Tinhlayo 18:8 - Xitsonga (Bibele)

⁸ Yehovha a byela Aroni, a ku: “Vona, exikarhi ka swilo hinkwaswo leswi hlawuriweke swa vana va Israele, ndzi ku nyikile leswi va ndzi pambulelaka swona, ndzi ku nyika swona wena ni vana va wena, ku va ku averiwa ka wena hi ku lerisa loku nga heriki.

BIBELE Mahungu Lamanene

⁸ Kutani HOSI Xikwembu xi ku ka Aroni: “Ndzi veka emavokweni ya wena ntirho wa ku hlayisa mihlengo leyo hlawuleka hinkwayo leyi Vaisraele va ndzi humeselaka yona; eka yona, ku ta va ni leswi mi nga ta lawuriwa swona, wena ni vana va wena hilaha ku nga heriki.

Tinhlayo 18:8 Referans Kwoze

Levhitika 6:16

Leswi nga ta sala, xi ta dyiwa hi Aroni ni vana va yena; va ta swi dya ni xinkwa lexo kala comela exivandleni lexo kwetsima, exivaveni xa tabernakela ya nhlengeletano.

Levhitika 7:6

Vavanuna hinkwavo va vaprista va ta dya yona. Va ta yi dya exivandleni lexo kwetsima; i xilo lexi kwetsimaka ngopfu.

Levhitika 6:18

Vana hinkwavo va xinuna va Aroni va ta xi dya. I ku averiwa loku nga heriki etinxakeni ta n'wina, emagandzelweni lama hiseriwaka Yehovha. Un'wana ni un'wana la nga ta khumba xona, a ta va la hlawulekeke.’ ”

Eksoda 40:15

u va tota kukota tata wa vona, leswaku va tirha ntirho wa vuprista emahlweni ka mina; ku totiwa ka vona ku ta va veka vaprista hi masiku etinxakeni ta vona.”

Eksoda 40:13

kutani u ta ambexa Aroni hi tinguvu leti hlawuriweke, u n'wi tota, u n'wi hlawula leswaku a tirha ntirho wa vuprista emahlweni ka mina.

Eksoda 29:29

“Tinguvu ta Aroni leti hlawuriweke ti ta va ta vana va yena endzhaku ka yena leswaku va ti ambala siku va nga ta hlawuriwa ni ku totiwa.

1 Yohane 2:27

Kambe loko mi ri n'wina, ku cheleriwa loku mi ku amukeleke eka yena ku tshame eka n'wina, kutani a swi mi faneri ku dyondzisiwa hi munhu, kambe hilaha ku cheleriwa kuloko ku mi dyondzisaka hinkwaswo leswi nga ntiyiso, ma nga ri mavunwa, mi ta tshama eka yena hilaha ku mi dyondziseke.

1 Yohane 2:20

Loko mi ri n'wina, mi amukerile ku cheriwa hi la kwetsimeke, kutani mi tiva hinkwaswo.

Vaheveru 1:9

U rhandzile leswo lulama, u vengile leswo homboloka; hikwalaho, oho Xikwembu, Xikwembu xa wena xi ku cheleke hi mafurha ya ku tsakisisa, xi ku veke ehenhla ka varikwenu hinkwavo.”

Esaya 10:27

“Enguveni yoleyo ndzhwalo wa Asiriya wu ta susiwa ekhatleni ra wena, ni joko ra yena enhan'wini ya wena, kutani joko ri ta tshoveka hi ku nyuhela ka wena.”

Duteronoma 26:13

hi kona u nga ta vulavula emahlweni ka Yehovha, Xikwembu xa wena, u ku: ‘Ndzi humesile endlwini ya mina swilo leswi hlawuriweke, ndzi swi nyikile Mulevhi, ni muluveri, ni xisiwana, ni noni hilaha u ndzi leriseke hakona; a ndzi tlulanga ni wun'we wa milawu ya wena, na swona a ndzi yi rivalanga.

Duteronoma 12:11

Exivandleni, lexi Yehovha, Xikwembu xa n'wina, a nga ta hlawula ku ta akisa kona vito ra yena, hi kona mi nga ta tisa hinkwaswo leswi ndzi mi lerisaka swona, tiholokosta ta n'wina, ni magandzelo ya n'wina, ni swa vukhume bya n'wina, ni leswi mavoko ya n'wina ma swi pambuleke, ni mihlengo ya n'wina ya leswo saseka leyi mi nga ta yi tisa eka Yehovha ku tiyisa leswi mi tiboheke hi ku hlambanya ku swi endla.

Duteronoma 12:6

Mi ta tisa kona tiholokosta ta n'wina, ni magandzelo ya n'wina, ni swa vukhume bya n'wina, ni leswi mavoko ya n'wina ma nga ta swi pambula, ni magandzelo ya n'wina ya ku tiboha hi ku hlambanya, ni magandzelo ya ku tirhandzela ka n'wina, ni mativula ya swifuwo leswikulu ni leswitsongo swa n'wina.

Tinhlayo 18:9

Leswi nga ta va swa wena exikarhi ka swilo leswi hlawuriweke, ehandle ka leswi hisiwaka, hi leswi: mihlengo hinkwayo ya vona, ni tinyiko hinkwato, ni magandzelo hinkwawo ya xidyoho, ni magandzelo hinkwawo ya ku riha, lawa va ndzi rihelaka ha wona, swilo leswi hlawuriweke ngopfu swi ta va swa wena ni swa vana va wena.

Levhitika 21:10

“ ‘Loko a ri muprista lonkulu exikarhi ka vamakwavo, la hlawuriweke hi ku cheriwa enhlokweni mafurha ya ku tola, la ambexiweke tinguvu leti hlawuriweke, a nga ka a nga fununguli nhloko ya yena hambi ku ri ku handzula tinguvu ta yena.

Levhitika 8:30

Kutani Muxe a teka mafurha yo tola, ni ngati leyi nga ealitarini, a xuva ha swona Aroni ni vana va yena swin'we ni tinguvu ta vona; a hlawula sweswo Aroni, ni vana va yena, ni tinguvu ta vona.

Levhitika 6:26

Muprista la nga ta yi humesa, u ta yi dya; yi ta dyiwa exivandleni lexo kwetsima, exivaveni xa tabernakela ya nhlengeletano.

Levhitika 6:20

“Hi wona nhlengo wa Aroni ni vana va yena, lowu va nga ta wu humesela Yehovha siku va nga ta cheriwa hi mafurha enhlokweni: ku avanyisa ka vukhume bya efa ya mapa yo saseka, ri ta va gandzelo leri nga heriki; va ta humesa hafu nimixo ni hafu nimadyambu.

Eksoda 29:21

U ta teka ngati leyi nga ealitarini ni mafurha ya ku tola, kutani u ta xuva Aroni ni tinguvu ta yena, ni vana va yena ni tinguvu ta vona; u ta va la hlawuriweke, ni vana va yena, ni tinguvu ta vona.

1 Vakorinto 9:13

Xana a mi swi tivi leswaku lava tirhaka leswi kwetsimaka, va dya leswo kwetsima, ni leswaku lava tirhaka ealitarini, va dya swa alitari xana?

Levhitika 7:14

Va ta pambula eka nyiko yin'wana ni yin'wana, ku avanyisa loku nga ta humeseriwa Yehovha; swi ta va swa muprista la xuveke ngati ya gandzelo ra ku khensa.

Levhitika 7:28

Yehovha a byela Muxe a ku:

2 TIKRONIKA 31:4

Kutani a byela vanhu va tiko, ni vaaki va Yerusalema, ku humesela vaprista ni Valevhi, nhlengo wa vona, leswaku va kuma matimba ku namarhela nawu wa Yehovha.

Eksoda 28:43

Aroni ni vana va yena va ta ti ambala loko va nghena eTabernakeleni ya nhlengeletano ni loko va tshinela alitari ku ya tirha ntirho evukwetsimelweni va nga tshuki va kuma nandzu, leswaku va nga ti fa. I ku lerisa loku nga heriki, loku nyikiweke Aroni ni vatukulu va yena.”

Eksoda 29:28

swi ta va swa Aroni ni vana va yena hi ku lerisa loku nga heriki exikarhi ka vana va Israele, hikuva i ku nyika loku pamburiweke eka vana va Israele loku va nga ta ku pambulela emagandzelweni ya vona ya ku khensa; i ku nyika ka vona loku pambuleriweke Yehovha.

Levhitika 23:20

Muprista u ta swi ndziwita ni swinkwa swa swirhangana, wu va nhlengo lowu ndziwitiwaka emahlweni ka Yehovha; swi ta hlawuleriwa Yehovha swin'we ni swinyimpfana swimbirhi, kutani swi ta va swa muprista.

Tinhlayo 5:9

Hinkwaswo leswi pamburiweke eka swilo leswi hlawuriweke, leswi vana va Israele va swi tisaka eka muprista, swi ta va swa yena.

Duteronoma 18:1

“Vaprista va Valevhi, ni nyimba hinkwayo ya Valevhi, va nga ka va nga vi na ndzhaka ni vana va Israele, va ta kuma swakudya swa vona emagandzelweni lama hiseriwaka Yehovha ni le ndzhakeni ya yena.

2 TIHOSI 12:16

Mali ya magandzelo ya milandzu, ni mali ya magandzelo ya xidyoho, a yi tisiwanga endlwini ya Yehovha a yi ri ya vaprista.

2 TIKRONIKA 31:5

Ku lerisa loku, kuteloko ku tivisiwile, vana va Israele va humesa hi ku tala swirhangana swa mavele, ni swa vhinyo, ni swa mafurha, ni swa vulombe ni swa mihandzu hinkwayo ya masimu va tisa swirhangana swa hinkwaswo hi ku tala.