Timhaka 8:24 - Xitsonga (Bibele)

²⁴ Simoni a hlamula, a ku: “Ndzi khongeleleni mi ri n'wina eka Hosi, leswaku ndzi nga tshuki ndzi humeleriwa hi xilo xin'we xa leswi mi swi vuleke.”

BIBELE Mahungu Lamanene

²⁴ Simoni a hlamula, a ku: “Ndzi khongeleleni mi ri n'wina eka Hosi, leswaku ndzi nga tshuki ndzi humeleriwa hi xilo ni xin'we xa leswi mi swi vuleke.”

Testamente Leyimpsha Xichangana

²⁴ Simoni ahlamula, aku: “Nikhongeleleni mili n'wina ka Hosi, lesvaku ningatshuki nihumeleliwa hi xilo ni xin'we xa lesvi misvivuleke.”

Timhaka 8:24 Referans Kwoze

Tinhlayo 21:7

Kavaloko tiko ri ta eka Muxe, ri ku: “Hi dyohile hikuva hi dzumadzumele Yehovha na wena; hi khongelele eka Yehovha leswaku a hlongola tinyoka ekule na hina.” Kutani Muxe a khongelela tiko.

Eksoda 8:8

Kutani Faro a vitana Muxe na Aroni, a ku eka vona: “Khongelani Yehovha leswaku a susa mitlambya eka mina ni le ka tiko ra mina, hi kona ndzi nga ta tshunxa tiko, ri ya gandzela Yehovha.”

Yakobo 5:16

Byelanani ku dyoha ka n'wina, kutani mi khongelelana leswaku mi ta hola; hikuva ku khongela ka la lulameke, loku endliwaka hi ku hiteka, ku ni matimba lamakulu.

Ntirho 42:8

Hikwalaho, humesani tinkunzi ta ntlhanu na timbirhi, ni makhuna ya ntlhanu na mambirhi, mi ya eka nandza wa mina Yobo, mi ya titlhavela magandzelo, kutani Yobo, nandza wa mina, u ta mi khongelela; hikwalaho ka yena swakwe, ndzi nga ka ndzi nga mi bi hi ku hunguka ka n'wina, hikuva a mi vulavulanga swa mina hi ku lulama, kukotisa nandza wa mina, Yobo.”

1 TIHOSI 13:6

Kutani hosi yi vulavula yi ku eka munhu wa Xikwembu: “Wa nga khongela Yehovha, Xikwembu xa wena, u ndzi khongelela leswaku voko ra mina ri tlhela eka mina!” Munhu wa Xikwembu a khongela Yehovha, kutani voko ra hosi ri tlhela eka yena, ri va kukotisa khale.

1 SAMIELE 12:23

Loko ndzi ri mina a swi ve kule na mina ku dyohela Yehovha, ni ku tshika ku mi khongelela, kambe ndzi ta mi kombisa ndlela leyinene ni ya ku lulama.

Eksoda 12:32

Mi teka tinyimpfu ni tihomu ta n'wina, hilaha mi nga vula hakona, mi famba; kambe mi ndzi katekisa.”

Eksoda 10:17

Kambe sweswi u ndzi rivalela ku dyoha ka mina hi siku leri ntsena, kutani mi khongela Yehovha, Xikwembu xa n'wina, leswaku a susa ntungu lowu eka mina.”

Genesa 20:7

Kutani sweswi, tlherisa nsati wa nuna loyi, hikuva i muprofeta, u ta ku khongelela, u va u hanya. Kambe loko u nga n'wi tlherisi, tiva leswaku u ta fa kunene, wena ni hinkwaswo leswi nga swa wena.”

Ezra 8:23

Hi titsona swakudya sweswo, hi lava ku pfuniwa hi Xikwembu xa hina hikwalaho ka mhaka leyi, kutani xi hi yingisa.

Ezra 6:10

va ta tiva ku humesela Xikwembu xa le henhla magandzelo ya risuna, kambe va ta khongelela ku hanya ka hosi ni ka vana va yona.

1 SAMIELE 12:19

Kavaloko tiko hinkwaro ri ku eka Samiele: “Khongelela malandza ya wena eka Yehovha, Xikwembu xa wena, leswaku hi nga tshuki hi fa: hikuva hi engeterile swidyoho hinkwaswo swa hina hi nandzu wa ku tikombelela hosi.”

Genesa 20:17

Kutani Abrahama a khongela Xikwembu, Xikwembu xi hanyisa Abimeleke, ni nsati wa yena, ni makhumbi ya yena, va ta tlhela va tiva ku veleka vana.

Yeremiya 37:3

Hosi Sedekiyasi a rhuma Yuhukali n'wana Xelemiya, na Sofoniya n'wana Maaseya, muprista, eka muprofeta Yeremiya a ku: “U hi khongelela eka Yehovha Xikwembu xa hina.”

Yeremiya 42:2

“Amukela xikhongelo xa hina, u hi khongelela eka Yehovha, Xikwembu xa wena, hina ni masalela lawa hinkwawo, hikuva hambi hi tele, hi sele hi nga ri vangani hilaha mahlo ya wena ma hi vonaka hakona;