Tinhlayo 13:22 - Xitsonga (Bibele)

²² Va tlhandluka edzongeni, va ya fika eHebroni, laha Ahimani, na Xexayi, na Talimayi, vatukulu va Anaka i ngi va ri kona. Muti wa Hebroni wu rhangele Sowani wa Egipta hi malembe ya ntlhanu na mambirhi ku akiwa.

BIBELE Mahungu Lamanene

²² Va tlhandluka va ta hi le dzongeni, va ya fika emutini wa Hebroni laha a ku tshama Ahimani, na Xexayi, na Talimayi, va nga va rixaka ra ka Anaka (Loko muti wa Sowani le Egipta wu akiwa, wa Hebroni a wu ri ni malembe ya 7 wu akiwile).

Tinhlayo 13:22 Referans Kwoze

Pisalema 78:43

Siku xi endleke mahlori etikweni ra Egipta, Ni swihlamariso emabanyini ya Sowani.

Pisalema 78:12

Emahlweni ka vatata wa vona xi tirhile mahlori, Etikweni ra Egipta, etimbaleni ta Sowani.

Esaya 19:11

Tindhuna ta Sowani ta hlanya, vatsundzuxi lavo tlhariha va Faro i swihunguki. Mi nga vurisa ku yini eka Faro, mi ku: “Ndzi n'wana wa tintlhari, ndzi n'wana wa tihosi ta khale?”

Esaya 30:4

Vakulu va Yuda va fikele eSowani, ni varhumiwa va yena va le Hanesi.

Vaavanyisi 1:10

Kambe va Yuda va pfukela Vakanana lava akeke eHebroni. (Vito ro sungula ra Hebroni a a ri Kiriyata-Araba.) Va hlula miti ya Xexayi, na Ahimani, na Talimayi.

Esaya 19:13

Tindhuna ta Sowani ti hungukile, tindhuna ta Nofu ti lahlekeriwile; ti hambukisa Egipta, tona ma nga masungulo ya tinxaka ta vona.

2 SAMIELE 2:11

Masiku ya Davhida loko a fuma yindlu ya Yuda eHebroni, a ma ri malembe ya ntlhanu na mambirhi, ni tin'hweti ta ntlhanu na yin'we.

2 SAMIELE 2:1

Endzhaku ka swona, Davhida a vutisa Yehovha, a ku: “Xana ndzi ta khandziyela emutini wun'wana wa Yuda xana?” Yehovha a ku eka yena: “Khandziya.” Davhida a ku: “Ndzi ta khandziyela kwihi xana?” Yehovha a ku: “EHebroni.”

Yoxuwa 21:13

Va nyika vana va Aroni, muprista, muti wa xichavelo xa mudlayi, Hebroni, ni tikwanyana ra wona,

Tinhlayo 13:33

hi vonile kona swihontlovila, vana va Anaka, va rixaka ra va swinkontlonkontlo, kutani, loko hi ri hina, a hi tifanisa ni tinjiya; kambe emahlweni ka vona hi fana ni tinjiya.”

Tinhlayo 13:17

Muxe a va rhuma ku ya kamba tiko ra Kanana, a ku eka vona: “Tlhandlukani kona hitlhelo ra dzonga, mi khandziya entshaveni,

Genesa 23:2

Kutani Sara a fa eKiriyata-Araba (a nga Hebroni), etikweni ra Kanana; kutani Abrahama a ta ba nkosi wa Sara, a n'wi rila.

Genesa 13:18

Kavaloko Abrama a andlamuka a ya tshama emikuhlwini ya Mamre, lowu nga Hebroni, kutani kona a akela Yehovha gandzelo.

Tinhlayo 13:28

Ntsena vanhu lava akeke etikweni leri, va tiyile, miti ya vona yikulu ngopfu, yi ni makhokholo; kambe hi vonile kona vatukulu va Anaka.

Duteronoma 9:2

ni vanhu lavo tala, lavo leha, vana va Anaka, lava u va tivaka, lava u tweke timhaka ta vona, va ku: ‘I mani la nga ta tiya emahlweni ka vana va Anaka?’

Yoxuwa 10:36

Kutani Yoxuwa ni Vaisraele hinkwavo va suka eEgiloni, va ya eHebroni, va lwa na wona,

1 SAMIELE 30:31

ni ka va Hebroni, ni le matikweni hinkwawo lawa Davhida ni vanhu va yena va hundzeke eka wona.

2 SAMIELE 21:16

Kavaloko Yixibi wa Nobo, a nga un'wana wa vana va Rafa, la ngi a ri ni tlhari leri nsimbhi ya rona yi ringanaka tixikele ta madzana manharhu ya koporo exikalweni, a ambele ni xisirhelo xa nsimbhi lexintshwa, a anakanya ku tlhava Davhida.