Tinhlayo 18:10 - Xitsonga (Bibele)

¹⁰ U ta swi dya exivandleni lexo kwetsima ngopfu; wanuna un'wana ni un'wana u ta swi dya: swi ta va leswo kwetsima eka wena.

BIBELE Mahungu Lamanene

¹⁰ Mi ta swi dyela endhawini leyi hlawulekeke swinene; swi ta dyiwa hi wanuna un'wana ni un'wana eka n'wina, swi ta va swi hlawulekile.

Tinhlayo 18:10 Referans Kwoze

Levhitika 7:6

Vavanuna hinkwavo va vaprista va ta dya yona. Va ta yi dya exivandleni lexo kwetsima; i xilo lexi kwetsimaka ngopfu.

Levhitika 6:29

Muprista un'wana ni un'wana wa wanuna u ta dya mhamba yoleyo; i xilo lexi kwetsimaka ngopfu.

Levhitika 6:16

Leswi nga ta sala, xi ta dyiwa hi Aroni ni vana va yena; va ta swi dya ni xinkwa lexo kala comela exivandleni lexo kwetsima, exivaveni xa tabernakela ya nhlengeletano.

Levhitika 21:22

U ta dya kunene vuswa bya Xikwembu xa yena, ni ku averiwa ka yena ka swilo leswi hlawuriweke ngopfu, ni leswi kwetsimisiweke;

Levhitika 14:13

Kutani u ta tlhava xinyimpfana exivandleni lexi va tlhavaka eka xona mhamba ya nandzu ni holokosta, exivandleni lexi hlawuriweke hikuva mhamba ya ku riha yi ri ya muprista kukotisa mhamba ya nandzu; i xilo lexi hlawuriweke ngopfu.

Levhitika 10:17

“A mi dyanga ha yini gandzelo ra nandzu evukwetsimelweni? Hikuva i xilo lexi kwetsimaka ngopfu; mi nyikiwile xona leswaku mi rhwala nandzu wa nhlengeletano mi va phahlela mhamba emahlweni ka Yehovha.

Levhitika 10:13

Mi swi dya evukwetsimelweni, hikuva i ku averiwa ka wena ni ka vana va wena swi huma etimhambeni leti hiseriwaka Yehovha, hikuva ndzi lerisiwile sweswo.

Levhitika 6:26

Muprista la nga ta yi humesa, u ta yi dya; yi ta dyiwa exivandleni lexo kwetsima, exivaveni xa tabernakela ya nhlengeletano.

Levhitika 6:18

Vana hinkwavo va xinuna va Aroni va ta xi dya. I ku averiwa loku nga heriki etinxakeni ta n'wina, emagandzelweni lama hiseriwaka Yehovha. Un'wana ni un'wana la nga ta khumba xona, a ta va la hlawulekeke.’ ”

Tinhlayo 18:9

Leswi nga ta va swa wena exikarhi ka swilo leswi hlawuriweke, ehandle ka leswi hisiwaka, hi leswi: mihlengo hinkwayo ya vona, ni tinyiko hinkwato, ni magandzelo hinkwawo ya xidyoho, ni magandzelo hinkwawo ya ku riha, lawa va ndzi rihelaka ha wona, swilo leswi hlawuriweke ngopfu swi ta va swa wena ni swa vana va wena.

Tinhlayo 18:11

“Kambe leswi nga ta va swa wena hi leswi: leswi pamburiweke emihlengweni ya vona, ni hinkwaswo leswi ndziwitiweke swa vana va Israele; ndzi ku nyika swona ni vana va wena va xinuna ni va xisati, hi ku lerisa loku nga heriki. Un'wana ni un'wana la tengeke endlwini ya wena, u ta swi dya.

Ezekiele 42:13

Kutani a ku eka mina “Makamara ya tlhelo ra n'walungu ni makamara ya le dzongeni, lama xaxameleke ni xivandla xo pfariwa, i makamara ya vukwetsimelo, laha vaprista lava tshinelelaka Yehovha va nga ta dyela swilo swo kwetsimisisa ngopfu kona; hilaha va nga ta veka kona swilo swo kwetsimisisa, tinyiko ni magandzelo ya swidyoho, ni ya milandzu. Xivandla xi kwetsimile.