Tinhlayo 11:23 - Xitsonga (Bibele)

²³ Yehovha a ku eka Muxe: “Xana voko ra Yehovha ri komile xana? U ta vona sweswi kumbe rito ra mina ri ta endleka, kumbe a ri nga endleki.”

BIBELE Mahungu Lamanene

²³ Kutani HOSI Xikwembu xi hlamula Muxe xi ku: “Xana matimba ya mina ma lo hungutiwa xana? Sweswi wena hi wexe u ta vona hi loko leswi ndzi ku byelaka swona swi humelela, kumbe swi nga humeleli!”

Tinhlayo 11:23 Referans Kwoze

Esaya 59:1

Vonani voko ra Yehovha a ri khwanyelanga leswaku ri nga tsandzeka ku ponisa, ni ndleve ya yena a yi sivekanga leswaku yi nga tsandzeka ku yingisa.

Esaya 50:2

Ndzi tile, kasi a ku nga ri na munhu ha yini-ke? Ndzi huwelerile, a ku hlamulanga munhu ha yini-ke? Xana voko ra mina ri komile leswaku ndzi nga swi koti ku mi ponisa, kumbe a ndzi na matimba ya ku mi ponisa xana? Vona, hi ku ri wumeta ndza omisa lwandle, milambu ndza yi endla emananga; tinhlampfi ta yona ti ta bola hi ku pfumala mati, ti fa hi torha;

Ezekiele 12:25

Hikuva mina Yehovha, ndzi ta vulavula, ndzi va ndzi tiyisa leswaku leswi ndzi swi vulaka ndzi swi vurile, swi ta hatla ku humelela, sweswisweswi, wena, yindlu ya vatiarisi, ndzi ta humesa rito, ndzi ri hetisa kan'we, ku vula Yehovha Xikwembu!”

Tinhlayo 23:19

Xikwembu a hi munhu leswaku xi nga hemba, Ni n'wana wa munhu leswaku xi nga tisola. Xana hi yena la vulaka, kutani a nga endli, Loyi a vurisaka, kutani a nga hetisisi?

Genesa 18:14

Xana yi kona mhaka leyi nga hlulaka Yehovha? Enguveni leyi, ndzi ta vuya eka wena haxawu, kutani Sara u ta va a kume n'wana.”

Luka 1:37

hikuva a ku na xilo lexi hlulaka Xikwembu.”

Matewu 19:26

Yesu a va languta, a ku eka vona: “Loko va ri vanhu, i mhaka leyi va tsandzaka, kambe Xikwembu a xi tsandzi hi nchumu.”

Ezekiele 24:14

Mina, Yehovha, ndzi vulavurile; timhaka leto ta ta, mina ndzi ta ti endla; ndzi nga ka ndzi nga landzuri nandzu, ni loko ku ri ku ponisa, kutani ndzi nga ka ndzi nga tlheri. U ta avanyisiwa hi tindlela ta wena ni swiendlo swa wena ku vula Hosi Yehovha.”

Matewu 24:35

Tilo ni misava swi ta hundza, kambe marito ya mina ma nga ka ma nga hundzi.

Mikiya 2:7

Wena, yindlu ya Yakobo, xana mbilu ya Yehovha yi hatla ku kariha-ke? Xana hi wona mukhuva wa yena-ke? Marito ya mina a ma humesi vunene eka lava fambaka hi ku lulama xana?

Pisalema 78:41

A va tshikanga ku ringa Xikwembu, Ni ku pfuxa Mukwetsimi wa Israele.

2 TIHOSI 7:2

Kutani ndhuna ya hosi leyi yi tiseketelaka evokweni ra yona, yi hlamula yi ku eka munhu wa Xikwembu: “Hambi Yehovha a nga boxa mafasitere etilweni, mhaka leyo tano yi nga ka yi nga humeleli.” Elixa a hlamula, a ku: “U ta swi vona hi mahlo, kambe u nga ka u nga dyi swona.”

Tinhlayo 11:22

Xana va ta tlhaveriwa tinyimpfu ni tihomu, va ko va xurha, kumbe xana va ta hlengeleteriwa tinhlampfi hinkwato ta lwandle va ko va xurha-ke?”

Yeremiya 14:9

Xana u swi rhandza ha yini ku va munhu la hlamarisiwaka, kukotisa nhenha leyi tsandzekaka ku ponisa? Kambe wee Yehovha, u karhi u le xikarhi ka hina, ni vito ra wena ra karhi ra vuriwa ehenhla ka hina: U nga tshuki u hi tshika!”

Daniele 6:20

Kuteloko yi fike ekheleni, yi vitana Daniele hi rito leri hlomukeke; kutani hosi yi vulavula, yi ku eka Daniele: “Daniele, nandza wa Xikwembu lexi hanyaka, Xikwembu xa wena lexi u xi tirhelaka hi ku tiyisela, xana xi kotile ku ku lamulela etinghaleni xana?”

Eksoda 6:1

Kutani Yehovha a ku eka Muxe: “Sweswi, u ta vona leswi ndzi nga ta swi endla eka Faro; hikuva hi voko ra matimba u ta va tshika va famba; hi voko ra matimba u ta va hlongola etikweni ra yena.”

2 TIHOSI 4:43

Nandza wa yena a ku: “Swi ta endlise ku yini ku phamela dzana ra vanhu xana?” Elixa a hlamula, a ku: “Nyika vanhu lava, va dya, hikuva Yehovha u vurisa, a ku: ‘Va ta dya, swi sala.’ ”

Yeremiya 32:17

“ ‘Oho! Hosi Yehovha, vona, hi wena la endleke matilo ni misava hi matimba ya wena lamakulu, ni voko ra wena leri tshambulukeke; a ku na nchumu lowu ku tsandzaka.

Yeremiya 32:27

“Vona, hi mina Yehovha, Xikwembu xa nyama hinkwayo; xana swi kona leswi nga ndzi tsandzaka-ke?