Tinhlayo 18:4 - Xitsonga (Bibele)

⁴ Va ta tshama na wena, va hlayisa leswi fanelaka ku hlayiseriwa tabernakela ya nhlengeletano, ni mitirho hinkwayo ya tabernakela; kambe ku nga vi na muluveri la nga ta mi tshinelela.

BIBELE Mahungu Lamanene

⁴ Va ta ta va ta tirha na n'wina emintirhweni hinkwayo ya Ntsonga lowo Hlawuleka, kambe munhu loyi a nga riki Mulevhi, a nga tshuki a ta kusuhi na n'wina.

Tinhlayo 18:4 Referans Kwoze

1 SAMIELE 6:19

Yehovha a ba ngopfu vanhu va Beta-Xemexe, hikuva a va langutile areka ya Yehovha; a dlaya vanhu va 70 exikarhi ka tiko leri ngi ri ri ni vanhu va 50 000. Kutani vanhu va va ni mikosi hikuva Yehovha a a bile tiko hi khombo lerikulu.

Tinhlayo 3:10

U ta veka Aroni ni vana va yena leswaku va tirha ntirho wa vuprista, kambe wamatiko la nga ta tshinelela u ta dlawa.”

Tinhlayo 1:51

Kutakuloko yindlu yi suka, Valevhi va ta yi hlanhla, ni loko yindlu yi yima, Valevhi va ta yi dzima; kambe wamatiko la nga ta yi tshinelela u ta dlawa.

Tinhlayo 18:3

Va ta hlayisa leswi vekeriweke wena, ni swa tabernakela hinkwayo; kambe va nga tshuki va tshinelela swibya swa vukwetsimelo ni alitari, leswaku mi nga tshuki mi fa, hambi vona hambi n'wina.

Tinhlayo 18:5

Mi ta hlayisa swibya swa vukwetsimelo ni swa alitari leswaku vukari byi nga ha vi kona ehenhla ka vana va Israele.

Tinhlayo 31:30

Eku avanyisiweni ka vana va Israele, u ta pambula nhloko yin'we eka ntlhanu wa makume, hambi vanhu, hambi tihomu, ni timbhongolo, ni swifuwo leswitsongo, ni leswi hanyaka hinkwaswo; u ta swi nyika Valevhi lava hlayisaka yindlu ya Yehovha.”

Ezekiele 44:14

Ndzi ta va veka valanguteri va yindlu ku tirha ntirho hinkwawo wa yindlu, ni hinkwaswo leswi fanelaka ku tirhiwa kona.

Tinhlayo 1:53

Kambe Valevhi va ta gova ekusuhi ni yindlu ya vumbhoni, va yi rhendzela, leswaku vukari bya mina byi nga tshuki byi pfurhela nhlengeletano ya vana va Israele; kutani Valevhi va ta langutela yindlu ya vumbhoni.”

Tinhlayo 8:26

U ta pfuna vamakwavo etabernakeleni ya nhlengeletano ku hlayisa leswi fanelaka ku hlayisiwa, kambe a nga ha khomi ntirho lowo tika. U ta endlela Valevhi sweswo eswilweni leswi va swi vekeriweke.”