Timhaka 9:29 - Xitsonga (Bibele)

²⁹ a dyondzisa hi vito ra Hosi Yesu a nga chavi nchumu; a vulavula, a hlamulana ni Vayuda, ni Vahelenista; kambe vona va rhandza ku n'wi dlaya.

BIBELE Mahungu Lamanene

²⁹ naswona a vulavula ni ku hlamulana ni Vayuda vo vulavula Xigriki; kambe vona va ringeta ku n'wi dlaya.

Testamente Leyimpsha Xichangana

²⁹ nasvona avulavula ni kuhlamulana ni Vayuda vakuvulavula Xigirika; kambe vona varingeta kumudlaya.

Timhaka 9:29 Referans Kwoze

Timhaka 6:1

Hi masiku walawo, loko vadyondzisiwa va andzile ngopfu, Vahelenista va dzumadzumela Vaheveru, hikuva vavasati va vona va tinoni a va siyiwa eku nyikiweni ka siku rin'wana ni rin'wana.

Yuda 1:9

Kasi loko a ri Mikaele, ntsumi leyikulu, loko a kanetana na Diyavulosi, va ri karhi va lwetana hi ntsumbu wa Muxe, u chavile ku n'wi avanyisa hi mirhukano, kambe a ku: “Hosi a yi ku tshinye!”

2 Vakorinto 11:26

ndzi ve tiendzweni leto tala; ndzi lave ku lova emilambyeni; ndzi lave ku lova exikarhi ka makhamba, ndzi lave ku lovisiwa hi varikwerhu; ndzi lave ku lovisiwa hi vamatiko; ndzi lave ku lova emitini; ndzi lave ku lova emananga; ndzi lave ku lova elwandle; ndzi lave ku lovisiwa hi vamakwavo va mavunwa,

Timhaka 11:20

Hambiswiritano, van'wana eka vona, va nga vavanuna va Kipra ni va Kirene, kakuloko va nghene eAntiyoka, va hlamulana ni Vagriki, va va byela Evhangeli ya Hosi Yesu.

Timhaka 19:8

Kutani Pawulo a nghena esinagogeni, a vulavula a nga chavi, a hlamulana ni Vayuda hi tin'hweti tinharhu, a va khorwisa etimhakeni ta ku fuma ka Xikwembu.

Timhaka 18:19

Kuteloko a fikile eEfesa, a va siya kona; yena a nghena esinagogeni, a hlamulana ni Vayuda.

Timhaka 17:17

Kutani a hlamulana esinagogeni ni Vayuda ni lava chavaka Xikwembu, a endlisa sweswo ni le hubyeni hi masiku hinkwawo ni lava a hlanganaka na vona.

Timhaka 9:27

Kutani Barnaba a n'wi teka, a n'wi yisa eka vaapostola, a va byela hilaha a voneke Hosi hakona endleleni yi vulavula na yena; ni hilaha a nga vula vito ra Yesu hakona hi matimba emutini wa Damaska.

Yuda 1:3

Varhandziwa, loko ndzi ri karhi ndzi chivirikela ku mi tsalela timhaka ta ku hlayiseka loku hi ku averiweke swin'we, a swi ndzi fanerile ku mi tsalela leswaku ndzi mi khongotela, ndzi ku: Mi lwela ku pfumela loku vakwetsimi va ku nyikiweke kan'we.

Timhaka 9:28

Kutani Sawulo a tshama na vona eYerusalema, a ri karhi a nghena a huma,

Timhaka 22:18

kutani ndzi n'wi vona, a ndzi byela, a ku: ‘Hatlisa u suka eYerusalema, hi ku angwetla, hikuva va nga ka va nga amukeri vumbhoni lebyi u ndzi vulaka ha byona.’