Timhaka 8:1 - Xitsonga (Bibele)

¹ Kambe Sawulo u khensile ku dlawa ka Stefano. Enkarhini wolowo, kereke ya Yerusalema yi humeleriwa hi ku xaniseka lokukulu, va hangalasiwa hinkwavo ematikweni ya Yudiya ni ya Samariya; ku sala vaapostola ntsena.

BIBELE Mahungu Lamanene

¹ Kasi Sawulo a a nkhensa ku dlawa ka Stefano. Enkarhini wolowo, kereke ya Yerusalema yi sungula ku xanisiwa swinene, vapfumeri hinkwavo va hangalasiwa ematikweni ya Yudiya ni ya Samariya; ku sala vaapostola ntsena.

Testamente Leyimpsha Xichangana

¹ Kasi Sawulo aakhensa kudlayiwa ka Stefano. Nkameni wolowo, kereke ya Yerusalema yisungula kuxanisiwa svinene, vapfumeli hinkwavu vahangalasiwa matikweni ya Yudeya ni ya Samariya; kusala vapostola ntsena.

Timhaka 8:1 Referans Kwoze

Timhaka 22:20

ni siku ku halatiwaka ngati ya Stefano mbhoni ya wena, na mina a ndzi ri kona, ndzi khensa ku dlawa ka yena, kutani ndzi langutela tinguvu ta lava n'wi dlayaka.’

Timhaka 7:58

Kuteloko va n'wi cukumetile ehandle ka muti, va n'wi khandla hi maribye; timbhoni a ti vekile tinguvu ta tona emilengeni ya jaha leri va nge i Sawulo.

Timhaka 5:40

Kutani va n'wi yingisa. Kakuloko va vitanile vaapostola, va va ba hi mikhavi; kutani va va lerisa leswaku va nga tshuki va dyondzisa hi vito ra Yesu, kutani va va tshunxa.

Timhaka 5:33

Kakuloko va twa sweswo, va kariha ngopfungopfu, kutani va kanela ku va dlaya.

Timhaka 1:8

kambe mi ta nyikiwa matimba, siku Moya lowo Kwetsima wu taka eka n'wina; kutani mi ta va timbhoni ta mina kwala Yerusalema, ni le tikweni hinkwaro ra Yudiya, ni ra Samariya, ni ku ya fika emakun'wini ya misava.”

Timhaka 8:14

Kambe vaapostola lava seleke eYerusalema, loko va twa leswaku Vasamariya va amukela rito ra Xikwembu, va va rhumela Petro na Yohane;

Timhaka 9:31

Kambe tikereke a ti tshamile hi ku rhula hinkwako etikweni ra Yudiya, ni ra Galeliya, ni ra Samariya, ti akisiwa, ti famba exichabyeni xa Hosi; kutani ti andza hi ku chavelela ka Moya lowo Kwetsima.

Timhaka 8:4

Kutani lava ingi va hangalasiwile, a va ri karhi va vula rito hinkwako laha va yaka kona.

Yohane 15:20

Tsundzukani rito leri ndzi nga mi byela, loko ndzi te: ‘Nandza a hi nkulukumba eka hosi ya yena. Loko va ndzi xanisile va ta mi xanisa, na n'wina.’ Loko va hlayisile rito ra mina, va ta hlayisa ni ra n'wina.

Vaheveru 11:27

Hi ku pfumela, u sukile eEgipta, a nga chavi ku kariha ka hosi; hikuva a a tiyile kukotisa loko ngi a vona loyi a nga voniwiki.

Vafilipiya 1:12

Vamakwerhu ndzi rhandza leswaku mi tiva leswaku leswi ndzi humeleleke swi pfunile ngopfu ku fambisa Evhangeli emahlweni;

Timhaka 13:1

Vaprofeta ni vafundhisi van'wana a va ri ekerekeni leyi nga eAntiyoka; a a ri Barnaba, na Simoni la thyiweke Nigere, na Lukiyo wa Kirene na Manaheme la nga kurisiwa swin'we ni tetrarka Heroda, na Sawulo.

Timhaka 7:38

Hi yena la nga yima enhlengeletanweni le mananga, kun'we ni ntsumi leyi nga vulavula na yena eNtshaveni ya Sinayi, a ri ni vakokwa wa hina; hi yena la amukeleke marito ya ku hanya ku hi nyika wona.

Timhaka 5:20

“Fambani, mi ya humelela etempeleni, mi byela vanhu timhaka hinkwato ta vutomi lebyi.”

Timhaka 5:18

va khoma vaapostola, va va nghenisa ekhotsweni ra muti.

Timhaka 2:47

va ri karhi va dzunisa Xikwembu, va tsakeriwa hi tiko hinkwaro. Kutani siku rin'wana ni rin'wana Hosi yi engetela kereke hi vanhu lava ponisiweke.

Yohane 16:2

Va ta mi hlongola emasinagogeni; kambe nkarhi wa ta lowu un'wana ni un'wana la nga ta mi dlaya a nga ta ehleketa leswaku u tirhela Xikwembu.

Matewu 23:34

“Hikwalaho, maswivo ndzi mi rhumela vaprofeta, ni tintlhari, ni vatsari; mi ta dlaya van'wana, mi vamba van'wana; mi ta ba van'wana emasinagogeni ya n'wina, mi va xanisa emutini wun'wana ni wun'wana;

Matewu 22:6

kutani van'wana va khoma malandza ya yena, va ma endla hi tihanyi, va ma dlaya.

Matewu 5:13

“Mi munyu wa misava; kambe loko munyu wu phyama, wu ta lungiwa ha yini-ke? A wa ha ri na ntirho loko ku nga ri ku cukumetiwa ehandle, wu kandziyiwa hi vanhu.

Daniele 6:23

Kavaloko hosi yi tsaka hi ku tlurisisa, kutani yi lerisa leswaku Daniele a humesiwa ekheleni; kutani Daniele a humesiwa ekheleni, kambe a ku kumiwanga ni mbanganyana eka yena, hikuva a a tshembile Xikwembu xa yena.

Daniele 6:10

Kambe Daniele, loko a tiva leswaku nawu wolowo wu tsariwile, a tiyela endlwini ya yena; kutani mafasitere ya yindlu ya yena leyi nga ehenhla ma pfuleriwe hitlhelo ra Yerusalema, a khinsama hi matsolo kanharhu hi siku, a khongela a va a vonga Xikwembu xa yena, kukotisa leswi a tshamaka a endla eku sunguleni.

Nehemiya 6:3

Ndzi va rhumela tintsumi, ndzi ku: “Ndzi khomiwile hi mitirho leyikulu, ndza tsandzeka ku ngirimela; ndzi nga yimisela yini mitirho ku yi siya ndzi ta eka n'wina xana?”

Timhaka 7:54

Kuteloko va twile timhaka teto, va kariha ngopfu etimbilwini ta vona; kutani va n'wi getsenyela meno.

Timhaka 8:2

Kutani vavanuna van'wana va vakhongeri, va lahla Stefano; va ba nkosi lowukulu ehenhla ka yena.

Timhaka 8:5

Loko a ri Filipi, a xikela emutini wa tiko ra Samariya, a vula Kriste kona.

Timhaka 13:36

Kasi loko a ri Davhida, kuteloko a hetile ntirho enkarhini wa yena lowu rhandziwaka hi Xikwembu, a tietlelela, a lahliwa eka vatata wa yena, kutani a va a bola.

Timhaka 26:10

Kunene ndzi endlise sweswo Yerusalema, ndzi pfalela vakwetsimi lavo tala ekhotsweni, hi matimba lawa ndzi ma nyikiweke hi vaprista lavakulu; ni siku va dlawaka, na mina a ndzi pfumela.

Varhoma 1:32

volavo, hambi va tivile ku lerisa ka Xikwembu leswaku lava endlaka swo biha leswo tano va lulameriwa hi rifu, a va endli leswo ntsena, kambe va engeta va yimela ni lava swi endlaka.