hambi xi ri xihi ni xihi, yi nga tshuki yi dyiwa; yi ta hisiwa endzilweni. “ ‘Loko yi ri nyama, mani na mani la tengeke u ta dya yona.

Levhitika 15:5

La khumbeke xilawu xa yena, u ta hlantswa tinguvu ta yena a hlamba ematini, kambe u ta va la yilaka ku fika nimadyambu.

Levhitika 5:2

Kumbe loko munhu a khumba a nga swi tivi, xilo lexi yilaka, kukotisa ntsumbu wa xiharhi, hambi wu ri ntsumbu wa xifuwo, hambi wu ri ntsumbu wa xikokovi, u tinyamisile, u ni nandzu.

Levhitika 5:3

Loko munhu a khumbile a nga swi tivi thyaka ra munhu, hambi ri ri rihi ni rihi leri nyamisaka, kutakuloko u swi tiva, u ni nandzu.

Levhitika 7:21

Kungakuloko munhu a khumbile xilo lexi nga tengangiki, hambi xi ri xa munhu hambi xi ri xa xifuwo lexi nga tengangiki, hambi xi ri xin'wana lexi nyameke, a ya dya nyama ya gandzelo ra ku khensa leri nga ra Yehovha, munhu loyi u ta susiwa eka varikwavo.’ ”

Levhitika 22:5

Swi tano ni la khumbeke munhu la yirisiweke hi ntsumbu, ni loyi ku humeke eka yena mbewu ya mbeleko,

Levhitika 22:6

kumbe la khumbeke xikokovi lexi n'wi yiriseke, hambiloko a khumbile la n'wi yiriseke hi thyaka rihi ni rihi; u ta va la nga tengangiki ku fika nimadyambu: a nga tshuki a dya swilo leswi hlawuriweke, kambe u ta hlamba ematini,

Levhitika 15:1

Yehovha a byela Muxe na Aroni, a ku:

Levhitika 15:6

La tshamisaka ehenhla ka nchumu lowu munhu, a nga ni ndzundzwana a tshamiseke eka wona, u ta hlantswa tinguvu ta yena, a hlamba ematini kambe u ta va la yilaka ku fika nimadyambu.

Levhitika 15:7

La khumbeke miri wa muvabyi loyi, u ta hlantswa tinguvu ta yena a hlamba ematini kambe u ta va la yilaka ku fika nimadyambu.

Levhitika 15:8

Kutakuloko muvabyi loyi a tshwutela marhi ehenhla ka loyi a tengeke, munhu loyi u ta hlantswa tinguvu ta yena, a hlamba ematini kambe u ta va la yilaka ku fika nimadyambu.

Levhitika 15:10

Mani na mani la khumbeke xilo xihi ni xihi lexi ngi xi ri ehansi ka yena, u ta va la yilaka ku fika nimadyambu kutani mani na mani la rhwaleke xona u ta hlantswa tinguvu ta yena, a hlamba ematini, kambe u ta va la yilaka ku fika nimadyambu.

Levhitika 15:11

La khumbiweke hi muvabyi loyi, kambe a nga hlambanga, u ta hlantswa tinguvu ta yena, a hlamba ematini, kambe u ta va la yilaka ku fika nimadyambu.

Levhitika 15:21

Mani na mani la khumbaka xilawu xa yena, u ta hlantswa tinguvu ta yena a hlamba ematini, kambe u ta va la yilaka ku fika nimadyambu.

Levhitika 15:22

Un'wana ni un'wana la khumbaka nchumu wihi ni wihi lowo a tshamiseke eka wona, u ta hlantswa tinguvu ta yena, a hlamba ematini, kambe u ta va la yilaka ku fika nimadyambu.

Levhitika 15:23

Kungakuloko xivati xi ri kona exilawini, kumbe exitshan'weni laha a tshameke kona, kutani loku munhu a swi khumbile, u ta va la yilaka ku fika ri madyambu.

Levhitika 15:27

Mani na mani la khumbaka swona u ta va la yilaka; u ta hlantswa tinguvu ta yena, a hlamba ematini kambe u ta va la yilaka ku fika nimadyambu.

Tinhlayo 19:7

Muprista u ta hlantswa tinguvu ta yena, a hlamba miri ematini, kutani u ta nghena emixaxeni; kambe muprista u ta va la nga tengangiki ku fika nimadyambu.