Tinhlayo 10:34 - Xitsonga (Bibele)

³⁴ Papa ra Yehovha a ri ri ehenhla ka vona ninhlekanhi eku sukeni ka vona emixaxeni.

BIBELE Mahungu Lamanene

³⁴ Loko va suka emixaxeni, papa ra HOSI Xikwembu a ri va ehenhla ka vona nhlekanhi hinkwawo.

Tinhlayo 10:34 Referans Kwoze

Pisalema 105:39

U phurumule papa ku va sirhela, Ni ndzilo ku va voningela nivusiku.

Nehemiya 9:19

hi ku tsetselela ka wena lokukulu, a ku va tshikanga mananga; ku nembelela ka papa a ku tshikangi ku va ungamela ninhlekanhi loko va famba hi ndlela, nivusiku, ku nembelela ka ndzilo a ku tshikanga ku voninga ndlela leyi va faneleke ku famba ha yona.

Nehemiya 9:12

u va fambisile hi ku nembelela ka papa ninhlekanhi, ni ku nembelela ka ndzilo nivusiku, u va voningela ndlela leyi va faneleke ku famba ha yona.

Tinhlayo 10:35

Eku sukeni ka areka, Muxe a a ku: “Pfuka, Yehovha! Valala va wena a va hangalasiwe, lava ku vengaka a va hlongorisiwe emahlweni ka wena.”

Eksoda 40:38

Hikuva papa ra Yehovha a ri tshama ehenhla ka tabernakela ninhlekanhi, kutani nivusiku, a ku voninga ndzilo epapeni emahlweni ka yindlu hinkwayo ya Israele, eku fambeni hinkwako ka vona.