Timhaka 8:33 - Xitsonga (Bibele)

³³ Ku avanyisiwa ka yena ku hetisiwile eku titsongahateni ka yena; kambe i mani la nga vulaka rixaka ra yena? Hikuva vutomi bya yena byi susiwile emisaveni.”

BIBELE Mahungu Lamanene

³³ Ú tsongahatiwile, a aleriwa leswo lulama. I mani la nga ta vulavula hi vatukulu va yena, leswi vutomi bya yena la misaveni byi fikeke makumu, ke?”

Testamente Leyimpsha Xichangana

³³ Atsongahatiwile, ayaleliwa lesvolulama. I mani lweyi angatavulavula hi vatukulu va yena, lesvi vutomi bza yena misaveni bzifikeke makumu, ke?”

Timhaka 8:33 Referans Kwoze

Esaya 53:12

Hikwalaho ndzi ta n'wi nyika ku avela ka yena swin'we ni vakulukumba; u ta avelana rifuwo ni vanhu lava fumaka, hikuva a tinyiketele rifu, kutani u hlayiwa exikarhi ka swidyohi; kambe yena, hi xiviri xa yena, u rhwele nandzu wa vanhu vo tala, u ta khongelela swidyohi.

Esaya 53:8

U susiwile hi ku xaniseka ni ku biwa, kutani exikarhi ka vanhu va rixaka ra yena, i mani la tsundzukeke leswaku a susiwa emisaveni ya lava hanyaka, ni leswaku a biwa hikwalaho ka swidyoho swa tiko ra mina?

Zakariya 13:7

“Wena, fumu, pfukela murisi wa mina, a nga wanuna la nga nakulobye,” ku vula Yehovha wa tinyimpi. “Bana murisi, tinyimpfu ti ta hangalaka! Kutani ndzi ta vuyisa voko ra mina ehenhla ka lavatsongo.

Habakuku 1:4

Hikwalaho, nawu wu etlele, a ka ha avanyisiwi hi ku lulama; hikuva lowo biha u rhendzele la lulameke, kutani ku avanyisa ka hombolokisiwa.

Daniele 9:26

Endzhaku ka mavhiki lawa ya 62 Mesiya u ta susiwa a nga yimeriwi hi munhu. Kutani tiko ra hosi leyi nga ta ta, ri ta onha muti ni xikwetsimisiso, ku onhiwa ka xona ku ta fana ni ku dyiwa hi mati, kutani ku lerisiwile leswaku ku onhetela ku ta va kona ku fika eku heleni ka tinyimpi.

Esaya 53:10

Xikwembu xi rhandzile ku n'wi tshova hi vuvabyi; loko a ta va a endlile vutomi bya yena mhamba ya swidyoho, u ta vona vatukulu, u ta lehisa masiku ya yena, kutani ntirho wa Yehovha wu ta kateka emavokweni ya yena.

Esaya 10:2

va alela swisiwana mfanelo ya swona, va dya vapfumari va tiko ra mina, va endla tinoni ku tshumba ka vona, va dya swisiwana.

Esaya 5:23

lava khanisaka lowo biha hikwalaho ka hakelo, kutani va hikelaka lava lulameke ku lulama ka vona!

Pisalema 22:30

Vatukulu, va ta n'wi tirhela, Rixaka leri nga ta ta ri ta byeriwa ku kwetsima ka Hosi.

Pisalema 22:15

Matimba ya mina ma omile tani hi mbita ya vumba, Ririmi ra mina ri namarherile emalakeni ya mina; Kutani u ndzi latile entshurini wa rifu.

Ntirho 34:5

Hikuva Yobo u te: ‘Ndzi lulamile, Xikwembu xi kanetile ku lulama ka mina.

Ntirho 27:2

“I Xikwembu lexi hanyaka, lexi ndzi tekeleke ku lulama ka mina! Ni Lowa matimba hinkwawo la vavisaka moya wa mina!

Esaya 53:7

Va n'wi xanisa, va n'wi tsongahata, a nga pfuli nomu. Kukota xinyimpfana lexi yisiwaka eku tlhaviweni, ni nyimpfu leyi miyelaka emahlweni ka lava yi tsemelaka voya a nga pfulanga nomu.

Timhaka 8:34

Kutani ndhuna yi vutisa Filipi, yi ku: “Wa nga ndzi byela; xana muprofeta u vula mani hi mhaka leyi? Xana wa tivula, kumbe u vula un'wana-ke?”