Tinhlayo 15:15 - Xitsonga (Bibele)

¹⁵ Wu ta va nawu wun'we wa nhlengeletano, hi leswaku wa n'wina ni wa muluveri la akeke eka n'wina: i ku lerisa loku nga heriki ka vatukulu va n'wina; swi ta va xilo xin'we eka muluveri ni ka n'wina emahlweni ka Yehovha.

BIBELE Mahungu Lamanene

¹⁵ Eka n'wina ni ka loyi a luveleke erixakeni ra n'wina, ku ta tirha nawu wun'we hilaha ku nga heriki, lowu nga ta boha ni hinkwavo lava nga ta velekiwa. Emahlweni ka mina, n'wina ni valuveri ma fana.

Tinhlayo 15:15 Referans Kwoze

Tinhlayo 15:29

Wu ta va nawu wun'we eka vana va Israele ni ka muluveri la akeke exikarhi ka vona. Loko munhu a dyoha ku nga ri ha vomu, mi ta va ni nawu wun'we.

Tinhlayo 9:14

Kungakuloko muluveri u akile na n'wina, kutani a endla Paseka ya Yehovha, u ta yi endla hi nawu wa Paseka, hi ku lerisa ka wona. Nawu wu ta va wun'we eka n'wina hileswaku eka muluveri ni ka la tsariweke etikweni.’ ”

Eksoda 12:49

Nawu wu ta va wun'we eka la tswariweke ekaya, ni le ka wamatiko la luveleke eka n'wina.”

Vagalatiya 3:28

A ka ha ri na Muyuda hambi Mugriki; a ka ha ri na khumbi, ni loko a ri n'wana wa xitswalwa; a ka ha ri na wanuna, ni loko a ri wansati, hikuva hinkwenu mi un'we eka Yesu Kriste.

1 SAMIELE 30:25

Ku sungula siku leri, ni ku ya emahlweni, swi va tano, va swi endla xitoloveto ni nawu eIsraeleni ku fika namuntlha.

Tinhlayo 10:8

I vaprista, vana va Aroni lava nga ta yimba tinanga. Ku ta va ku lerisa loku nga heriki eka n'wina ni ka vatukulu va n'wina.

Levhitika 24:22

“Mi ta va ni nawu wun'we eka hinkwavo; wu ta va wun'we eka muluveri ni ka la tswariweke etikweni; hikuva hi mina Yehovha, Xikwembu xa n'wina.”

Eksoda 12:43

Kutani Yehovha a ku eka Muxe na Aroni: “Ku lerisa ka Paseka hi kuloku: A ku na munhu wa matiko la nga ta dya yona;

Eksoda 12:24

Mi ta hlayisa ku lerisa loku, ku va nawu eka n'wina ni le ka vana va n'wina hilaha ku nga heriki.

Eksoda 12:14

Siku lero xi ta va xitsundzuxo xa n'wina; mi ta ri hlawula wu va nkhuvo wa Yehovha etinxakeni ta tinxaka: ku ve ku lerisa loku nga heriki.

Vakolosa 3:11

Laha a ku na Mugriki, ni loko a ri Muyuda, ni loko ri ri nkwerha, ni loko ri ri khuna, ni loko a ri mubarbari, ni loko a ri Muskita, ni loko a ri hlonga la fuyiweke, ni loko a ri la nga fuyiwangiki, kambe Kriste i hinkwaswo eka hinkwavo.

Tinhlayo 18:8

Yehovha a byela Aroni, a ku: “Vona, exikarhi ka swilo hinkwaswo leswi hlawuriweke swa vana va Israele, ndzi ku nyikile leswi va ndzi pambulelaka swona, ndzi ku nyika swona wena ni vana va wena, ku va ku averiwa ka wena hi ku lerisa loku nga heriki.

Tinhlayo 15:14

“ ‘Kutakuloko muluveri a luvela exikarhi ka n'wina, hambiloko u akile khale exikarhi ka n'wina, kutani a humesa gandzelo leri hisiwaka, ri va risuna eka Yehovha, u ta ri humesa kukotisa n'wina.

Eksoda 28:43

Aroni ni vana va yena va ta ti ambala loko va nghena eTabernakeleni ya nhlengeletano ni loko va tshinela alitari ku ya tirha ntirho evukwetsimelweni va nga tshuki va kuma nandzu, leswaku va nga ti fa. I ku lerisa loku nga heriki, loku nyikiweke Aroni ni vatukulu va yena.”

Yoxuwa 8:33

Kutani Vaisraele hinkwavo ni vakulukumba va vona, ni tindhuna ta vona, ni vaavanyisi va vona, va yima ematlhelweni mambirhi ya areka, va langutene ni vaprista ni Valevhi lava rhwalaka areka ya ntwanano wa Yehovha; valuveri va ri swin'we ni vanhu va tiko va ri hafu etlhelweni ra ntshava ya Gerizimi, ni hafu etlhelweni ra ntshava ya Ebali, hilaha Muxe, nandza wa Yehovha, a leriseke hakona ku katekisa tiko ra Israele eku sunguleni.

Estere 9:27

Vayuda va kanela, kutani va tihlawulela, va hlawulela ni vatukulu va vona ni hinkwavo lava nga va namarhelaka, leswaku va nga ka va nga tshiki ku hlawula masiku walawo mambirhi, elembeni rin'wana ni rin'wana, hi nawu wa kona lowu tsariweke, ni nkarhi lowu vekiweke;