Tinhlayo 11:22 - Xitsonga (Bibele)

²² Xana va ta tlhaveriwa tinyimpfu ni tihomu, va ko va xurha, kumbe xana va ta hlengeleteriwa tinhlampfi hinkwato ta lwandle va ko va xurha-ke?”

BIBELE Mahungu Lamanene

²² Xana hambiloko va tlhaveriwa mintlhambi ya timbuti ni tinyimpfu ni tihomu, kumbe loko va hlengeleteriwa tinhlampfi hinkwato ta le lwandle, va nga kolwa xana?”

Tinhlayo 11:22 Referans Kwoze

Matewu 15:33

Vadyondzisiwa va ku eka yena: “Xana laha mananga hi nga swi kuma kwihi swakudya leswi ringanaka ku xurhisa ntshungu lowonghasi xana?”

2 TIHOSI 7:2

Kutani ndhuna ya hosi leyi yi tiseketelaka evokweni ra yona, yi hlamula yi ku eka munhu wa Xikwembu: “Hambi Yehovha a nga boxa mafasitere etilweni, mhaka leyo tano yi nga ka yi nga humeleli.” Elixa a hlamula, a ku: “U ta swi vona hi mahlo, kambe u nga ka u nga dyi swona.”

Yohane 6:9

“Mufana u kona kwala, la nga ni swinkwa swa ntlhanu swa barley ni tinhlampfi timbirhi, kambe swi nga va yini eka vanhu lavo tala swonghasi xana?”

Luka 1:34

Kambe Mariya a ku eka ntsumi: “Swi nga endlekisa ku yini, kasi a ndzi tivi wanuna?” Ntsumi yi n'wi hlamula, yi ku eka yena:

Luka 1:18

Kutani Zakariya a ku eka ntsumi: “Ndzi ta swi tiva ha yini? Kasi ndzi dyuharile, nsati wa mina, na yena, i xikoxa.”

Marka 8:4

Vadyondzisiwa va yena va n'wi hlamula, va ku: “Va nga laveriwa kwihi swinkwa leswi va nga xurhaka ha swona kwala emananga xana?”

Marka 6:37

A hlamula a ku eka vona: “Va phameleni mi ri n'wina!” Va ku eka yena: “Xana u ri, a hi ye hi ya va xavela swinkwa swa tidenari ta madzana mambirhi, hi ta va phamela xana?”

Tinhlayo 11:13

Ndzi ta kuma kwihi nyama ndzi yi nyika tiko hinkwaro leri xana? Hikuva va rila endzhaku ka mina, va ku: ‘Hi nyike nyama hi dya.’

Tinhlayo 11:21

Muxe a ku: “Tiko leri ndzi nga exikarhi ka rona ri ni vavanuna va 600 000, kutani wena u ri, ‘Ndzi va nyika nyama, va dya n'hweti yi ko yi hela.’

Tinhlayo 11:23

Yehovha a ku eka Muxe: “Xana voko ra Yehovha ri komile xana? U ta vona sweswi kumbe rito ra mina ri ta endleka, kumbe a ri nga endleki.”