Tinhlayo 1:53 - Xitsonga (Bibele)53 Kambe Valevhi va ta gova ekusuhi ni yindlu ya vumbhoni, va yi rhendzela, leswaku vukari bya mina byi nga tshuki byi pfurhela nhlengeletano ya vana va Israele; kutani Valevhi va ta langutela yindlu ya vumbhoni.” Gade chapit laBIBELE Mahungu Lamanene53 Kambe Valevhi vona va ta gova va rhendzela Ntsonga wa Ntwanano, leswaku vukari bya mina byi nga tshuki byi pfurha ehenhla ka ntshungu wa Vaisraele; naswona Valevhi hi vona va nga ta hlayisa Ntsonga wa Ntwanano.” Gade chapit la |
Muxe a ku eka Aroni na Eliyazara na Itamara, vana va Aroni: “Mi nga tshuki mi funungula tinhloko ta n'wina ni ku handzula tinguvu ta n'wina, mi nga ta fa, Yehovha a nga tshuki a karihela nhlengeletano hinkwayo. Vamakwenu, va yindlu hinkwayo ya Israele hi vona lava nga ta rila hikwalaho ka ritshwa leri hisiweke i Yehovha.
kutani ndzi nyikile kunene Valevhi eka Aroni ni ka vana va yena, exikarhi ka vana va Israele, ku tirha ntirho wa vana va Israele etabernakeleni ya nhlengeletano, ni ku phahlela vana va Israele timhamba, leswaku khombo ri nga tshuki ri humelela exikarhi ka vana va Israele, loko vana va Israele va ta tshinelela vukwetsimelo.”
Siku rin'wana ni rin'wana, nimixo ni madyambu, va hisela Yehovha tiholokosta ni mirhi ya risuna, va veka ni swinkwa swa xikombiso etafuleni leri tengeke va lumeka nimadyambu masiku hinkwawo mavoningo ya kandelari ya nsuku, hikuva hi hlayisa milawu ya Yehovha, Xikwembu xa hina, kambe n'wina mi n'wi tshikile.