Tinhlayo 1:50 - Xitsonga (Bibele)

⁵⁰ U ta veka emavokweni ya vana va Levhi yindlu ya vumbhoni ni swibya hinkwaswo swa yona, ni hinkwaswo swa yona. Va ta rhwala yindlu ni swingolongondzwana hinkwaswo swa yona; va ta tirha ntirho wa yona, kambe va ta gova ekusuhi ni yindlu hi ku yi rhendzela.

BIBELE Mahungu Lamanene

⁵⁰ kambe va veke ku va vahlayisi va Ntsonga wa Ntwanano, ni swingolongondzwana swa wona hinkwaswo, ni swilo hinkwaswo leswi nga swa wona. Va ta rhwala Ntsonga ni swingolongondzwana swa wona hinkwaswo, naswona va ta tirha eka wona, va dzima ni mixaxa ya vona yi wu rhendzela.

Tinhlayo 1:50 Referans Kwoze

Eksoda 38:21

Hi kona ku hlaya ka leswi humeseriweke tabernakela, yi nga yindlu ya vumbhoni; ku hlaya loku ku endliwile hilaha ku nga lerisiwa hi Muxe, hi Valevhi ehansi ka Itamara, n'wana Aroni, muprista.

Tinhlayo 4:15

“Aroni ni vana va yena loko va ta va va hetile ku funengeta vukwetsimelo ni mitirho hinkwayo ya byona, mixaxa yi ta fanela ku suka; kwalaho, vana va Kohata va ta nghena ku swi rhwala. Kambe va nga tshuki va khumba xilo lexi hlawuriweke hikuva va nga fa. Hi wona ndzhwalo wa vana va Kohata etabernakeleni ya nhlengeletano.

Eksoda 31:18

Kuteloko Yehovha a hetile ku vulavula na Muxe entshaveni ya Sinayi, a n'wi nyika maribye mambirhi ya vumbhoni lama tsariweke hi voko ra Xikwembu.

Nehemiya 13:22

Kambe ndzi byela Valevhi leswaku va tibasisa, va ta langutela tinyangwa leswaku siku ra Savata ri ta hlawuriwa. Oho! Xikwembu xa mina! Ndzi anakanye ni le mhakeni leyi, u ndzi tsetselela hi vukulu bya tintswalo ta wena!

Tinhlayo 20:11

Muxe a tlakusa voko, a ba ribye kambirhi hi nhonga ya yena. Kutani ku huma mati ya ku tala. Nhlengeletano yi nwa ni swifuwo swa yona.

Pisalema 122:4

Laha tinxaka ta Yehovha ti tlhandlukelaka kona Hi nawu wa Israele, ku dzunisa vito ra Yehovha.

Nehemiya 13:5

a n'wi lunghiserile kamara leyikulu, laha ku nga hlayisiwa mihlengo ni mirhi ya risuna khale, ni mitirho, ni ku pambula ka vukhume eka koro, ni ka vhinyo leyintshwa, ni mafurha, leswi ngi swi lerisiwile Valevhi ni vayimbeleri, ni valanguteri va tinyangwa, ni mihlengo leyi hlawuleriwaka vaprista.

Nehemiya 12:47

Emikarhini ya Zerubabele ni le mikarhini ya Nehemiya, Vaisraele hinkwavo a va humesa mihlengo ya vayimbeleri ni ya valanguteri va tinyangwa hilaha ku faneleke ku humesiwa hakona hi siku rin'wana ni rin'wana swilo leswi hlawuriweke, swi nyikiwa Valevhi; Valevhi, vona, va nyika vana va Aroni.

Nehemiya 12:22

Loko va ri Valevhi, tihosana ta tindlu ti tsariwile enkarhini wa Eliyaxibi, ni wa Yoyada, ni wa Yohanani ni wa Yaduwa; ni vaprista va tsariwile eku fumeni ka Dariyosi Muperesi.

Nehemiya 12:8

Ni Valevhi: Yexuwa, Binuyi, Kadimiele, Xerebiya, Yuda, Mataniya; yena ni vamakwavo a va fambisa tinsimu ta ku dzunisa.

Tinhlayo 10:21

Kutani va Kohata, lava rhwalaka swilo leswi hlawuriweke va suka, kutani van'wana va yimisa Yindlu, va ko va fika.

Tinhlayo 2:17

“Kutani tabernakela ya nhlengeletano yi ta suka, nxaxa wa Valevhi wu va xikarhi ka mixaxa; va ta suka hilaha va govaka hakona; un'wana ni un'wana exivandleni xa yena, hi mifungho ya vona.

Tinhlayo 1:53

Kambe Valevhi va ta gova ekusuhi ni yindlu ya vumbhoni, va yi rhendzela, leswaku vukari bya mina byi nga tshuki byi pfurhela nhlengeletano ya vana va Israele; kutani Valevhi va ta langutela yindlu ya vumbhoni.”

Nhlavutelo 15:5

Endzhaku ka sweswo ndzi languta, kutani ndzi vona tempele ya Tabernakela ya vumbhoni yi pfuriwa etilweni.

Tinhlayo 17:7

Kutani Muxe a veka tinhonga emahlweni ka Yehovha, etabernakeleni ya vumbhoni.

2 TIKRONIKA 24:6

Kavaloko hosi yi vitana Yehoyada, muprista lonkulu, yi ku eka yena: “A ku lerisanga ha yini Valevhi leswaku va tisa ndzuvo lowu lerisiweke ehenhla ka nhlengeletano ya Israele hi Muxe, nandza wa Yehovha, wu huma etikweni ra Yuda ni le Yerusalema, wu va wa Tabernakela ya vumbhoni?”

Tinhlayo 4:3

ku sungula hi va malembe ya 30 ni lava tlulaka, ku fika eka va malembe ya 50, hinkwavo lava nghenaka enxaxeni wa ntirho wa tabernakela ya nhlengeletano.

Tinhlayo 8:19

kutani ndzi nyikile kunene Valevhi eka Aroni ni ka vana va yena, exikarhi ka vana va Israele, ku tirha ntirho wa vana va Israele etabernakeleni ya nhlengeletano, ni ku phahlela vana va Israele timhamba, leswaku khombo ri nga tshuki ri humelela exikarhi ka vana va Israele, loko vana va Israele va ta tshinelela vukwetsimelo.”

Tinhlayo 8:20

Muxe na Aroni ni nhlengeletano hinkwayo ya vana va Israele va endlela vana va Levhi sweswo; va va endlela hinkwaswo hilaha Yehovha a leriseke Muxe hakona.

Tinhlayo 8:22

Kavaloko Valevhi va ta, va tirha ntirho wa vona etabernakeleni ya nhlengeletano, emahlweni ka Aroni ni le mahlweni ka vana va yena, hilaha Yehovha a leriseke Muxe hakona ehenhla ka vana va Levhi; va va endlela sweswo.

Tinhlayo 18:5

Mi ta hlayisa swibya swa vukwetsimelo ni swa alitari leswaku vukari byi nga ha vi kona ehenhla ka vana va Israele.