Timhaka 9:31 - Xitsonga (Bibele)

³¹ Kambe tikereke a ti tshamile hi ku rhula hinkwako etikweni ra Yudiya, ni ra Galeliya, ni ra Samariya, ti akisiwa, ti famba exichabyeni xa Hosi; kutani ti andza hi ku chavelela ka Moya lowo Kwetsima.

BIBELE Mahungu Lamanene

³¹ Enkarhini wolowo, kereke a yi ri ni ku rhula etikweni hinkwaro ra Yudiya, ni ra Galeliya, ni ra Samariya, yi ri karhi yi akisiwa ni ku hanya exichabyeni xa Hosi; kutani a yi andza, yi tiyisiwa hi Moya lowo Kwetsima.

Testamente Leyimpsha Xichangana

³¹ Nkameni wolowo, kereke ayili ni kurhula tikweni hinkwaru ra Yudeya, ni ra Galileya, ni ra Samariya, na yili karhi yiyakisiwa ni kuhanya kuxiximeni ka Hosi; kutani ayihandza, yitiyisiwa hi Moya Wokwetsima.

Timhaka 9:31 Referans Kwoze

Pisalema 111:10

Ku chava Yehovha i ku sungula ka vutlhari; Hinkwavo lava ku hlayisaka va ni ku twisisa lokunene. Ku dzuna ka yena ku tshama hi laha ku nga heriki.

Esaya 33:6

Masiku ya wena ma ta tiya; kutani kuluko wu ta va kona wa ku hlayiseka, ni vutlhari, ni ku tiva; kutani ku chava Yehovha ku ta va rifuwo ra Yuda.

Swivuriso 23:17

Mbilu ya wena yi nga tsohoki lavo biha, U hlayisa xichavo xa Yehovha hi masiku,

Pisalema 86:11

Oho Yehovha, ndzi dyondzise ndlela ya wena! Ndzi ta famba eku tshembekeni ka wena. Byisa mbilu yanga ku chava vito ra wena.

Varhoma 5:5

kutani ku langutela a ku khomisi munhu tingana, hikuva rirhandzu ra Xikwembu ri cheriwile etimbilwini ta hina hi Moya lowo Kwetsima lowu hi wu nyikiweke.

Swivuriso 1:7

Ku chava Yehovha, i masungulo ya vutivi hinkwabyo; Kambe lavo rivala va tsan'wa vutlhari ni dyondzo.

Varhoma 15:13

Xikwembu xa ku tshembeka a xi mi tate hi ku tsaka hinkwako, ni ku rhula hinkwako eku pfumeleni, leswaku mi tala hi ku langutela, hi matimba ya Moya lowo Kwetsima.

Timhaka 8:1

Kambe Sawulo u khensile ku dlawa ka Stefano. Enkarhini wolowo, kereke ya Yerusalema yi humeleriwa hi ku xaniseka lokukulu, va hangalasiwa hinkwavo ematikweni ya Yudiya ni ya Samariya; ku sala vaapostola ntsena.

Swivuriso 8:13

Ku chava Xikwembu i ku venga swo biha; Ndzi venga manyunyu, ni ku tidzunisa, ni ku famba loko biha, Ni nomu wo homboloka.

Ntirho 28:28

Kutani xi ku eka munhu: ‘Vona, xichavo xa Hosi, hi byona vutlhari; Ku papalata swo biha, hi kona ku twisisa.’ ”

Nehemiya 5:9

Kutani ndzi ku: “Leswi mi swi endlaka a swi lulamanga; a mi fanele ku famba eku chaveni ka Xikwembu xa hina, hi nga tshuki hi sandziwa hi matiko lawa va nga valala va hina.

Vaefesa 4:12

va ta hetisa vakwetsimi, va endla ntirho wa vurisi, va akisa miri wa Kriste,

2 Vakorinto 13:10

Hikwalaho-ke ndzi tsalaka timhaka leti, ndzi nga si ta eka n'wina leswaku siku ndzi fikaka, ndzi nga ti endla hi ku nonon'hwa hi matimba lawa Hosi yi ndzi nyikeke wona ku akisa, ku nga ri ku hangalasa.

2 Vakorinto 10:8

Kasi loko ndzi nga tidzunisa ku tlurisa hi matimba walawo hi ma nyikiweke hi Hosi ku mi akisa, ku nga ri ku mi hangalasa, ndzi nga ka ndzi nga khomiwi hi tingani;

2 Vakorinto 7:1

Sweswi, varhandziwa, loko hi ri ni ku tshembisiwa kuloko, a hi tihlantsweni thyaka hinkwaro ra miri ni ra moya, hi ri karhi hi hetisa ku hlawuleka ka hina exichabyeni xa Xikwembu.

Timhaka 16:5

Hi mukhuva wolowo tikereke ti tiyisiwa eku pfumeleni, kambe a ti andza siku rin'wana ni rin'wana.

Timhaka 12:24

Kambe rito ra Xikwembu ri andza, ri hangalaka ngopfu.

Timhaka 6:7

Kutani rito ra Xikwembu ri ri karhi ri andza hi ku ya emahlweni, na vona vadyondzisiwa va andza ngopfu eYerusalema, ku pfumela ni vaprista lavo tala.

Nehemiya 5:15

kasi vafumi vo rhanga lava ngi va ri kona emahlweni ka mina, a va tikela tiko, va teka vuswa ni vhinyo eka vona, ehandle ka tixikele ta mune wa makume ta silivhere, ni malandza ya vona a ma fuma hi matimba ehenhla ka tiko.

Yuda 1:20

Kambe loko mi ri n'wina, varhandziwa, tiakeleni ehenhla ka ku pfumela ka n'wina loku kwetsimaka hi ku tlurisa, mi ri karhi mi khongela hi Moya lowo Kwetsima,

Vaheveru 4:9

Loko swi ri tano, ku wisa ka ha ri kona loku siyeriweke vanhu va Xikwembu.

1 Timotiya 1:4

ni leswaku va nga tshuki va namarhela mitsheketo, ni swivongo leswi nga heriki, leswi humesaka ku tengisana, ku nga ri ku akisa yindlu ya Xikwembu leyi nga eku pfumeleni, ndza ha tiyisa swona.

1 Vatesalonika 5:11

Hikwalaho khongotelanani, mi akisana, kukotisa leswi mi swi endlaka.

Vakolosa 1:10

leswaku mi famba hi mukhuva lowu fanelaka Hosi, mi n'wi tsakisa hinkwako, mi veka mihandzu emitirhweni leyo saseka hinkwayo, mi va mi kula eku tiveni ka Xikwembu,

Vafilipiya 2:1

Hikwalaho, kungakuloko ku chavelela ku ri kona ka Kriste, ni loko rirhandzu ri ri kona leri tiyisaka timbilu, ni ku hlangana ka Moya, ni ku tsetselelana, ni tintswalo,

Vaefesa 5:21

Titsongahateni, van'wana eka van'wana exichabyeni xa Kriste.

Vaefesa 4:29

Ku nga tshuki ku huma emilon'wini ya n'wina rito ra tingana, hambi ri ri rin'we, kambe a ku hume rito ro nandziha ra ku akisa hi mfanelo, ri nga rito leri humeselaka lava yingisaka vunene byin'wana.

Vaefesa 4:16

yeloyi miri hinkwawo wa yena lowu hlanganeke swinene, ni ku tiyisana swinene hi ku hlangana ka swirho swa wona, wu kuma ku kula hi matimba lama enetaka xirho xin'wana ni xin'wana, leswaku wu akiwa erirhandzwini.

2 Vakorinto 12:19

Xana, ni sweswi, mi ri, ha ha ri karhi ha tilandzula eka n'wina xana? E-e; hi vulavula emahlweni ka Xikwembu hi le ka Kriste; kutani hinkwaswo leswo, varhandziwa, hi mi lavela ku akisana ha swona.

1 Vakorinto 14:26

Xana swi to yini, vamakwerhu? Ndzi ri, hi masiku hinkwawo, loko mi hlengeletene, un'wana ni un'wana eka n'wina, loko a ri ni pisalema, ni loko yi ri dyondzo, hambi ti ri tindzimi tin'wana, hambi ku ri ku kombisiwa, kumbe ku hlamusela, hinkwaswo a swi endleriwe ku akisana.

1 Vakorinto 14:12

Kutani sweswi, leswi mi lavaka ku chivirikela tinyiko ta Moya, lavani ku andzeriwa ngopfu, kereke yi ta akisiwa hakona.

Varhoma 14:19

A hi laveni hikwalaho timhaka leti humesaka ku rhula, ni leti hi nga akisanaka kun'we ha tona.

Varhoma 14:17

Hikuva ku fuma ka Xikwembu a hi ku dya ni ku nwa; kambe i ku lulama, ni ku rhula, ni ku tsaka hi Moya lowo Kwetsima.

Zakariya 8:20

“Yehovha wa tinyimpi u ri: Ka ha ta ta matiko ni vaaki va miti le yo tala;

Esaya 11:10

Enkarhini wolowo rimitsu ra Yese ri ta yimiseriwa matiko tanihi mfungho, matiko ma ta ri lava, kutani vuako bya rona byi ta va ku vonakala ntsena.

Pisalema 94:13

U ta n'wi rhulisa loko masiku ya khombo ma humelela, Ku kondza rindzi ri celeriwa lowo biha.

1 TIKRONIKA 22:18

a ku eka tona: “Xana Yehovha, Xikwembu xa n'wina, u na n'wina-ke; a nga mi nyikangi ku wisa ematlhelweni hinkwawo xana? Hikuva u nyiketile emavokweni ya mina vaaki va tiko kutani tiko ri rhula emahlweni ka Yehovha ni le mahlweni ka tiko ra yena.

1 TIKRONIKA 22:9

Waswivo, u ta velekeriwa n'wana; u ta va munhu wo rhula; ndzi ta n'wi nyika ku rhula eka valala hinkwavo va yena va matlhelo hinkwawo; hikuva vito ra yena a ta va Solomoni (wa ku rhula), kutani ndzi ta nyika Israele ku rhula, ni ku tsaka eku hanyeni ka yena.

Vaavanyisi 3:30

Enkarhini wolowo, Vamowabu va tsongahatiwa hi Vaisraele, kutani tiko ri etlela hi malembe ya 80.

Yoxuwa 21:44

Yehovha a va nyika ku wisa hi matlhelo hinkwawo, hilaha a hlambanyeleke vatata wa vona hakona; a ku vanga na un'we wa valala va vona la kotaka ku tiya emahlweni ka vona, Yehovha a va nyiketa hinkwavo emavokweni ya vona.

Duteronoma 12:10

Mi ta pela Yordani, kutani mi ta aka etikweni leri Yehovha, Xikwembu xa n'wina, a nga ta mi dyisa ndzhaka ya rona; a ta mi nyika ku wisa, mi nga karhatiwi hi valala hinkwavo lava mi rhendzelaka, kutani mi ta aka, mi nga chavi nchumu.

Timhaka 2:47

va ri karhi va dzunisa Xikwembu, va tsakeriwa hi tiko hinkwaro. Kutani siku rin'wana ni rin'wana Hosi yi engetela kereke hi vanhu lava ponisiweke.

Timhaka 5:11

Kutani ku chava lokukulu ku va kona ekerekeni hinkwayo, ni vanhwini hinkwavo lava tweke timhaka leti.

Timhaka 20:32

“Kutani sweswi, ndzi mi veka eka Xikwembu ni ka rito ra tintswalo ta xona, lexi nga ni matimba ya ku mi akisa, ni ku mi nyika ndzhaka swin'we ni vakwetsimi hinkwavo.