Tinhlayo 11:1 - Xitsonga (Bibele)

¹ Tiko ri sungula ku n'unun'uta etindleveni ta Yehovha. Kuteloko Yehovha a swi twa, ku kariha ka Yehovha ku pfurha, kutani ndzilo wa Yehovha wu pfurha exikarhi ka vona, wu heta vanhu emakun'wini ya mixaxa.

BIBELE Mahungu Lamanene

¹ Siku rin'wana, Vaisraele va vilela ku tlula mpimo eka HOSI Xikwembu hi mhaka ya ku tikeriwa ka vona. Loko HOSI Xikwembu xi va twa, xi kariha swinene, xi lumeka ndzilo exikarhi ka vona, kutani wu sungula ku khoma tindhawu tin'wana ta le makumu ka mixaxa.

Tinhlayo 11:1 Referans Kwoze

Tinhlayo 21:5

Tiko ri dzumadzumela Xikwembu na Muxe, ri ku: “Mi hi humesele yini eEgipta leswaku hi ta fa emananga? Hikuva a ku na vuswa a ku na mati; timbilu ta hina ti nyenya swakudya leswi sandzekaka leswi.”

2 TIHOSI 1:12

Eliya a hlamula a ku eka vona: “Loko ndzi ri munhu wa Xikwembu, a ku xike ndzilo, wu huma etilweni, wu ku hisa, wena ni vanhu va wena va ntlhanu wa makume.” Kavaloko ndzilo wa Xikwembu wu huma etilweni, wu n'wi hisa, yena, ni vanhu va yena va ntlhanu wa makume.

Tinhlayo 16:35

Kutani ndzilo wu huma eka Yehovha, wu heta vanhu va 250, lava humeseleke mirhi ya risuna.

Duteronoma 9:22

Kambe mi karihisile Yehovha eTabera, na Masa, na Kibroti-Hatavha.

Levhitika 10:2

Kutani ndzilo wu huma emahlweni ka Yehovha, wu va hisa, va fa emahlweni ka Yehovha.

Eksoda 16:9

Kutani Muxe a ku eka Aroni: “Byela nhlengeletano hinkwayo ya vana va Israele, u ku: ‘Tshinelani ekusuhi na Yehovha, hikuva u yingisile ku dzumadzuma ka n'wina.’ ”

Yuda 1:16

I vanhu va ku n'unun'uta, lava vilelaka hi masiku, va ya hi ku navela ka vona; milomu ya vona yi vulavula manyunyu, va ri karhi va hlamala nghohe ya vanhu ku ta pfuniwa.

1 Vakorinto 10:10

Kambe mi nga tshuki mi dzumadzuma, kukota leswi van'wana va dzumadzumeke; kutani va file hi mudlayi.

Esaya 30:33

Hikuva khale, tlhelo leri fanaka ni ra Tofete ri lunghisiwile, ku lunghiseriwele hosi xi ri xikhele lexi ahlameke, ni nhulu ya tihunyi leti nga ta n'wi hisa hi ndzilo, ni tihunyi to tala; ku hefemula ka Yehovha ku hisa ku kota nambu wa xivavula.

Pisalema 106:18

Ndzilo wu pfurha exikarhi ka nhlengeletano ya vona, Kutani malangavi ma lovisa lavo biha.

Pisalema 78:21

Hikwalaho, Yehovha, loko a swi twa, a kariha, Kutani ndzilo wu pfurhela Yakobo, Ni vukari byi pfukela Israele,

Ntirho 1:16

Kakuloko yeloyi a ha vulavula, ku fika un'wana, a ku: “Ndzilo wa Xikwembu wu wile hi le henhla, wu hisile tinyimpfu ni varisi, va herile; ku lo pona mina ntsena ndzi ku byelaka.”

2 SAMIELE 11:27

kuteloko nkosi wu hundzile, Davhida a rhuma va ya n'wi vita kutani a n'wi rhurhela endlwini ya yena, a va nsati wa yena, kutani a n'wi velekela n'wana wa wanuna. Kambe mhaka leyi Davhida a yi endleke, yi biha emahlweni ka Yehovha.

Duteronoma 32:22

Hikuva ndzilo wa vukari bya mina wu tshiveriwile, Wu ta pfurha ku fikela endhawini ya lava feke, Wu ta hisa misava ni mihandzu ya yona, Wu hisa ni masungulo ya tintshava.

Eksoda 16:7

Nimixo mi ta vona ku kwetsima ka Yehovha, hikuva u yingisile hilaha mi dzumadzumeleke Yehovha: xana hina hi va mani leswi mi hi karihelaka?”

Esaya 33:14

Vadyohi va khomiwa hi ku chava le Siyoni, vasandzi va rhurhumela, va ku: “I mani exikarhi ka hina la nga ta tiya, a yima emahlweni ka ndzilo lowu hisaka? I mani la nga ta tiya a yima emahlweni ka malangavi lama nga timekiki?”

Tinhlayo 10:33

Kavaloko va suka entshaveni ya Yehovha, va famba ndlela ya masiku manharhu, areka ya ntwanano wa Yehovha yi ri karhi yi famba emahlweni ka vona endlela ya masiku manharhu, yi ya va lavela xivandla xa ku wisa.

Genesa 38:10

Kambe lexi a nga xi endla a xi bihile emahlweni ka Yehovha, kutani Yehovha a n'wi dlaya na yena.

Yakobo 5:4

Vonani, hakelo ya vatirhi lava tshoveleke masimu ya n'wina leyi va yi tsoniweke hi n'wina, ya huwelela, kutani ku huwelela ka vatshoveri ku fikile etindleveni ta Hosi ya tinyimpi.

Vaheveru 12:29

Hikuva Xikwembu xa hina, na xona, i ndzilo lowu hisaka.

Nahume 1:5

Tintshava ti tsekatseka emahlweni ka yena, switsunga swa n'oka, misava ya kukumuka emahlweni ka yena, tiko ra vanhu, ni hinkwaswo leswi nga eka rona.

Swirilo 3:39

Xana munhu la hanyaka a nga tivilerisa hi yini-ke? Munhu un'wana ni un'wana a a tivilerise hi swidyoho swa yena.

Duteronoma 25:18

hilaha a ku pfukeke endleleni, a wela ehenhla ka lava saleke endzhaku; loko u ri wena a u karhele, u herile matimba, kambe a nga chavangi Xikwembu.

Tinhlayo 11:18

U ta byela vanhu va tiko, u ku: ‘Tibasiseleni siku ra mundzuku, mi ta dya nyama, leswi mi nga rila etindleveni ta Yehovha, mi ku: “I mani la nga ta hi dyisa nyama? Hikuva a hi tsakile eEgipta.” Yehovha u ta mi nyika nyama, mi dya.

Tinhlayo 14:2

Vana va Israele va dzumadzumela Muxe na Aroni, kutani nhlengeletano yi ku eka vona: “Mawako nge hi file etikweni ra Egipta, kumbe hi file emananga!

Tinhlayo 14:22

Loko va ri vanhu lava voneke ku kwetsima ka mina ni masingita lawa ndzi ma endleke eEgipta ni le mananga, va ri lava va ndzi ringeke ka khume, kambe va nga yingisangi rito ra mina,

Tinhlayo 14:27

“Ndzi ta tshika nhlengeletano leyo biha leyi, yi ndzi dzumadzumela ku fikela kwihi? Ndzi yingisile ku dzumadzuma ka vana va Israele lava ndzi dzumadzumelaka.

Tinhlayo 14:28

U va byela, u ku: ‘Ndza hanya, ku vula Yehovha: ndzi ta mi endlela hilaha mi nga vula etindleveni ta mina hakona.

Tinhlayo 16:11

Hikwalaho mi hlengeletene, wena ni vandla ra wena hinkwaro ku lwa na Yehovha! Aroni, i mani, leswi mi n'wi dzumadzumelaka xana?”

Tinhlayo 17:5

Munhu loyi ndzi nga ta n'wi hlawula, nhonga ya yena yi ta hluka, kutani ndzi ta hetisa ku dzumadzuma ka vana va Israele ehenhla ka n'wina.”

Pisalema 78:63

Xi herisa majaha ya vona hi ndzilo, Ni vanhwana va vona a va tamanga va dzunisiwa.

Esaya 10:17

Ku vonakala ka Israele ku ta hundzuka ndzilo, ni Mukwetsimi wa yena ri ta va langavi leri hisaka, ri va ri heta mitwa ni swigatlu swa yena hi siku rin'we.

Ezekiele 20:36

hilaha ndzi nga tengisana ni vatata wa n'wina emananga ya tiko ra le Egipta, ndzi ta tengisana sweswo na n'wina, ku vula Hosi Yehovha.

Habakuku 3:5

U rhangeriwa emahlweni hi ntungu, rifu leri hisaka ri n'wi landza hi le ndzhaku.

Tinhlayo 12:2

Va ku: “Xana Yehovha u vulavurile ha Muxe ntsena? Xana a nga vuli nchumu ha hina xana?” Kutani Yehovha a swi yingisa.