Tinhlayo 18:21 - Xitsonga (Bibele)

²¹ Loko va ri vana va Levhi, ndzi va nyikile ku pambula hinkwako ka vukhume lebyi humesiwaka eIsraeleni, yi va ndzhaka ya vona; swi ta ringaniswa ntirho lowu va wu tirhaka wu ri ntirho wa tabernakela ya nhlengeletano.

BIBELE Mahungu Lamanene

²¹ “Valevhi vona ndzi va nyika vukhume hinkwabyo lebyi humesiwaka hi Vaisraele, byi va hakelo ya mintirho leyi va yi tirhaka eka Ntsonga lowo Hlawuleka, va ta tihanyisa ha byona.

Tinhlayo 18:21 Referans Kwoze

Nehemiya 12:44

Siku lero ku vekiwa vakamberi ku kambela makamara ya vuveko bya mihlengo, ni bya swirhangana, ni bya ku pambula ka hi khume va ta hlayisela kona mihlengo leyi humaka emitini ya matlhelo, swi ri leswi averiwaka eka vaprista ni Valevhi hi nawu, hikuva ku tsaka a ku ri kona eka Yuda, hikuva vaprista ni Valevhi va tlherile va yima emahlweni ka Xikwembu,

Nehemiya 10:37

Hi ta tisa leswi hlawuriweke swa mapa ya hina, ni swa tinyiko ta hina, ni swa mihandzu ya mirhi hinkwayo, ni swa vhinyo leyintshwa, ni mafurha, hi swi nehela vaprista emakamareni ya yindlu ya Xikwembu xa hina, swin'we ni ku pambula ka khume ka swa misava, swi nga swa Valevhi; hikuva vona Valevhi va ta teka ku pambula ka khume eka swona emitini hinkwayo leyi nga ni masimu ya tiko ra hina;

Vaheveru 7:5

Hikuva lava nga vana va Levhi, lava nyikiweke vuprista, va lerisiwile hi nawu ku teka swa vukhume eka vanhu lava nga vamakwavo, hambi va humile na vona enkaveni wa Abrahama;

Vagalatiya 6:6

Loyi a dyondzisiwaka rito a a pambulele la n'wi dyondzisaka mitirho ya yena hinkwayo.

Nehemiya 13:12

Kutani Vayuda hinkwavo va tlhela va humesa ku pambula ka vukhume eka koro ni vhinyo leyintshwa, ni mafurha, evuhlayiselweni;

Nehemiya 10:29

va hlangana ni vamakwavo va tihosana, va nghena na vona eku hlambanyeni ni le ku tiyiseni, va ku va ta famba emilawini ya Xikwembu, leyi va yi nyikiweke hi Muxe, nandza wa Xikwembu, va ta hlayisa ku lerisa hinkwako ka Yehovha, hosi ya hina ni marito ya yena ni milawu ya yena, va ta famba ha swona.

2 TIKRONIKA 31:12

Kutani va tisa kona hi ku chivirika mihlengo, ni swa vukhume ni swilo leswi hlawuriweke. Konaniya, Mulevhi, a a ri mulanguteri wa swona, kutani Ximeyi, makwavo a a ri mupfuni wa yena.

Tinhlayo 18:6

Vonani, ndzi tekile vamakwenu, vana va Levhi, exikarhi ka vana va Israele; va nyikiwile Yehovha, kambe va nyikiwile n'wina ku tirha ntirho wa tabernakela ya nhlengeletano.

Genesa 14:20

a ku katekisiwe Xikwembu xa le henhlahenhla lexi nyiketeke valala va wena evokweni ra wena.” Kutani Abrama a n'wi pambulela ku avanyisa ka khume ka hinkwaswo.

Tinhlayo 31:28

U ta pambulela Yehovha nhlengo eku averiweni ka lava hlomeke, lava humeke nyimpi, nhloko yin'we hi ntlhanu wa madzana, hambi vanhu, hambi tihomu, ni timbhongolo, ni swifuwo leswitsongo.

Duteronoma 18:8

u ta dya leswi ringanaka swa vona, ku nga hlayiwi leswi a swi kumeke endzhakeni ya vatata wa yena.

Nehemiya 12:47

Emikarhini ya Zerubabele ni le mikarhini ya Nehemiya, Vaisraele hinkwavo a va humesa mihlengo ya vayimbeleri ni ya valanguteri va tinyangwa hilaha ku faneleke ku humesiwa hakona hi siku rin'wana ni rin'wana swilo leswi hlawuriweke, swi nyikiwa Valevhi; Valevhi, vona, va nyika vana va Aroni.

Nehemiya 13:5

a n'wi lunghiserile kamara leyikulu, laha ku nga hlayisiwa mihlengo ni mirhi ya risuna khale, ni mitirho, ni ku pambula ka vukhume eka koro, ni ka vhinyo leyintshwa, ni mafurha, leswi ngi swi lerisiwile Valevhi ni vayimbeleri, ni valanguteri va tinyangwa, ni mihlengo leyi hlawuleriwaka vaprista.

Malakiya 2:4

Kutani mi ta tiva leswaku ndzi rhumele ku lerisa koloko eka n'wina, leswaku ntwanano wa mina na Levhi wu tiya, ku vula Yehovha wa mavandla.

Malakiya 3:10

Tisani endlwini ya vuhlayiselo ku avanyisa ka vukhume ka hinkwaswo leswi mi swi fuweke, swakudya swi va kona endlwini ya mina; mi ndzi ringa hakona, ku vula Yehovha wa mavandla, kutani mi ta vona xana ndzi nga ka ndzi nga mi pfuleri mafasitere ya tilo, ndzi va ndzi mi chululela ku kateka hi mpimo lowu tlurisaka!

Genesa 47:24

Kutaku siku ra ku tshovela, xirhundzu xa vuntlhanu, mi ta nyika Faro, swirhundzu leswa mune swi ta va swa n'wina, swi va swa mbewu leyi mi nga ta byala yona, swi mi fihluta ni va tindlu ta n'wina, ni swihlangi swa n'wina.”

Genesa 47:26

Hikwalaho Yosefa a veka nawu etikweni ra Egipta, ku kondza ku fika sweswi, hileswaku Faro a a nyikiwe ku pambula ka vuntlhanu. Masimu ya vaprista hi wona ntsena lama nga fuwangiki hi Faro.

Tinhlayo 3:6

“Tshineta rixaka ra Levhi, u ri veka emahlweni ka Aroni, muprista, leswaku ri ta n'wi pfuna.

Nehemiya 10:38

muprista, n'wana Aroni, u ta va ni Valevhi siku va tekaka ku pambula ka khume, kutani Valevhi va ta neha ku pambula ka khume eka swa vukhume endlwini ya Xikwembu xa hina, emakamareni ya yindlu ya vuhlayiselo.