Tinhlayo 17:11 - Xitsonga (Bibele)

¹¹ Kutani Muxe a endlisa sweswo, a endla hilaha Yehovha a n'wi leriseke hakona.

BIBELE Mahungu Lamanene

¹¹ Kutani Muxe a endla leswi HOSI Xikwembu xi n'wi leriseke swona, a nga siyi nchumu.

Tinhlayo 17:11 Referans Kwoze

Tinhlayo 17:10

Yehovha a ku eka Muxe: “Tlherisa nhonga ya Aroni emahlweni ka vumbhoni, yi ta hlayisiwa kona, xi ri xitsundzuxo xa vana va ku tiarisa; u ta hetisa sweswo ku dzumadzuma ka vona leswaku va nga tshuki va fa.”

Tinhlayo 17:12

Kavaloko vana va Israele va ku eka Muxe: “Waswivo, hi file, hi lovile, hi lovile hinkwerhu!

Levhitika 16:15

“Kutani u ta tlhava xiphongo xa gandzelo ra vudyoho, leri nga ra tiko, a va a tisa ngati ya xona endzeni ka nguvu ya xisirhelo; u ta endla hi ngati leyi kukotisa leswi a swi endleke hi ngati ya nkunzi; a xuva ha yona ehenhla ka vukhongelelo, ni le mahlweni ka byona.

Levhitika 16:16

“U ta phahlela vukwetsimelo mhamba hikwalaho ka leswi nga tengangiki swa vana va Israele, ni ka swidyoho swa vona, hambi wu ri nandzu wihi ni wihi. U ta endlela sweswo tabernakela ya nhlengeletano leyi tshamaka na vona exikarhi ka leswi nga tengangiki eka vona;

Tinhlayo 11:33

Kakuloko nyama ya ha ri emenweni ya vona, yi nga si mitiwa, vukari bya Yehovha byi pfurhela tiko, kutani Yehovha a ba tiko hi khombo lerikulu ngopfu.

2 TIKRONIKA 19:10

Emhakeni yin'wana ni yin'wana leyi nga ta tisiwa eka n'wina hi vamakwenu lava akeke emitini ya vona, loko yi ri mhaka ya ku dlawa, ni ya nawu, hambi ya ku lerisa, kumbe ya marito, kumbe ya ku letela, mi ta va kombisa leswinene, leswaku va nga tshuki va dyohela Yehovha, ni leswaku mi nga kariheriwi swin'we ni vamakwenu. Mi ta endlisa sweswo leswaku mi nga tshuki mi va ni nandzu.