Tinhlayo 16:5 - Xitsonga (Bibele)

⁵ Kutani a byela Kora ni vandla ra yena, a ku: “Mundzuku Yehovha u ta tivisa loyi a nga wa yena, ni la hlawuriweke ku tshinela ekusuhi na yena; kutani loyi Yehovha a nga ta n'wi hlawula, u ta n'wi tshinetela eka yena.

BIBELE Mahungu Lamanene

⁵ kutani a byela Kora ni vanghana va yena hinkwavo, a ku: “Mundzuku nimixo, HOSI Xikwembu xi ta kombisa loyi a nga wa xona ni loyi a hlawulekeke, kutani xi ta n'wi pfumelela ku tshinela a xi tirhela; ndzi ri, yoloyi xi tihlawuleleke yena, hi yena xi nga ta n'wi pfumelela ku tshinela a humesa magandzelo.

Tinhlayo 16:5 Referans Kwoze

Pisalema 65:4

Ku katekile loyi u n'wi hlawulaka, loyi u n'wi tshinetaka eka wena! U ta tiakela etihubyeni ta wena. Hi ta xurha hi rifuwo ra yindlu ya wena, Ni ku kwetsima ka tempele ya wena.

Tinhlayo 17:5

Munhu loyi ndzi nga ta n'wi hlawula, nhonga ya yena yi ta hluka, kutani ndzi ta hetisa ku dzumadzuma ka vana va Israele ehenhla ka n'wina.”

Levhitika 10:3

Muxe a ku eka Aroni: “Hi lexi Yehovha a xi leriseke, loko a ku: ‘Ndzi ta kwetsimisiwa hi lava ndzi tirhelaka, ndzi dzunisiwa emahlweni ka tiko hinkwaro.’ ” Kambe Aroni a miyela.

2 Timotiya 2:19

Hambiswiritano, masungulo ya ku tiya ya Xikwembu ma yimile swinene, ma nga ni mfungho wolowo, wu nge: “Hosi yi tiva lava nga va yona,” na kona: “Un'wana ni un'wana la vulaka vito ra Kriste, a a avane ni leswo homboloka.”

Tinhlayo 16:3

Kutani va hlengeletana va rhendzela Muxe na Aroni va ku eka vona: “Swi ringene, hikuva nhlengeletano hinkwayo yi kwetsimile, kutani Yehovha u le xikarhi ka vona! Xana mi tikurisela yini ehenhla ka nhlengeletano ya Yehova-ke?”

Nhlavutelo 1:6

Eka loyi a hi rhandzeke, la nga hlantswa swidyoho swa hina hi ngati ya yena a va a endla tiko ha hina ni vaprista va Xikwembu, Tata wa yena eka yena a ku ve ku kwetsima ni matimba, hi masiku ni masiku Amen!

Timhaka 22:14

Kambe a ku: ‘Xikwembu xa vatata wa hina xi tihlawulele wena leswaku u tiva ku rhandza ka xona, ni leswaku u vona La lulameke, ni leswaku u twa rito ra nomu wa yena;

Timhaka 13:2

Kakuloko va ri karhi va tirha ntirho wa Hosi, va titsona swakudya, Moya lowo Kwetsima wu ku: “Ndzi hlawuleleni Barnaba na Sawulo, va ya entirhweni lowu ndzi va vitaneleke wona.”

Timhaka 1:24

Kutani va khongela, va ku: “Hosi, wena la tivaka timbilu ta hinkwavo, kombisa loyi u n'wi hlawuleke eka lavambirhi lava,

Timhaka 1:2

ku ko ku fika siku leri a nga tlhandlukisiwa etilweni ha rona, loko a lerisile hi Moya lowo Kwetsima vaapostola lava a va hlawuleke,

Yohane 15:16

“A hi n'wina mi ndzi hlawuleke; hi mina ndzi mi hlawuleke, kutani ndzi mi vekile leswaku mi ya mi veleka mihandzu, ni leswaku mihandzu ya n'wina yi tshama, swi ri leswaku hinkwaswo leswi mi nga ta swi kombela eka Tatana hi vito ra mina, a mi nyika swona.

Malakiya 3:18

Mi ta tlhela mi vona ku hambana loku nga kona eka la lulameke ni lowo biha, ni ka la tirhelaka Xikwembu ni la nga xi tirheliki!

Ezekiele 40:46

Makamara lawa langutaka tlhelo ra n'walungu, i ya vaprista lava tirhelaka swa alitari: i vana va Sadoki, va nga vona exikarhi ka vana va Levhi, lava tshinelelaka Yehovha ku n'wi tirhela.”

Pisalema 105:26

A rhuma Muxe, nandza wa yena, Na Aroni loyi a nga n'wi hlawula.

1 SAMIELE 2:28

Ndzi n'wi hlawurile xikarhi ka tinxaka hinkwato ta Israele leswaku a va muprista wa mina, ni ku gandzela ealitarini ya mina, ni ku hisa mirhi ya risuna, ni ku ambala efodi emahlweni ka mina; kambe ndzi nyikile yindlu ya tata wa wena magandzelo hinkwawo lama hisiwaka ya vana va Israele.

Eksoda 28:1

“U ta tshineta Aroni, makwenu, ni vana va yena, va ta hlawuriwa exikarhi ka vana va Israele leswaku va tirha ntirho wa vuprista emahlweni ka mina: U ta va yena Aroni, ni vana va yena, Nadabu, na Abihu, na Eliyazara, na Itamara.

Vaheveru 12:14

Hisekelani ku va ni ku rhula ni hinkwavo, ni ku kwetsima, loku, kungakuloko munhu a ku pfumala, a nga ka a nga voni Hosi;

Vaefesa 2:13

Kambe sweswi, eka Yesu Kriste, n'wina valavo ingi mi ri ekule khale, mi tshinetiwile hi ngati ya Kriste,

Timhaka 15:7

Kuteloko va kanerile ngopfu, Petro a yima, a ku eka vona: “Vavanuna varikwerhu, ma swi tiva leswaku khale Xikwembu xi ndzi hlawurile exikarhi ka n'wina, leswaku vamatiko va yingisa rito hi nomu wa mina, va va va pfumela.

Levhitika 8:2

“Teka Aroni ni vana va yena, ni tinguvu, ni mafurha yo tola, ni nkunzi ya gandzelo ra nandzu, ni makhuna mambirhi, ni xirhundzu xa swinkwa leswi nga riki na comela,

Eksoda 28:43

Aroni ni vana va yena va ta ti ambala loko va nghena eTabernakeleni ya nhlengeletano ni loko va tshinela alitari ku ya tirha ntirho evukwetsimelweni va nga tshuki va kuma nandzu, leswaku va nga ti fa. I ku lerisa loku nga heriki, loku nyikiweke Aroni ni vatukulu va yena.”

Tinhlayo 16:6

Wena Kora ni vandla hinkwaro ra wena endlani sweswo; mi ta titekela tinhlambeto,

Tinhlayo 17:8

Hi siku leri tlhandlamaka, Muxe a nghena etabernakeleni ya vumbhoni, kutani maswivo, ku hlukile nhonga ya Aroni leyi nga ya nyimba ya Levhi; yi hlukile kunene yi balekile swiluva yi vekile ni mihandzu leyi vupfeke.

Yeremiya 30:21

Hosi ya wena yi ta huma eka yena mufumi wa yena u ta huma exikarhi ka yena ndzi ta n'wi tshineta, kutani u ta ta eka mina; hikuva i mani la nga ta kanya mbilu leswaku a tshinelela ka mina, ku vula Yehovha.

Yeremiya 49:19

“Vona, kukota nghala, u huma eswihlahleni swa Yordani, u tlhandlukela evuakweni lebyo tiya; kan'we ndzi ta balekisa Edomu, a suka kona; kutani yeloyi ndzi n'wi hlawuleke, ndzi ta lerisa yena ehenhla ka byona. Hikuva i mani la kotaka mina? I mani la nga ndzi vitelaka ehubyeni? I mani, murisi la nga yimaka emahlweni ka mina?

Yeremiya 50:44

“Vonani, kukota nghala loko yi huma eswihlahleni swa Yordani, u tlhandlukela evuakweni lebyo tiyisiwa; kambe ndzi ta n'wi hlongola kan'we; kutani loyi ndzi n'wi hlawuleke, ndzi ta n'wi lerisa byona; hikuva i mani la kotaka mina? I mani la nga ndzi vitelaka ehubyeni? I mani hosi leyi nga yimaka emahlweni ka mina?

Ezekiele 43:19

U ta nyika vaprista va ka Levhi va nyimba ya Sadoki lava tshinelelaka emahlweni ka mina ku ndzi tirhela, ku vula Yehovha, u ta va nyika nkuzana yi va mhamba ya xidyoho.

Ezekiele 45:4

Ku pambula loku ka tiko loku kwetsimaka, ku ta va ka vaprista lava tirhaka mitirho ya vukwetsimelo, lava tshinelelaka ku tirhela Yehovha; yi ta va ndhawu ya tindlu ta vona ni xivandla xo hlawuriwa xa ku aka vukwetsimelo.

Eksoda 28:41

U ta ambexa Aroni, makwenu, ni vana va yena, u va chela mafurha u va hlawula, leswaku va va entirhweni wa vuprista emahlweni ka mina.

Pisalema 115:10

N'wina yindlu ya Aroni, titshembeleni Yehovha! Hi yena mupfuni wa vona ni xitlhangu xa vona.