Tinhlayo 16:11 - Xitsonga (Bibele)

¹¹ Hikwalaho mi hlengeletene, wena ni vandla ra wena hinkwaro ku lwa na Yehovha! Aroni, i mani, leswi mi n'wi dzumadzumelaka xana?”

BIBELE Mahungu Lamanene

¹¹ Aroni loyi mi n'wi dzumadzumelaka, xana ma n'wi tiva leswaku i mani xana? Loko wena ni vanghana va wena mi hlengeletana, a mi lwi na yena, kambe mi lwa na HOSI Xikwembu!”

Tinhlayo 16:11 Referans Kwoze

Eksoda 17:2

Kavaloko tiko ri tengisa Muxe, ri ku: “Hi nyike mati hi nwa.” Kutani Muxe a ku eka vona: “Mi ndzi karihela yini? Mi ringela yini Yehovha?”

1 Vakorinto 3:5

Pawulo i mani xana? Na Apolosi, i mani xana? Malandza lawa mi pfumeleke ha wona, hilaha un'wana ni un'wana a nyikiweke hakona hi Hosi.

Tinhlayo 16:3

Kutani va hlengeletana va rhendzela Muxe na Aroni va ku eka vona: “Swi ringene, hikuva nhlengeletano hinkwayo yi kwetsimile, kutani Yehovha u le xikarhi ka vona! Xana mi tikurisela yini ehenhla ka nhlengeletano ya Yehova-ke?”

Varhoma 13:2

Hikwalaho la alaka vuhosi, u ala nawu wa Xikwembu, kutani lava wu alaka, va tikokela ku avanyisiwa ehenhla ka vona.

Timhaka 5:4

A ndzi ku: Nsimu, ni loko u tihlayisele yona, a yi nga ri ya wena-ke? Ni loko yi xavisiwile, nxavo wa yona a wu nga ri wa wena-ke? Mhaka leyi, u yi nghenisise ku yini embilwini ya wena? A ku hembelangi vanhu, kambe u hembele Xikwembu.”

Yohane 13:20

Ndzi vurisile ndzi ri eka n'wina: La amukelaka loyi ndzi n'wi rhumaka, u mukela mina; la ndzi amukelaka, u amukela la ndzi rhumeke.”

Luka 10:16

La mi yingisaka, wa ndzi yingisa; la mi tshikaka, wa ndzi tshika: kutani la ndzi tshikaka, u tshika la ndzi rhumeke.”

1 SAMIELE 8:7

Kavaloko Samiele a khongela Yehovha; kutani Yehovha a ku eka Samiele: “Yingisa rito ra tiko etimhakeni hinkwato leti va ku byelaka tona, hikuva a hi wena va ku tshikaka, kambe va tshika mina, leswaku ndzi nga tshuki ndzi va fuma.

1 Vakorinto 10:10

Kambe mi nga tshuki mi dzumadzuma, kukota leswi van'wana va dzumadzumeke; kutani va file hi mudlayi.

Yuda 1:16

I vanhu va ku n'unun'uta, lava vilelaka hi masiku, va ya hi ku navela ka vona; milomu ya vona yi vulavula manyunyu, va ri karhi va hlamala nghohe ya vanhu ku ta pfuniwa.

Tinhlayo 11:1

Tiko ri sungula ku n'unun'uta etindleveni ta Yehovha. Kuteloko Yehovha a swi twa, ku kariha ka Yehovha ku pfurha, kutani ndzilo wa Yehovha wu pfurha exikarhi ka vona, wu heta vanhu emakun'wini ya mixaxa.

Tinhlayo 16:12

Muxe a rhuma ku ya vitana Datani na Abirama, vana va Eliyabu. Kutani va ku: “Hi nga ka hi nga khandziyi.

1 TIKRONIKA 26:19

Hi yona mitlawa ya valanguteri, va ri vana va Kora ni vana va Merari.

Pisalema 106:16

A va tshohoka Muxe emixaxeni, Na Aroni, muhlawuriwa wa Yehovha.