Tinhlayo 11:10 - Xitsonga (Bibele)

¹⁰ Muxe a yingisa tiko loko ri rila emindyangwini hinkwayo, un'wana ni un'wana a ri enyangweni ya ntsonga wa yena. Kutani Yehovha a kariha ngopfu; kambe Muxe a twa ku vaviseka.

BIBELE Mahungu Lamanene

¹⁰ Kutani Muxe a twa Vaisraele va ri karhi va rila emindyangwini ya vona, un'wana ni un'wana a ri enyangweni ya nxaxa wa yena. HOSI Xikwembu a xi karihile swinene, kutani Muxe a vaviseka ngopfu,

Tinhlayo 11:10 Referans Kwoze

Pisalema 78:21

Hikwalaho, Yehovha, loko a swi twa, a kariha, Kutani ndzilo wu pfurhela Yakobo, Ni vukari byi pfukela Israele,

Marka 10:14

Yesu, loko a swi vona, a kariha, a ku eka vona: “Tshikani vana va ta eka mina, mi nga tshuki mi va sivela, hikuva ku fuma ka Xikwembu i ka lava fanaka na vona.

Marka 3:5

Yena a va rhalarhala hi mahlo hi ku kariha a vavisekile hi ku nonon'hwa ka timbilu ta vona; kambe a ku eka munhu loyi: “Tshambuluta voko ra wena.” A ri tshambuluta, kutani voko ra yena ri hanya.

Yeremiya 17:4

Hikwalaho ka nandzu wa wena u ta lahlekeriwa hi ndzhaka leyi ngi ndzi ku nyikile yona, kambe ndzi ta ku endla nandza wa lava nga valala eka wena, etikweni leri u nga ri tiviki; hikuva mi pfurhisile ndzilo wa ku kariha ka mina, wa ha ta hisa hilaha ku nga heriki.”

Esaya 5:25

Hikwalaho vukari bya Yehovha byi pfurhele tiko ra yena, kutani u tshambulutile voko ra yena, a ri ba; tintshava ti tsekatseka, mitsumbu ya vona yi tata mitsendzele tanihi vulongo. Hambiswiritano, a nga tlhelanga evukarini bya yena, ni voko ra yena ra ha tshama ri tshambulutiwile.

Pisalema 139:21

Yehovha, a ndzi va venganga lava ku vengaka xana? A ndzi karihelanga lava ku pfukelaka xana?

Pisalema 106:25

Kambe va dzumadzuma emitsongeni ya vona, Va nga yingisanga rito ra Yehovha.

Pisalema 78:59

Kutani Xikwembu, loko xi vona sweswo, xi kariha, Xi phirweka ngopfu hi Vaisraele;

Duteronoma 32:22

Hikuva ndzilo wa vukari bya mina wu tshiveriwile, Wu ta pfurha ku fikela endhawini ya lava feke, Wu ta hisa misava ni mihandzu ya yona, Wu hisa ni masungulo ya tintshava.

Tinhlayo 21:5

Tiko ri dzumadzumela Xikwembu na Muxe, ri ku: “Mi hi humesele yini eEgipta leswaku hi ta fa emananga? Hikuva a ku na vuswa a ku na mati; timbilu ta hina ti nyenya swakudya leswi sandzekaka leswi.”

Tinhlayo 16:27

Kutani va sukela mitsonga ya Kora ni ya Datani ni ya Abirama, ematlhelweni hinkwawo, kutani Datani na Abirama va huma, va yima etinyangweni ta mitsonga ya vona, va ri ni vasati va vona ni vana va vona, ni vatukulu va vona.

Tinhlayo 12:3

Kambe wanuna loyi, Muxe, a a ri ni tintswalo swinene ku tlula munhu un'wana ni un'wana la nga emisaveni.

Tinhlayo 11:1

Tiko ri sungula ku n'unun'uta etindleveni ta Yehovha. Kuteloko Yehovha a swi twa, ku kariha ka Yehovha ku pfurha, kutani ndzilo wa Yehovha wu pfurha exikarhi ka vona, wu heta vanhu emakun'wini ya mixaxa.

Tinhlayo 11:9

Kuteloko mberha yi wele emisaveni nivusiku, na yona manna yi wela kona.

Tinhlayo 11:11

Kutani Muxe a ku eka Yehovha: “U vavisela yini nandza wa wena, a ku ndzi twelanga vusiwana ha yini, leswi u ndzi tikeriseke hi ndzhwalo wa tiko leri hinkwaro?

Tinhlayo 12:9

Kavaloko vukari bya Yehovha byi va pfurhela, kutani a suka, na rona papa ri sukela ehenhla ka tabernakela.