Timhaka 9:15 - Xitsonga (Bibele)

¹⁵ Kambe Hosi yi ku eka yena: “Yana, hikuva loyi, i khuwana leri ndzi tihlawuleleke rona, ku yisa vito ra mina eka vamatiko, ni ka tihosi, ni ka vana va Israele;

BIBELE Mahungu Lamanene

¹⁵ Hosi yi ku ka yena: “Yana, hikuva munhu loyi i xitirho lexi ndzi nga tihlawulela xona ku ya twarisa vito ra mina eka vamatiko, ni ka tihosi, ni ka Vaisraele;

Testamente Leyimpsha Xichangana

¹⁵ Hosi yiku ka yena: “Yana, hikuva munhu lweyi i xitirho lexi ningatihlawulela xona kuyapaluxa vito ra mina ka vamatiko, ni ka tihosi, ni ka Vaisrayele;

Timhaka 9:15 Referans Kwoze

Varhoma 11:13

Ndzi byela n'wina vamatiko, hikuva ndzi muapostola wa vamatiko, ndzi dzunisa ntirho wa mina

Varhoma 1:5

a nga yena loyi hi nyikiweke ha yena tintswalo ni vuapostola, leswaku exikarhi ka matiko hinkwawo, vanhu va yingisa hi ku pfumela vito ra yena,

1 Timotiya 2:7

lebyi ndzi vekiweke muvulavuri ni muapostola hikwalaho ka byona (ndzi vulavula hi ku tiyisa, a ndzi hembi), ndzi mufundhisi wa vamatiko eku pfumeleni ni le ntiyisweni.

Yeremiya 1:5

“Ndzi ku tivile ndzi nga si ku vumba ekhwirini ra mana wa wena, kambe u nga si huma enyimbeni, ndzi ku hlawurile, kutani ndzi ku vekile muprofeta wa matiko.”

2 Timotiya 2:4

La yaka enyimpini a nga titsandzekisi hi timhaka ta vutomi lebyi, kambe mhaka ya yena i yin'we, i ya ku tsakisa la n'wi rhambeke.

Timhaka 22:21

Kavaloko Hosi yi ku eka mina: ‘Famba, hikuva ndzi ta ku rhuma ekule eka vamatiko.’ ”

Yohane 15:16

“A hi n'wina mi ndzi hlawuleke; hi mina ndzi mi hlawuleke, kutani ndzi mi vekile leswaku mi ya mi veleka mihandzu, ni leswaku mihandzu ya n'wina yi tshama, swi ri leswaku hinkwaswo leswi mi nga ta swi kombela eka Tatana hi vito ra mina, a mi nyika swona.

2 Timotiya 1:11

yoleyi ndzi vekiweke muvuri, ni muapostola, ni mufundhisi wa yona eka vamatiko.

Vagalatiya 1:1

Pawulo, muapostola, ku nga ri hi vanhu, hambi ku ri hi munhu ni un'we, kambe ku ri ha Yesu Kriste, ni Xikwembu, Tatana, la n'wi pfuxeke eku feni;

1 Vakorinto 15:10

Kambe hi tintswalo ta Xikwembu, ndzi loyi ndzi nga yena; kutani tintswalo ta xona eka mina a ti endliwanga swahava, kambe ndzi va tlulela kule hinkwavo hi ku tirha; ndzi nga ri mina kambe i tintswalo ta Xikwembu eka mina.

Timhaka 13:2

Kakuloko va ri karhi va tirha ntirho wa Hosi, va titsona swakudya, Moya lowo Kwetsima wu ku: “Ndzi hlawuleleni Barnaba na Sawulo, va ya entirhweni lowu ndzi va vitaneleke wona.”

Matewu 10:18

Kambe va ta mi yisa emahlweni ka tindhuna, ni le mahlweni ka tihosi hikwalaho ka mina, mi va timbhoni ta mina eka vona, ni ka vamatiko.

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi ni Mufumi wa vafumi; kutani lava a nga na vona hi lava vitaniweke ni vahlawuriwa, ni vapfumeri.”

Timhaka 27:24

yi ku: ‘Pawulo, u nga tshuki u chava, hikuva u fanele ku ya humelela emahlweni ka Khezari kutani waswivo, Xikwembu xi ku nyikile hinkwavo lava u endzaka na vona engalaveni.’

Timhaka 26:32

Kutani Agripa a ku eka Festo: “Munhu loyi, a a ta tshunxiwa, loko a nga tivekangi eka Khezari.”

Timhaka 25:22

Kavaloko Agripa a ku eka Festo: “Na mina ndzi nga rhandza ku twa munhu yeloyi.” Yena a ku: “Mundzuku, u ta n'wi twa.”

Timhaka 21:19

Kuteloko a va xewetile, a va byela hi ku tlhandlamana timhaka hinkwato leti Xikwembu xi ti endleke ematikweni hi ku tirha ka yena.

Yeremiya 1:7

Yehovha a ku eka mina: “U nga tshuki u ku: ‘Ndzi xihlangi!’ Hikuva u ta famba eka hinkwavo lava ndzi nga ta ku rhuma eka vona, kambe u vulavula hinkwaswo leswi ndzi nga ta ku lerisa swona.

Timhaka 28:17

Endzhaku ka masiku manharhu, Pawulo a rhamba lava nga vakulukumba exikarhi ka Vayuda, kuteloko va hlengeletene, a ku eka vona: “Vavanuna varikwerhu, hambi ndzi nga endlanga nchumu ku dyohela tiko, hambi yi ri mikhuva ya vatatana, hambiswiritano, ndzi bohiwile eYerusalema, ndzi nyeketiwa emavokweni ya Varhoma.

Timhaka 22:14

Kambe a ku: ‘Xikwembu xa vatata wa hina xi tihlawulele wena leswaku u tiva ku rhandza ka xona, ni leswaku u vona La lulameke, ni leswaku u twa rito ra nomu wa yena;

Timhaka 26:1

Kutani Agripa a ku eka Pawulo: “U nga tivulavulela.” Kavaloko Pawulo a tshambuluta voko, a tihlamulela, a ku:

Timhaka 28:28

Tivani kwalaho leswaku ku hlayiseka ka Xikwembu ku rhumeriwile vamatiko, kutani vona va ta ku yingisa.”

Varhoma 1:1

Mina Pawulo, nandza wa Yesu Kriste, ndzi nga vitaniwa ku va muapostola, ndzi hlawuriweke ku tivisa Evhangeli,

1 Vakorinto 9:16

Hikuva hambi ndzi vula Evhangeli, kwalaho a ndzi na lexi ndzi nga tidzunisaka ha xona, hikuva nawu wu kona lowu ndzi boheke; kutani ku ni khombo eka mina loko ndzi nga vuri Evhangeli!

Vaefesa 3:1

Hikwalaho-ke, mina Pawulo, ndzi nga mubohiwa wa Yesu Kriste hikwalaho ka n'wina vahedeni.