Tinhlayo 11:12 - Xitsonga (Bibele)

¹² Xana ndzi tikile ndzi ni nyimba ya tiko leri hinkwaro, xana? Kumbe xana ndzi ri tswarile, leswi u nga te eka mina: ‘Ri veleke hilaha muveleki a velekaka n'wana loyi a n'wi an'wisaka,’ ku fika etikweni leri u ri tshembiseke vatata wa vona?

BIBELE Mahungu Lamanene

¹² “Xana hi mina ndzi nga tswala vanhu lava hinkwavo xana? Xana va kombe hi mina misava, leswi u ndzi byelaka ku va bebula ku fana ni muhlayisi wa xihlangi lexa ha mamaka, ndzi va yisa etikweni leri u nga hlambanya eka vatata wa vona leswaku u ta va nyika rona, xana?

Tinhlayo 11:12 Referans Kwoze

Esaya 49:23

Tihosi ti ta va vawundli va wena, ni makosikazi va ta va vaan'wisi va wena, va ta korhamela ehansi emahlweni ka wena, va ta nantswa ntshuri wa milenge ya wena, kutani u ta swi tiva leswaku hi mina Yehovha, ni leswaku lava ndzi tshembaka va nga ka va nga vi na tingana.”

Esaya 40:11

Tanihi murisi, u ta risa ntlhambi wa yena; u ta rhola swinyimpfana hi mavoko u ta swi vukarha erhumbyini ra yena, u ta fambisa khwatsi leti an'wisaka.

1 Vatesalonika 2:7

kambe hi tshamile hi ri ni tintswalo exikarhi ka n'wina, kukotisa muan'wisi la hlayisaka hi rirhandzu lerikulu vana va yena,

Eksoda 13:5

Kutakuloko Yehovha a mi fikisile etikweni ra Vakanana, ni ra Vahiti, ni ra Vaamori, ni ra Vahivhi, ni ra Vayebusi, leri a nga hlambanyela vatata wa n'wina ku mi nyika rona, tiko ra ntswamba ni vulombe; hi n'hweti leyi, mi ta hlayisa ku lerisa loku.

Genesa 50:24

Kutani Yosefa a ku eka vamakwavo: “Ndza fa; Xikwembu xi ta mi endzela kunene, xi ta mi humesa etikweni leri, xi mi yisa etikweni leri xi nga hlambanyela Abrahama, na Isaka, na Yakobo, leswaku xi ta va nyika rona.”

Genesa 26:3

Sala etikweni roleri, kutani ndzi ta va na wena, ndzi ku katekisa, hikuva matiko lawa, ndzi ta ma nyika wena ni vatukulu va wena, ndzi va ndzi tiyisa ku hlambanya loku ndzi nga hlambanyela Abrahama, tata wa wena.

Vagalatiya 4:19

Vana vanga, n'wina lava ndzi mi velekaka eku vavisekeni, Kriste a ko a vumbiwa endzeni ka n'wina!

Yohane 10:11

“Hi mina murisi lonene. Murisi lonene u nyiketa tinyimpfu ta yena vutomi bya yena.

Ezekiele 34:23

Ndzi ta yimisa murisi un'we ehenhla ka tona, yena u ta ti risa u ta va nandza wa mina, Davhida; hi yena la nga ta ti risa, loyi a nga ta va murisi wa tona.

Esaya 49:15

“Xana mana wa munhu a nga rivala xihlangi xa yena, a nga tweri vusiwana la humeke ekhwirini ra yena xana? Hambiloko a n'wi rivala, mina ndzi nga ka ndzi nga ku rivari!

Genesa 13:15

hikuva tiko leri u ri vonaka, ndzi ta ri nyika wena ni vatukulu va wena hilaha ku nga heriki.

1 Vakorinto 4:15

Hikuva, hambi mi nga va ni vadyondzisi va dzana ra madzana eka Kriste, vatata wa n'wina a va talanga; hikuva hi mina loyi ndzi mi tswaleke eka Yesu Kriste hi Evhangeli.

Genesa 24:7

Yehovha Xikwembu xa tilo, la ndzi humeseke endlwini ya tatana, ni le tikweni ra matswalo ya mina, a va a ndzi byela hi ku hlambanya, a ku: ‘Ndzi ta nyika vatukulu va wena tiko leri’, yeloyi u ta rhumela ntsumi ya yena emahlweni ka wena, u ta tekela n'wananga nsati kona.

Eksoda 13:11

“Kutakuloko Yehovha a ku fikisile etikweni ra Vakanana hilaha a hlambanyeleke wena ni vatata wa wena, a va a ku nyika rona,

Eksoda 33:1

Kutani Yehovha a ku eka Muxe: “Suka u famba, wena, ni tiko leri u ri humeseke eEgipta, u ya etikweni leri ndzi hlambanyeke leswaku ndzi ta ri nyika Abrahama, na Isaka, na Yakobo loko ndzi te: ‘Ndzi ta ri nyika vatukulu va vona.’

2 TIHOSI 10:1

Akabu a a siyile vana va xinuna va 70 eSamariya. Kutani Yehu a tsala mapapila a ma rhumela eSamariya eka tihosi ta Yizriele, ni ka vakulukumba, ni ka valanguteri va vana va Akabu;

2 TIHOSI 10:5

Kutani mulanguteri wa yindlu ya hosi, ni ndhuna ya muti, ni vakulukumba, ni valanguteri va vana va hosi, va rhuma eka Yehu, va ku eka yena: “Hi malandza ya wena, hi ta endla hinkwaswo leswi u nga ta hi byela swona; hi nga ka hi nga veki munhu hosi; endla leswi u swi rhandzaka.”

Eksoda 6:8

kutani ndzi ta mi nghenisa etikweni leri ndzi nga hlambanya, ndzi ku: ‘Ndzi ta ri nyika Abrahama, na Isaka, na Yakobo; ndzi mi nyika rona, yi va ndzhaka ya n'wina. Hi mina Yehovha.’ ”

Duteronoma 1:31

ni le mananga, laha u voneke leswaku Yehovha, Xikwembu xa wena, xi ku velekile kukotisa loko munhu a veleka n'wana wa yena ku ri endleleni hinkwayo leyi mi fambeke ha yona, mi ko mi fika exivandleni lexi.’