Tinhlayo 15:25 - Xitsonga (Bibele)

²⁵ Muprista u ta phahlela nhlengeletano hinkwayo ya vana va Israele mhamba kutani va ta khomeriwa, hikuva i ku dyoha loku endliweke ku nga ri ha vomu; naswona va tisile nhlengo wa vona, ri ri gandzelo leri hiseriwaka Yehovha, ni gandzelo ra vona ra nandzu emahlweni ka Yehovha, hikwalaho ka xidyoho xa vona lexi endliweke ku nga ri ha vomu.

BIBELE Mahungu Lamanene

²⁵ Muprista ú ta mi basisa hinkwenu, kutani mi ta rivaleriwa, hikuva a mi endlanga ha vomu, naswona mi ta va mi ndzi humeserile gandzelo leri hisiwaka ni mhamba yo susa swidyoho.

Tinhlayo 15:25 Referans Kwoze

Levhitika 4:20

Va ta endla hi nkunzi leyi, kukotisa leswi va swi endleke hi nkunzi ya nandzu; ku ta endlisiwa sweswo ha yona. Muprista u ta va phahlela mhamba, kutani va ta rivaleriwa.

Vaheveru 2:17

Hikwalaho-ke, a swi fanela leswaku a fanisiwa hinkwako ni vamakwavo, leswaku a ta va muprista lonkulu la nga ni ku tsetselela, ni ku tshembeka ka hinkwaswo swa Xikwembu, a ko a kutsula tiko eku dyoheni ka rona.

Varhoma 3:25

Xikwembu xi n'wi vekile leswaku yi ta va mhamba ya lava pfumelaka eka ngati ya Yena; xi ta kombisa ku lulama ka xona hilaha xi tshikeke swidyoho swo sungula, emikarhini ya ku honisa ka xona;

1 Yohane 2:2

Kutani hi yena, hi xiviri xa yena, a nga mhamba ya swidyoho swa hina; swi nga ri swa hina ntsena, kambe ni swa vanhu hinkwavo.

Timhaka 13:39

ni leswaku un'wana ni un'wana la pfumelaka eka yena, u khanisiwa eka swilo hinkwaswo leswi a nga hluleka ku khanisiwa hi nawu wa Muxe.

Luka 23:34

Kambe Yesu a ku: “Tatana, va rivalele, hikuva a va tivi leswi va swi endlaka.” Kutani va avelana tinguvu ta yena hi ku ti hlahluva hi vuhlolotwana.

Levhitika 4:26

U ta hisa ealitarini mafurha hinkwawo, kukotisa mafurha ya gandzelo ra ku khensa. Muprista u ta phahlela hosana leyo mhamba hikokwalaho ka nandzu wa yona, kwalaho yi ta rivaleriwa.

Vaheveru 9:7

kambe loko ku ri etabernakeleni ya vumbirhi, ku nghena eka yona muprista lonkulu ntsena, a nghena kan'we hi lembe, kambe a nga ngheni loko a nga ri na ngati leyi a yi humesaka hikwalaho ka yena, ni ka ku dyoha ka tiko.

Duteronoma 21:21

Vavanuna hinkwavo va muti wa yena va ta n'wi khandla hi maribye leswaku a fa, hi mukhuva wolowo u ta susa lowo biha exikarhi ka wena kutani Vaisraele hinkwavo va ta swi yingisa, va ta chava.

Eklesiasta 5:6

U nga tshuki u tshiketa nomu wa wena wu yisa nyama ya wena exidyohweni, u nga tshuki u vula emahlweni ka ntsumi [ya Xikwembu] leswaku u hoxile ntsena. Hikuva Xikwembu a xi ta karihela yini rito ra wena, a xi ta onhela yini ntirho wa mavoko ya wena-ke?

Levhitika 4:31

Muprista u ta susa mafurha hinkwawo hi mukhuva lowu va susaka mafurha ya magandzelo ya ku khensa kutani a ma hisa ealitarini, ri va risuna eka Yehovha. Muprista u ta phahlela munhu loyi mhamba, kutani u ta rivaleriwa.

Levhitika 4:35

U ta susa mafurha hinkwawo hi mukhuva lowu va susaka ha wona mafurha ya xinyimpfana xa gandzelo ra ku khensa, kutani muprista u ta ma hisa ealitarini, ehenhla ka magandzelo lama hiseriwaka Yehovha. Muprista u ta endlela munhu loyi, mhamba, hikwalaho ka nandzu wa yena, kutani u ta rivaleriwa.

Levhitika 15:15

Muprista u ta ma humesa, rin'wana ri va gandzelo ra xidyoho, rin'wana yi va holokosta; kutani muprista u ta n'wi phahlela mhamba emahlweni ka Yehovha hikwalaho ka ndzundzwana wa yena.