Tinhlayo 12:6 - Xitsonga (Bibele)

⁶ Kavaloko a ku: “Yingisani swinene marito ya mina! Loko muprofeta u kona exikarhi ka n'wina, mina Yehovha ndzi tikombisa ka yena hi mahlori, ndzi vulavula na yena enorhweni.

BIBELE Mahungu Lamanene

⁶ kutani xi ku ka vona: “Yingisani marito ya mina: Loko ku ri ni muprofeta exikarhi ka n'wina, mina HOSI Xikwembu ndzi tikomba eka yena hi xivono, ndzi vulavula na yena hi norho.

Tinhlayo 12:6 Referans Kwoze

1 TIHOSI 3:5

Yehovha a humelela eka Solomoni eGibiyoni, eku lorheni nivusiku; kutani Xikwembu xi ku eka yena: “Kombela lexi u rhandzaka ku nyikiwa xona.”

Genesa 46:2

Kutani Xikwembu xi vulavula na Israele hi swivonakariso swa vusiku, xi ku: “Yakobo, Yakobo!” A hlamula a ku: “Hi mina loyi.”

Luka 1:22

Kavaloko a huma, a hluleka ku vulavula na vona, kutani va tiva leswaku u vonile masingita etempeleni; na yena a va encenyetela swona, kutani a tshama a ri mbheveve.

Luka 1:11

Kutani ntsumi ya Hosi yi tikombisa eka Zakariya, yi yimile etlhelweni ra xinene ra alitari ya magandzelo.

Daniele 10:8

Kutani mina ndzo sala ndzi ri ndzexe, kutani ndzi vona xikombiso lexikulu xexo, ndzi ko ndzi hela matimba, mombo wa mina wu visuka, kutani ndzo oma.

Ezekiele 1:1

Hi lembe ra makume manharhu, hi siku ra vuntlhanu ra n'hweti ya vumune, loko a ndzi ri exikarhi ka lava yisiweke evukhumbini, enambyeni wa Kebara, matilo ma pfuleka, kutani ndzi vona mahlori ya Xikwembu.

Timhaka 10:11

A vona tilo ri handzuriwile, ni xilo lexi fanaka ni nguvu leyikulu, xi xikela eka yena xi bohiwile etinhleni ta mune, xi nembeletiwa emisaveni;

Matewu 1:20

Kakuloko a anakanya swona, ntsumi ya Xikwembu, yi ta eka yena hi norho, yi ku: “Yosefa, n'wana Davhida u nga chavi ku titekela Mariya, nsati wa wena, hikuva leswi xurheke hi yena, i swa Moya lowo Kwetsima;

Daniele 8:2

Kuteloko ndzi languta, swi va tanihi loko ndzi ri eXuxani, emutini wa le hosini wa tiko ra Elamu; ndzi vona xivono ndzi tshamile eribuwini ra nambu wa Ulayi.

Matewu 2:19

Kambe, kuteloko Heroda a file, ntsumi ya Hosi yi humelela eka Yosefa eEgipta hi norho, yi ku:

Daniele 7:1

Hi lembe ra ku sungula ka ku fuma ka Belxatsara, hosi ya Babilona, Daniele, a ri vulawini bya yena, a va ni norho ni swivono emoyeni wa yena.

Yeremiya 23:28

Muprofeta la nga ni norho, a a vulavule norho; la nga ni rito ra mina, a a vulavule rito ra mina swinene. Mungu wu endla yini exikarhi ka koro xana, ku vula Yehovha?

Pisalema 105:15

A ku: “Mi nga khumbeni vahlawuriwa va nga, Mi nga tshuki mi endlela vaprofeta va mina swo biha!”

Pisalema 89:19

Khale u vurile enorhweni eka Muhlawuriwa wa wena U ku: “Ndzi pfunile nhenha, Ndzi wundlile jaha exikarhi ka tiko.

Ntirho 33:15

Xi vulavula hi milorho ni ku vona ka vusiku, Loko vanhu va khomiwile hi vurhongo lebyo tika, Loko va khutsehela emasangwini ya vona.

Ntirho 4:13

Kakuloko mianakanyo yi pfuxiwa hi ku vona ka vusiku, Enkarhini lowu vurhongo byi khomaka vanhu,

Eksoda 7:1

Yehovha a ku eka Muxe: “Vona, ndzi ku vekile Xikwembu eka Faro, kutani Aroni, makwenu, u ta va muprofeta wa wena.

Genesa 20:7

Kutani sweswi, tlherisa nsati wa nuna loyi, hikuva i muprofeta, u ta ku khongelela, u va u hanya. Kambe loko u nga n'wi tlherisi, tiva leswaku u ta fa kunene, wena ni hinkwaswo leswi nga swa wena.”

Genesa 15:1

Endzhaku ka timhaka teto, rito ra Yehovha ri fika eka Abrama enorhweni, ri ku: “Abrama, u nga chavi. Ndzi xitlhangu xa wena ni hakelo ya wena leyikulu.”

Nhlavutelo 11:10

Kutani lava akeke emisaveni va ta tsakela ku fa ka vona, va tsakisisa, va ta rhumelana tinyiko, hikuva vaprofeta valavo vambirhi va xanisile lava akeke emisaveni.

Nhlavutelo 11:3

Kutani ndzi ta nyika timbhoni ta mina ha timbirhi ku profeta hi masiku ya khume ra madzana na madzana mambirhi, na ntlhanu wa makume, na khume rin'we 1 260, ti ambele masaka.”

Vaefesa 4:11

Kutani wa ha ri yena la nyikeke van'wana va va vaapostola, van'wana vaprofeta van'wana vavuri va Evhangeli, van'wana varisi ni vadyondzisi,

Timhaka 10:17

Petro, loko a ri karhi a anakanya mahlori lawa a ma voneke, leswaku ma yisa kwihi, ku fika vavanuna lava rhumiweke hi Korneliyo, va vutisa yindlu ya Simoni, va yime enyangweni.

Luka 20:6

Kutani loko hi ku: ‘Ku hume eka vanhu,’ tiko hinkwaro ri ta hi khandla hi maribye, hikuva hinkwavo va kholwa ngopfu leswaku Yohane a a ri muprofeta.”

Matewu 23:37

“Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena, ndzi rhandzile kangani ku hlengeleta vana va wena kukotisa huku loko yi hlengeleta swiciwana swa yona ehansi ka timpapa ta yona, kambe mi arile.

Matewu 23:34

“Hikwalaho, maswivo ndzi mi rhumela vaprofeta, ni tintlhari, ni vatsari; mi ta dlaya van'wana, mi vamba van'wana; mi ta ba van'wana emasinagogeni ya n'wina, mi va xanisa emutini wun'wana ni wun'wana;

Matewu 23:31

Hi sweswo mi tihehlaka mi ri n'wina, leswaku mi vana va lava nga dlaya vaprofeta.

Matewu 27:19

Kuteloko a tshamile exitshan'weni xa ku avanyisa, nsati wa yena a rhumela eka yena, a ku: “U nga tshuki u va ni mhaka, hambi yi ri yin'we, ni munhu loyi wo lulama, hikuva ndzi twile ku vaviseka lokukulu enorhweni hikwalaho ka yena.”

Vaheveru 1:1

Xikwembu xi vulavurile khale na vatatana hi mikarhi leyo tala ni mikhuva leyo tala xi vulavula hi vaprofeta;

Genesa 28:12

Kutani a lorha norho; a vona phandze ri yimile, ri ya fika etilweni; a vona ni tintsumi ta Xikwembu, ti ri karhi ti tlhandluka, ti tlhela ti xika ha rona.

Tinhlayo 24:4

Rito ra la yingisaka marito ya Xikwembu, La vonaka mahlori ya Lowa matimba hinkwawo, La korhamaka, kutani mahlo ya yena ma pfuleka.

1 SAMIELE 3:15

Samiele a etlela ku fika nimixo; kutani a pfula tinyangwa ta yindlu ya Yehovha; kambe Samiele a a chava ku ya byela Heli mahlori.

1 SAMIELE 28:6

Sawulo a vutisa Yehovha, kambe Yehovha a nga n'wi hlamulanga nchumu, hambi ku ri milorhweni, hambi hi Urimi, hambi hi vaprofeta.

1 TIHOSI 3:15

Solomoni a sisimuka evurhongweni, kutani maswivo, a ku ri ku lorha. Kuteloko a fikile eYerusalema, a yima emahlweni ka areka ya ntwanano wa Yehovha, a humesa tiholokosta ni magandzelo ya ku khensa. Kutani a endlela malandza hinkwawo ya yena nkhuvo.

Yeremiya 23:25

Ndzi twile leswi vuriwaka hi vaprofeta lava profetaka mavunwa hi vito ra mina, loko va ku: ‘Hi lorhile, hi lorhile.’

Daniele 2:19

Kavaloko xihundla lexo xi kombisiwa Daniele exikombisweni xa vusiku, kutani Daniele a khensa Xikwembu xa le henhla.

Genesa 28:16

Kavaloko Yakobo a sisimuka evurhongweni bya yena, a ku: “Kunene Yehovha u kona exivandleni xexi, kasi a ndzi nga swi tivi!”

Genesa 37:5

Kutani Yosefa a lorha norho, a byela vamakwavo, kutani va engeta ku n'wi venga ngopfungopfu.

Genesa 37:9

Kambe a lorha norho wun'wana, a byela vamakwavo, a ku: “Swi voneni, ndzi engete ndzi lorha, ndzi vona dyambu ni n'weti ni tinyeleti ta khume na yin'we ti khinsamela emahlweni ka mina.”

Duteronoma 18:15

“Yehovha, Xikwembu xa wena, u ta ku pfuxela muprofeta kukotisa mina exikarhi ka wena, exikarhi ka vamakwenu; mi ta n'wi yingisa.

Duteronoma 18:18

Ndzi ta va pfuxela muprofeta kukotisa wena exikarhi ka vamakwavo, ndzi ta nghenisa marito ya mina enon'wini wa yena, kutani u ta va byela hinkwaswo leswi ndzi nga ta n'wi lerisa swona.

1 SAMIELE 3:21

Yehovha a tshama a humelela eXilo; hikuva Yehovha a a tihlavutela eka Samiele eXilo, hi rito ra Yehovha. Kutani rito ra Samiele ri tshama ri yisiwa eka Vaisraele hinkwavo.

2 SAMIELE 7:4

Kutani hi vusiku lebyi, rito ra Yehovha ri ta eka Natani ri ku:

Hosiya 12:11

Ndzi vulavurile ni vaprofeta, ndzi andzisile swikombiso, kambe hi vaprofeta ndzi vulavurile swifaniso.

Yuwele 3:1

“Hikuva emasikwini walawo, ni le mikarhini yoleyo, siku ndzi tlherisaka lava khomiweke va Yuda ni va Yerusalema,

Zakariya 1:8

“Ndzi vonile mahlori nivusiku, munhu la nga khandziya hanci yo tshwuka a yimile xikarhi ka mirhi ya mirta endzhutini; endzhaku ka yena a ku ri ni lava nga khandziya tihanci to tshwuka, ni ya mavala, ni to basa.