Tinhlayo 15:3 - Xitsonga (Bibele)

³ loko mi humesela Yehovha gandzelo leri hisiwaka, hambi yi ri holokosta, hambi ri ri gandzelo ro tiyisa rito ra ku hlambanya, hambi yi ri nyiko ya ku tirhandzela ka n'wina, hambi ku ri emikhubyeni ya n'wina; loko mi rhandza ku humesela Yehovha risema leri nun'hwelaka, exikarhi ka swifuwo leswikulu kumbe leswitsongo:

BIBELE Mahungu Lamanene

³ kutani mi lava ku ndzi humesela magandzelo, hi tihomu kumbe tinyimpfu ni timbuti, mi ta endlisa leswi: Gandzelo leri hisiwaka kumbe leri dyiwaka leri munhu a tiboheke hi ku hlambanya leswaku ú ta ri humesa, kumbe leri a ngo ri humesa hi ku titwa, kumbe leri humesiwaka eminkhubyeni ya lembe, ri fanele ku va leri ku nun'hwela ka rona ku nga ta ndzi tsakisa mina HOSI.

Tinhlayo 15:3 Referans Kwoze

Eksoda 29:18

kutani u hisa khuna hinkwaro ealitarini; i gandzelo ra Yehovha leri nun'hwelaka swo nandziha; i gandzelo leri hiseriwaka Yehovha.

Genesa 8:21

Kutani Yehovha a twa ku nun'hwela loku tsakisaka; Yehovha a ku embilwini ya yena: “A ndzi nga ha tlheli ndzi rhuketela misava hikwalaho ka vanhu, hikuva makungu ya timbilu ta vanhu ma bihile ku suka evuhlangini bya vona, kutani a ndzi nga ha tlheli ndzi ba hinkwaswo leswi hanyaka hilaha ndzi endleke hakona.

Tinhlayo 28:27

Mi ta humesa holokosta leyi nga ni risuna leri nun'hwelaka eka Yehovha, ti va tinkunzi timbirhi, ni khuna, ni swinyimpfana swa 7, swa lembe.

Vafilipiya 4:18

Ndzi kumile hinkwaswo, swi ndzi andzele ngopfu; ndzi taleriwe hi ku amukela ha Epafrodito leswi humaka eka n'wina, leswi nga nun'hwela, ni gandzelo leri amukeriwaka hi Xikwembu lexi tsakisiwaka ha rona.

Levhitika 27:2

“Byela vana va Israele u ku eka vona: ‘Kutakuloko munhu a tibohile hi ku hlambanya leswaku a ta humesela Yehovha mali yo ringanisa nxavo wa munhu:

Vaefesa 5:2

mi famba erirhandzwini kukotisa loko Kriste, na yena, a mi rhandzile, kutani u tinyiketele hina, a va mhamba ni gandzelo ra ku nun'hwela eka Xikwembu.

Matewu 3:17

Kutani ku twakala rito leri humaka ematilweni, ri ku: “Loyi, i n'wana wa mina, loyi ndzi n'wi rhandzaka, loyi ndzi n'wi tsakelaka.”

Duteronoma 12:17

“U nga ka u nga dyi emindyangwini ya wena swa vukhume bya mavele ya wena, ni bya vhinyo ya wena, ni bya mafurha ya wena, hambi ma ri mativula ya tihomu ta wena ni ya timbuti ta wena, ni loko xi ri xilo lexi u nga ta xi humesa loko u hlambanyile, hambi yi ri mihlengo ya ku tirhandzela ka wena, hambi xi ri lexi voko ra wena ri xi pambuleke.

Duteronoma 12:11

Exivandleni, lexi Yehovha, Xikwembu xa n'wina, a nga ta hlawula ku ta akisa kona vito ra yena, hi kona mi nga ta tisa hinkwaswo leswi ndzi mi lerisaka swona, tiholokosta ta n'wina, ni magandzelo ya n'wina, ni swa vukhume bya n'wina, ni leswi mavoko ya n'wina ma swi pambuleke, ni mihlengo ya n'wina ya leswo saseka leyi mi nga ta yi tisa eka Yehovha ku tiyisa leswi mi tiboheke hi ku hlambanya ku swi endla.

Duteronoma 12:6

Mi ta tisa kona tiholokosta ta n'wina, ni magandzelo ya n'wina, ni swa vukhume bya n'wina, ni leswi mavoko ya n'wina ma nga ta swi pambula, ni magandzelo ya n'wina ya ku tiboha hi ku hlambanya, ni magandzelo ya ku tirhandzela ka n'wina, ni mativula ya swifuwo leswikulu ni leswitsongo swa n'wina.

Tinhlayo 29:8

mi ta humesela Yehovha holokosta ri va risuna; yi va nkunzi, ni khuna, ni swinyimpfana swa 7 swa lembe: mi swi teka swi nga ri na xivati.

Levhitika 10:13

Mi swi dya evukwetsimelweni, hikuva i ku averiwa ka wena ni ka vana va wena swi huma etimhambeni leti hiseriwaka Yehovha, hikuva ndzi lerisiwile sweswo.

Levhitika 7:16

Loko gandzelo ri humesiwa hi munhu la tibohaka hi ku hlambanya, kumbe loko ri endliwa hi ku rhandza ka munhu ntsena, ri ta dyiwa siku leri va gandzelaka ha rona, kambe leswi nga ta sala swi ta dyiwa siku leri tlhandlamaka.

Eksoda 29:41

U ta tlhava xinyimpfana xa vumbirhi nimadyambu, u xi endlela mhamba ni ku xuva kukota xa mixo, ma ta va magandzelo lama hiseriwaka Yehovha, lama nun'hwelaka.

Eksoda 29:25

kutani u swi susa emavokweni ya vona, u swi hisa ealitarini, ehenhla ka gandzelo, swi ta nun'hwela emahlweni ka Yehovha: i magandzelo lama hiseriwaka Yehovha.

2 Vakorinto 2:15

Hikuva eka Xikwembu hi ri ku nun'hwela loku nandzihaka ka Kriste, exikarhi ka lava hlayisekaka ni ka lava lovaka;

2 Vakorinto 2:16

eka van'wana, hi ku nun'hwela ka rifu, loku dlayaka; eka van'wana hi ku nun'hwela ka vutomi, loku hanyisaka. Kambe i mani la nga lulamelaka leswo tano?

Pisalema 54:6

Ndzi ta ku humesela magandzelo hi ku rhandza ka mina; Ndzi ta twarisa vito ra wena, Yehovha, hikuva ri nene,

Tinhlayo 6:15

U ta tisa ni xirhundzu xa swinkwa leswi nga riki na comela, swi ri swimbundzu swa mapa layo saseka lama pfuviweke hi mafurha, ni swinkwa leswo kala comela, leswi totiweke hi mafurha: ehenhla ka swona, u ta tisa nhlengo ni swakunwa.

Ezra 7:17

Hikwalaho, hatlisa u xava hi mali yoleyo tinkunzi, ni tinyimpfu, ni swinyimpfana, ni tinyiko ta swona, ni swakunwa leswi cheriwaka ehenhla ka swona, u swi humesa ealitarini ya yindlu ya Xikwembu xa n'wina eYerusalema.