Tinhlayo 14:9 - Xitsonga (Bibele)

⁹ Ntsena mi nga tshuki mi pfukela Yehovha; loko mi ri n'wina, mi nga chaveni vanhu va tiko leri, hikuva swi ta va swakudya swa hina; ndzhuti wa vona wu sukile ehenhla ka vona, kasi Yehovha u na hina, mi nga tshuki mi va chava.”

BIBELE Mahungu Lamanene

⁹ Ntsena mi nga tshuki mi fularhela HOSI Xikwembu, naswona mi nga va chavi vanhu va tiko leriya, hikuva hi ta va hlula hi ku olova; swikwembu swa vona leswi a swi va sirhelela swi fambile, kasi HOSI Xikwembu xona xi na hina, kutani mi nga va chavi!”

Tinhlayo 14:9 Referans Kwoze

Duteronoma 7:18

U nga tshuki u va chava! Tsundzuka swinene leswi Yehovha, Xikwembu xa wena, a swi endleke Faro na Egipta hinkwaro,

Varhoma 8:31

Xana hi ta ku yini etimhakeni teto xana? Loko Xikwembu xi hi yimela, i mani la nga lwaka na hina xana?

Duteronoma 31:6

Tiyisani mbilu, mi tiya! Mi nga chaveni, kambe mi nga chavisiwi hi vona, hikuva Yehovha, Xikwembu xa wena, a famba emahlweni ka wena, a nga ka a nga ku siyi, a nga ka a nga ku tshiki.”

Pisalema 74:14

U pyanyeterile tinhloko ta tingwenya, U ti nyikile swi va swakudya swa swivandzana swa le mananga.

2 TIKRONIKA 32:8

Voko ra nyama ri na yena, kambe Yehovha, Xikwembu xa hina, u na hina ku hi pfuna ni ku lwa nyimpi ya hina.” Kutani tiko ri tiyisiwa hi marito ya Hezekiya, hosi ya Yuda.

2 TIKRONIKA 20:17

A hi n'wina lava mi nga ta lwa emhakeni leyi; humani, mi va kona, kutani mi ta vona ku pona ka Yehovha, la nga na n'wina.’ N'wina, va Yuda ni va Yerusalema, mi nga chaveni, mi nga heli timbilu! Mundzuku, humani, mi ya hlangana na vona, Yehovha u ta va na n'wina.”

Duteronoma 31:8

Yehovha u ta famba emahlweni ka wena, u ta va na wena; a nga ka a nga ku tshiki, a nga ka a nga ku siyi; u nga chavi, u nga heli mbilu.”

Tinhlayo 24:8

Xikwembu xi n'wi humese Egipta, A heta matiko, va nga valala va yena; A faya marhambu ya vona, a khandla miseve ya vona.

Yoxuwa 1:5

A ku na munhu la nga ta tiya ku yima emahlweni ka wena hi masiku hinkwawo ya vutomi bya wena; hilaha ndzi byeleke Muxe hakona, ndzi ta va na wena, ndzi nga ka ndzi nga ku tshiki, ndzi nga ka ndzi nga ku siyi.

Pisalema 121:5

Yehovha i muhlayisi wa wena, Yehovha i ndzhuti wa wena evokweni ra xinene ra wena.

Pisalema 14:4

Xana hinkwavo lava endlaka swo biha va pfumala ku tiva xana? Va dya tiko ra mina kukotisa loko ku dyiwa vuswa; A va khongeri Yehovha.

Duteronoma 9:7

“Tsundzuka, u nga rivali hilaha u nga karihisa Yehovha swonghasi emananga, ku sungula siku u humeke etikweni ra Egipta, ku yisa eku fikeni ka n'wina kwalaho, mi pfukile Yehovha.

Duteronoma 1:26

Kambe mi arile ku khandziya ka rona, eka Yehovha, Xikwembu xa n'wina.

Daniele 9:9

Kambe eka Hosi, Xikwembu xa hina, ku ni tintswalo ni ku rivalela, hikuva hi tikurisele yena.

Duteronoma 32:42

Ndzi ta pyopyisa miseve ya mina hi ngati, Tlhari ra mina ri ta xurha hi nyama, Hi ngati ya lava tlhaviweke, ni ya vakhomiwa, Ni tinhloko ta tihosi ta valala.’

Duteronoma 7:21

U nga tshuki u chava emahlweni ka vona, hikuva Yehovha, Xikwembu xa wena, u kona exikarhi ka wena, xi ri Xikwembu lexikulu, lexi chavisaka.

Duteronoma 1:21

Languta, Yehovha, Xikwembu xa wena, xi ku nyikile tiko: khandziya, u ya ri teka, hilaha Yehovha a ku byeleke hakona, xi ri Xikwembu xa vatata wa wena; u nga chavi, u nga rhurhumeli.’

Vafilipiya 1:27

Ntsena, tifambeleni hi mukhuva lowu fanelaka Evhangeli ya Kriste, leswaku hambi ndzi ta mi vona, hambi ndzi nga ri kona, ndzi nga twa timhaka ta n'wina leswaku ma ha yima emoyeni wun'we, ni ku lwela swin'we ku pfumela ka Evhangeli hi mbilu yi ri yin'we,

Matewu 1:23

“Maswivo, wanhwana u ta tika nyimba, u ta veleka n'wana wa wandzisanyana vito ra yena, u ta churiwa Emanuwele”; loko va hlamusela hileswaku: “Xikwembu xi na hina.”

Yeremiya 48:45

“Vatsutsumi va yimile endzhutini wa Hexiboni; va karhele, kambe ndzilo wu hume eHexiboni, ni langavi ri hume exikarhi ka Sihoni; wu ya ematsheveni ya Mowabu ni le tinhlokweni ta vana va madzolonga.

Esaya 63:10

Kambe vona va tiarisile, kutani va vavisile moya wa yena lowo kwetsima; kutani yena u hundzuke nala wa vona, a va a lwa na vona.

Esaya 41:14

U nga chavi, xivungunyana xa Yakobo, masalela lamatsongo ya Israele; ndzi ta ku lwela, ku vula Yehovha; Muhlawuleki wa Israele i muponisi wa wena.

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Esaya 32:2

Un'wana ni un'wana wa vona u ta kotisa xisirhelelo loko moya wu hunga, kukota xichavelo loko xidzedze xi fika, kukota xinambyana xa mati etikweni ra dyandza, ni ndzhuti wa ribye leri tlakukeke etikweni leri omeke.

Esaya 1:2

Matilo, yingisani, na wena misava, rhiya ndleve! Hikuva Yehovha wa vulavula: Ndzi wundlile vana, ndzi va kurisile, kambe va tiarisile eka mina.

Pisalema 91:1

La tshamaka exihundleni xa Loyi a nga henhlahenhla, U wisa endzhutini wa La nga ni matimba hinkwawo.

Pisalema 46:11

Yehovha wa tinyimpi u na hina, Xikwembu xa Yakobo i xichavelo xa hina lexi tlakukeke.

Pisalema 46:7

Yehovha wa mavandla u na hina, Xikwembu xa Yakobo i xichavelo xa hina lexi tlakukeke!

2 TIKRONIKA 15:2

kutani a humelela emahlweni ka Asa, a ku eka yena: “Wee Asa, ni va Yuda hinkwenu, ni va Benjamini, ndzi yingiseni! Yehovha u na n'wina loko mi ri na yena; kungakuloko mi n'wi lava, u ta pfumela ku kumiwa hi n'wina; kambe loko mi n'wi tshika, u ta mi tshika.

2 TIKRONIKA 13:12

Kutani maswivo, Xikwembu xi na hina emahlweni ka hina, swin'we ni vaprista va xona, ni tinanga leti pfumaka ku ta pfumisela n'wina. Vana va Israele! Mi nga humi nyimpi ku lwa na Yehovha, Xikwembu xa vatata wa n'wina, hikuva mi nga ka mi nga hluli.”

Vaavanyisi 1:22

Va yindlu ya Yosefa va tlhandlukele eBetele, kutani Yehovha a va na vona.

Eksoda 33:16

Swi ta tiviwa ha yini leswaku ndzi vonile tintswalo ta wena, mina ni tiko ra wena? Xana a hi loko u famba na hina? Hi sweswo hi nga ta hlawuriwa, mina ni tiko ra wena eka matiko hinkwawo lama nga emisaveni.”

Genesa 48:21

Kutani Israele a ku eka Yosefa: “Waswivo, ndza fa; kambe Xikwembu xi ta va na n'wina, xi ta mi tlherisela etikweni ra vakokwa wa n'wina.

Daniele 9:5

Hi dyohile, hi endlile leswo homboloka: hi endle hi vuphukuphuku ni ku tiarisa, hi hambukile ku leriseni ka wena.

Duteronoma 1:29

“Kavaloko ndzi ku eka n'wina: ‘Mi nga tshuki mi tsemeka nhlana, kambe mi nga va chaveni.

Nehemiya 4:14

Kutani ndzi languta ndzi yimile, ndzi ku eka vakulukumba, ni ka tihosana, ni ka van'wana va tiko: “Mi nga va chaveni; mi anakanya Hosi leyikulu leyi chavisaka, mi lwela vamakwenu ni vana va n'wina, ni vana va xisati va n'wina, ni vasati va n'wina, ni tindlu ta n'wina.”

Yeremiya 1:19

Va ta lwa na wena, kambe va nga ka va nga ku hluri, hikuva ndzi na wena ku ku lwela,” ku vula Yehovha.

Yeremiya 42:11

Mi nga chavi hosi ya Babilona, leyi mi yi chavaka; mi nga yi chavi, ku vula Yehovha hikuva ndzi na n'wina, ku mi hanyisa ni ku mi lamulela emandleni ya yena.

Eksoda 14:13

Kutani Muxe a ku eka tiko: “Mi nga chavi; yimani mi ta vona hilaha Yehovha a nga ta mi lamulela hakona namuntlha; hikuva Vaegipta lava mi va vonaka sweswi, a mi nga ha tlheli mi va vona kambe.

Tinhlayo 13:30

Kutani Kalebe a miyeta tiko hikuva a ri karihela Muxe; kambe a ku: “A hi fambeni, hi ya teka tiko, hikuva kunene hi ta va hlula.”

Tinhlayo 17:6

Muxe a byela vana va Israele mhaka leyi, kutani tihosi hinkwato ta vona ti n'wi tisela tinhonga, hosi yin'wana ni yin'wana nhonga yin'we, hi tinyimba ta vatata wa vona, ti ri tinhonga ta 12; nhonga ya Aroni a yi ri exikarhi ka tin'wana.

Tinhlayo 20:2

Kambe a ku nga ri na mati ya ku nwa ya tiko; kutani va hlengeletana ku pfuka Muxe na Aroni.

Yoxuwa 14:12

Sweswi, ndzi nyike ntshava leyi Yehovha a nga yi vula siku rolero; hikuva u swi yingisile u ri wena siku rolero, leswaku Vaanaka va kona, ni miti leyikulu leyi biyeriweke. Kumbe Yehovha u ta va na mina, kutani ndzi ta va hlongola, hilaha Yehovha a nga vula hakona.”

Pisalema 46:8

Tanani, mi hlalela mitirho ya Yehovha, Leswi a swi heriseke emisaveni.

Pisalema 106:24

Va nyenya tiko lero nandziha; A va pfumelanga rito ra xona,