Tinhlayo 18:7 - Xitsonga (Bibele)

⁷ Loko u ri wena ni vana va wena mi ta tirha mitirho ya vuprista bya n'wina bya hinkwaswo swa alitari, ni bya leswi nga emahlweni ka xisirhelo; mi ta tirha ntirho wa n'wina kona. Vuprista bya n'wina i ntirho, leyi nga nyiko ntsena, kutani wa le handle la nga ta tshinela u ta dlawa.”

BIBELE Mahungu Lamanene

⁷ Entirhweni wa vuprista, wena ni vana va wena mi ta vona swa mintirho ya le alitarini ni ya le xivandleni lexo hlawuleka ngopfu lexi pfariweke hi xisirhelelo; mi ta tirha leswi hikuva ntirho wa vuprista i nyiko leyi ndzi mi nyikeke yona; kutani loyi a nga ta tshinelela xivandla lexi a nga ri muprista, ú ta fa.”

Tinhlayo 18:7 Referans Kwoze

Yohane 3:27

Yohane a hlamula, a ku: “Munhu a nga ka a nga amukeri nchumu loko xi nga ri lexi a xi nyikiweke hi tilo.

Tinhlayo 3:10

U ta veka Aroni ni vana va yena leswaku va tirha ntirho wa vuprista, kambe wamatiko la nga ta tshinelela u ta dlawa.”

Tinhlayo 18:20

Yehovha a ku eka Aroni: “U nga ka u nga kumi ndzhaka etikweni ra vona, u nga ka u nga vi na ku averiwa exikarhi ka vona; hi mina ndzi nga ku averiwa ka wena ni ndzhaka ya wena exikarhi ka vana va Israele.

Tinhlayo 16:40

leswaku ku nga tshuki ku va na munhu ni un'we la nga riki wa rixaka ra Aroni la tshinelaka ku humesa mirhi ya risuna emahlweni ka Yehovha, a nga tshuki a kotisa Kora ni vandla ra yena, hilaha Yehovha a n'wi byeleke hakona ha Muxe.

Vaheveru 5:4

Kambe a ku na munhu la nga titekelaka vuhosi lebyi, loko a nga ri la vitiweke hi Xikwembu, kukotisa Aroni.

Vaefesa 3:8

mina yeloyi, ndzi nga lontsongo eka vakwetsimi hinkwavo; ndzi nyikiwile tintswalo leti ta ku tivisa vamatiko ku fuwa loku nga ringanisiwiki eka Kriste,

1 SAMIELE 2:28

Ndzi n'wi hlawurile xikarhi ka tinxaka hinkwato ta Israele leswaku a va muprista wa mina, ni ku gandzela ealitarini ya mina, ni ku hisa mirhi ya risuna, ni ku ambala efodi emahlweni ka mina; kambe ndzi nyikile yindlu ya tata wa wena magandzelo hinkwawo lama hisiwaka ya vana va Israele.

Tinhlayo 3:38

Lava govaka emahlweni ka yindlu, evuxeni, emahlweni ka tabernakela ya nhlengeletano, evurhongeni, a a ri Muxe na Aroni, ni vana va vona, a va hlayisela vana va Israele vukwetsimelo lebyi va byi tshembisiweke; kambe wamatiko la nga ta tshinela u ta dlawa.

Tinhlayo 1:51

Kutakuloko yindlu yi suka, Valevhi va ta yi hlanhla, ni loko yindlu yi yima, Valevhi va ta yi dzima; kambe wamatiko la nga ta yi tshinelela u ta dlawa.

Levhitika 16:2

Yehovha a ku eka Muxe: “Byela Aroni, makwenu, a nga tshuki a nghena hi mikarhi hinkwayo evukwetsimelweni, endzeni ka nguvu ya xisirhelo emahlweni ka vukhongelelo lebyi nga earekeni, a nga ta tshuka a fa; hikuva ndzi ta tikombisa epapeni ehenhla ka vukhongelelo.

Eksoda 29:9

Kutani u ta tsimba Aroni ni vana va yena hi mavamba, u va vehela swihuku, kutani vuprista byi ta va bya vona hi masiku hinkwawo; i ku lerisa loku nga heriki. U ta hlawurisa sweswo Aroni ni vana va yena.

Matewu 10:8

Hanyisani lava vabyaka, pfuxani vafi, mi basisa va nhlokonho, mi hlongola mademona. Mi nyikiwile ntsena; na n'wina, va nyikeni ntsena.

1 Petro 5:2

Risani ntlhambi wa Xikwembu lowu nga na n'wina mi wu langutela, ku nga ri hi ku sindzisiwa, kambe ku va hi ku swi rhandza; ku nga ri hikwalaho ka bindzu lero biha, kambe ku va hi ku chivirika;

1 Petro 5:3

mi nga ri lava fumaka ndzhaka ya Hosi, kambe mi va swikombiso swa ntlhambi.

Eksoda 28:1

“U ta tshineta Aroni, makwenu, ni vana va yena, va ta hlawuriwa exikarhi ka vana va Israele leswaku va tirha ntirho wa vuprista emahlweni ka mina: U ta va yena Aroni, ni vana va yena, Nadabu, na Abihu, na Eliyazara, na Itamara.

Tinhlayo 18:3

Va ta hlayisa leswi vekeriweke wena, ni swa tabernakela hinkwayo; kambe va nga tshuki va tshinelela swibya swa vukwetsimelo ni alitari, leswaku mi nga tshuki mi fa, hambi vona hambi n'wina.

Duteronoma 18:2

Va nga ka va nga vi na ndzhaka exikarhi ka vamakwavo; Yehovha i ndzhaka ya vona hi laha a va byeleke hakona.

Yoxuwa 18:7

Hikuva ku nga ka ku nga vi na ndzhaka ya Valevhi exikarhi ka n'wina, hikuva vuprista bya Yehovha hi yona ndzhaka ya vona. Loko a ri Gadi na Rhuveni, ni hafu ya nyimba ya Manase va kumile ndzhaka ya vona ehase ka Yordani, evuxeni, yi ri ndzhaka leyi Muxe, nandza wa Yehovha, a va nyikeke yona.”

Ezekiele 44:8

A mi hlayisanga swilo swa mina leswi kwetsimaka leswi ndzi nga swi veka emavokweni ya n'wina, mi veka vamatiko lava ku va endla valanguteri va vukwetsimelo bya mina, mi ta tipfuna ha vona.

Ezekiele 44:15

“Loko va ri vaprista va Valevhi, vana va Sadoki, lava hlayiseke milawu ya vukwetsimelo bya mina, loko vana va Israele va ndzi hambukele, vona va ta tshinelela emahlweni ka mina ku tirha ntirho wa mina, va ta yima emahlweni ka mina, va ndzi humesela mafurha, ni ngati, ku vula Hosi Yehovha.

Ezekiele 44:16

Vona, va ta nghena evukwetsimisweni bya mina, va tshinelela tafula ra mina ku ndzi tirhela, va ta hlayisa milawu ya mina.

Levhitika 7:35

Hi kona ku averiwa ka Aroni ni ka vana va yena ehenhla ka timhamba leti hiseriwaka Yehovha, hikwalaho ka ku hlawuriwa ka vona entirhweni wa vuprista.’ ”

Pisalema 115:10

N'wina yindlu ya Aroni, titshembeleni Yehovha! Hi yena mupfuni wa vona ni xitlhangu xa vona.