Tinhlayo 18:11 - Xitsonga (Bibele)

¹¹ “Kambe leswi nga ta va swa wena hi leswi: leswi pamburiweke emihlengweni ya vona, ni hinkwaswo leswi ndziwitiweke swa vana va Israele; ndzi ku nyika swona ni vana va wena va xinuna ni va xisati, hi ku lerisa loku nga heriki. Un'wana ni un'wana la tengeke endlwini ya wena, u ta swi dya.

BIBELE Mahungu Lamanene

¹¹ “Swin'wana leswi swi nga ta va swa n'wina, i tinyiko leto hlawuleka leti Vaisraele va ndzi humeselaka tona; ndzi ta mi nyika tona hilaha ku nga heriki, n'wina ni vana va n'wina va xinuna ni va xisati. Un'wana ni un'wana emindyangwini ya n'wina loyi a nga tinyamisangiki, ú ta pfumeleriwa ku dya swilo leswi.

Tinhlayo 18:11 Referans Kwoze

Duteronoma 18:3

Hi swona leswi faneleke vaprista, swi ta huma eka tiko, ku ri ka lava humesaka magandzelo, hambi yi ri homu, hambi xi ri xinyimpfana: va ta nyika voko eka muprista, ni tinhlaya ni xihlakahla.

Levhitika 10:14

Loko xi ri xifuva lexi ndziwitiweke, ni voko leri pamburiweke, u ta swi dya exivandleni lexi tengeke, wena ni vana va wena va xinuna ni va xisati, hikuva mi nyikiwile swona; i ku averiwa ka wena ni ka vana va wena, swi huma etimhambeni ta ku khensa ta vana va Israele.

Tinhlayo 18:8

Yehovha a byela Aroni, a ku: “Vona, exikarhi ka swilo hinkwaswo leswi hlawuriweke swa vana va Israele, ndzi ku nyikile leswi va ndzi pambulelaka swona, ndzi ku nyika swona wena ni vana va wena, ku va ku averiwa ka wena hi ku lerisa loku nga heriki.

Levhitika 7:14

Va ta pambula eka nyiko yin'wana ni yin'wana, ku avanyisa loku nga ta humeseriwa Yehovha; swi ta va swa muprista la xuveke ngati ya gandzelo ra ku khensa.

Tinhlayo 18:1

Yehovha a ku eka Aroni: “Wena ni vana va wena, ni yindlu ya tata wa wena, mi ta rhwala milandzu ya vukwetsimelo, kutani wena ni vana va wena, mi ta rhwala milandzu ya ntirho wa vuprista bya n'wina.

Tinhlayo 18:10

U ta swi dya exivandleni lexo kwetsima ngopfu; wanuna un'wana ni un'wana u ta swi dya: swi ta va leswo kwetsima eka wena.

Tinhlayo 18:19

Hinkwaswo leswi pamburiwaka eka swilo leswi hlawuriweke, leswi vana va Israele va swi pambulelaka Yehovha, ndzi ku nyikile swona wena ni vana va wena hi ku lerisa loku nga heriki. I ntwanano lowu tiyeke, lowu nga heriki emahlweni ka Yehovha, wu ri wa wena ni wa vatukulu va wena.”