Tinhlayo 13:26 - Xitsonga (Bibele)

²⁶ Kutani va famba va ya fika eka Muxe na Aroni, ni nhlengeletano hinkwayo ya vana va Israele, emananga ya Parani, ekusuhi ni Kadexe. Kutani va va ambela timhaka ni ka nhlengeletano hinkwayo, va va kombisa mihandzu ya tiko.

BIBELE Mahungu Lamanene

²⁶ va tlhelela le Kadexe emananga ya Parani, laha Muxe na Aroni a va ri kona ni ntshungu hinkwawo wa Vaisraele; va vuya ni mahungu, va ma rungulela Muxe na Aroni ni ntshungu hinkwawo, va va komba ni mihandzu ya tiko ra kona.

Tinhlayo 13:26 Referans Kwoze

Tinhlayo 32:8

Vatata wa n'wina va endlile sweswo loko ndzi va rhumile va ri eKadexe-Bariniya ku ya vona tiko.

Tinhlayo 20:1

Nhlengeletano hinkwayo ya vana va Israele yi fika emananga ya Sini hi n'hweti yo sungula, kutani tiko ri gova eKadexe. Kutani Meriyamu a fa endhawini leyo, a lahliwa kona.

Duteronoma 1:19

“Kuteloko hi sukile eHorebe, hi tsemakanyile mananga lawa hinkwawo lamakulu, lama chavisaka, lawa mi ma voneke; hi fambile hi ndlela ya ntshava ya Vaamori, hilaha Yehovha a hi leriseke hakona, hi ko hi ya fika eKadexe-Bariniya.

Tinhlayo 33:36

va suka eEsiyoni-Gebere, va ya gova emananga ya Sini (i Kadexe);

Tinhlayo 20:16

Hi huwelele eka Yehovha, kutani u yingisile rito ra hina, a rhumile ntsumi, a hi humesa eEgipta. Sweswi hi le Kadexe, muti lowu nga endzilakaneni wa tiko ra wena.

Yoxuwa 14:6

Vana va Yuda va tshinelela Yoxuwa eGiligala, kutani Kalebe n'wana Yefune, Mukenizi, a ku eka yena: “Wa tiva rito leri Yehovha a ri byeleke Muxe, munhu wa Xikwembu, ehenhla ka mina, ni le henhla ka wena loko a ri eKadexe-Bariniya.

Genesa 14:7

Kutani va tlhela va ta exihlobyeni xa Eni-Mixipati, a nga Kadexe, va hlula tiko hinkwaro ra Vaamaleke, na vona Vaamori lava akeke eHasasoni-Tamara.

Tinhlayo 13:25

Kuteloko ku hundzile masiku ya 40, va tlhela eku kambeleni ka tiko.

Tinhlayo 20:14

Loko va ri eKadexe, Muxe a rhuma tintsumi eka hosi ya Edomu, a ku: “Israele, makwenu, u ri: Wa tiva mikarhalo hinkwayo leyi hi yi rhweleke.

Duteronoma 1:2

Loko munhu a suka eHorebe hi ndlela ya ntshava ya Seyira, a famba masiku ya 11 ku ya fika eKadexe-Bariniya.

Pisalema 29:8

Rito ra Yehovha ri tsekatsekisa mananga. Yehovha u tsekatsekisa mananga ya Kadexe.

Tinhlayo 13:3

Kutani Muxe a va rhuma hi ku lerisa ka Yehovha, loko va ri emananga ya Parani; vanhu lava a va ri vakulukumba va vana va Israele.

Tinhlayo 32:9

Va khandziya ku ya fika enkoveni wa Exikolo, va vona tiko, kutani va herisa timbilu ta vana va Israele, leswaku va nga ngheni etikweni leri Yehovha a va nyikeke rona.

Yoxuwa 14:7

A ndzi ri munhu wa malembe ya 40 loko Muxe, nandza wa Yehovha, a ndzi rhuma, loko hi ri eKadexe-Bariniya; ku ya kamba tiko, kutani ndzi n'wi ambele timhaka hilaha ingi ti ri kona embilwini ya mina.