Tinhlayo 19:18 - Xitsonga (Bibele)

¹⁸ kutani munhu la tengeke u ta teka hisopa, a yi peta ematini, kutani u ta xuva ntsonga ni swibya hinkwaswo, ni vanhu hinkwavo lava nga kona, ni loyi a khumbeke marhambu, hambi munhu la dlayiweke, hambi mufi, hambi sirha.

BIBELE Mahungu Lamanene

¹⁸ Kutani munhu loyi a tengeke ú ta lava rhavi ra ximudyana xa hisopa, a ri peta ematini lawa, a xuva ntsonga ni swingolongondzwana, a xuva ni vanhu lava a va ri kwala ndzeni ka ntsonga. Loko munhu a khumbile rhambu ra munhu wo fa, kumbe ntsumbu wa loyi a dlayiweke kumbe loyi a ngo lo tifela, ni loko a khumbile sirha, na yena ú ta xuviwa hi ndlela yoleyo.

Tinhlayo 19:18 Referans Kwoze

Vaheveru 9:14

ngopfungopfu ngati ya Kriste la tihumeseke eka Xikwembu hi Moya lowu nga heriki, a ri mhamba leyi nga riki na xivati, yi ta hlantswa mapfalo ya n'wina emitirhweni leyi feke, leswaku mi tirhela Xikwembu lexi hanyaka!

Tinhlayo 19:9

Munhu la tengeke u ta ola nkuma wa homu, a wu veka endhawini leyi tengeke, ehandle ka mixaxa, kutani wu ta hlayiseriwa nhlengeletano ya vana va Israele kukotisa mati ya ku basisa; i gandzelo ra ku dyoha.

1 Vakorinto 1:30

Kutani ha xona mi le ka Yesu Kriste, la endleriweke hina, hi ku rhandza ka Xikwembu, vutlhari, ni ku lulama, ni ku kwetsima, ni ku kutsuriwa,

Yohane 17:19

Kutani ndzi tibasisela vona, leswaku na vona va basisiwa entiyisweni.

Yohane 17:17

Va kwetsimise entiyisweni wa wena; rito ra wena hi wona ntiyiso.

Pisalema 51:7

Ndzi basise hi hisopa, hi kona ndzi nga ta tenga; Ndzi hlantswe kutani ndzi ta basa ku tlula gamboko.

Vaheveru 9:19

Hikuva Muxe, kuteloko a byerile tiko hinkwaro ku lerisa hinkwako ka nawu, u teke ngati ya marhole ni ya swiphongo, yi nga ni mati, ni voya lebyo tshwuka, ni hisopa, a xuva yona buku, ni tiko hinkwaro, a ku:

Tinhlayo 19:17

Va ta tekela la yilaka nkuma wa gandzelo leri hiseriweke ku dyoha, kutani va ta chela mali layo basa ehenhla ka wona ma ri enhlambetweni;

Tinhlayo 19:19

La tengeke u ta xuva la yilaka hi siku ra vunharhu ni ra ntlhanu na mambirhi, kutani ku yila ka yena ku ta susiwa hi siku ra ntlhanu na mambirhi, U ta hlantswa tinguvu ta yena, a hlamba ematini, kutani nimadyambu u ta tenga.

Esaya 52:15

hi mukhuva wolowo u ta tsakisa ngopfu matiko ya ku tala; tihosi ti ta pfala milomu ya tona, hikuva ti ta vona leswi ti nga siki tivisiwaka swona, ti ta dyondza leswi ti nga siki yingisaka swona.

Pisalema 51:9

Tshika ku languta swidyoho swa mina, U hlangula ku homboloka ka mina hinkwako.