Tinhlayo 19:21 - Xitsonga (Bibele)

²¹ Ku ta va eka vona ku lerisa lo ku nga heriki. La nga xuva hi mati ya ku basisa, u ta hlantswa tinguvu ta yena; kutani la khumbeke mati ya ku basisa, u ta va la yilaka ku fika nimadyambu.

BIBELE Mahungu Lamanene

²¹ Vaisraele va ta boheka ku landza nawu lowu, hilaha ku nga heriki. Munhu loyi a xuvaka hi mati yo basisa leswi nyameke, ú fanele ku hlantswa swiambalo swa yena; naswona munhu loyi a khumbaka mati lawa yo basisa leswi nyameke, ú ta va a nga tenganga, dyambu ri kondza ri pela.

Tinhlayo 19:21 Referans Kwoze

Vaheveru 10:4

hikuva ngati ya tinkunzi ni ya swiphongo yi tsandzeka ku susa xidyoho.

Vaheveru 9:10

yi nga milawu ya misava ntsena, leyi lerisaka swakudya, ni swakunwa, ni swa ku hlantswa leswo tala, ku ko ku fika nkarhi wa ku pfuxeta hinkwaswo.

Vaheveru 7:19

hikuva nawu a wu hetisangi nchumu; kasi ku nghenile ku tshemba loku wu tlurisaka, loku hi tshinelelaka Xikwembu hakona.

Levhitika 11:40

La nga ta dya nyama ya ntsumbu wa xona, u ta hlantswa tinguvu ta yena, kambe u ta va la nga tengangiki ku fika nimadyambu; ni loyi a nga ta rhwala ntsumbu wa xona u ta va la nga tengangiki ku fika nimadyambu.

Levhitika 11:25

kutani mani na mani la rhwaleke mitsumbu ya swona, u ta hlantswa tinguvu ta yena, kambe u ta va la nga tengangiki ku fika nimadyambu.

Eksoda 27:21

Aroni ni vana va yena va ta ti lunghisa eTabernakeleni, ehandle ka nguvu leyi nga emahlweni ka vumbhoni, leswaku ti voninga emahlweni ka Yehovha, ku sungula nimadyambu, ku fika nimixo. I ku lerisa loku nga heriki etinxakeni ta vana va Israele.”

Tinhlayo 19:7

Muprista u ta hlantswa tinguvu ta yena, a hlamba miri ematini, kutani u ta nghena emixaxeni; kambe muprista u ta va la nga tengangiki ku fika nimadyambu.

Tinhlayo 18:23

Valevhi va ta tirha ntirho wa tabernakela ya nhlengeletano, kutani va ta rhwala milandzu ya vona. I ku lerisa loku nga heriki etinxakeni ta tinxaka; va nga ka va nga vi na ndzhaka exikarhi ka vana va Israele.

Tinhlayo 19:8

Munhu la hiseke homu u ta hlantswa tinguvu ta yena ematini, a hlamba miri, kutani u ta va la nga tengangiki ku fika nimadyambu.

Tinhlayo 19:10

La oleleke nkuma wa homu, u ta hlantswa tinguvu ta yena, kutani u ta va la nga tengangiki ku fika nimadyambu. Ku ta va ku lerisa loku nga heriki ka vana va Israele, ni ka muluveri la luvelaka exikarhi ka vona.