Timhaka 7:52 - Xitsonga (Bibele)

⁵² Hi wihi muprofeta loyi vatata wa n'wina va nga n'wi xanisangiki? Va dlele ni lava vuleke eku sunguleni ku ta eka loyi a lulameke, loyi sweswi, mi n'wi xengeke, kutani mi hundzukile vadlayi va yena;

BIBELE Mahungu Lamanene

⁵² Hi wihi muprofeta loyi vatata wa n'wina va nga n'wi xanisangiki xana? Va dlele na vona lava nga tivisa khale timhaka ta ku ta ka La Lulameke, loyi sweswi mi n'wi xengeke, mi tlhela mi n'wi dlaya;

Testamente Leyimpsha Xichangana

⁵² Hi wihi muprofeta lweyi vatatana va n'wina vakalaka vangamuxanisanga xana? Vadlayile na vona lavangativisa khale timhaka ta kuta ka Lweyi Alulameke, lweyi svosvi mimuxengeke, mitlhela mimudlaya;

Timhaka 7:52 Referans Kwoze

Matewu 5:12

Tsakani, mi tsaka ngopfu hikuva hakelo ya n'wina i yikulu ematilweni, hikuva va xanisile sweswo vaprofeta lavo rhanga.

2 TIKRONIKA 36:16

Kambe a va rhukana tintsumi ta Xikwembu, va sandza marito ya xona, va hleka vaprofeta va xona, vukari bya Yehovha byi ko byi pfuka tiko ra yena swonghasi leswaku ku nga ha vi na ku ponisiwa.

1 TIHOSI 19:10

Yena a ku: “Ndzi khomiwile hi rilondzo hikwalaho ka Yehovha, Xikwembu xa mavandla; hikuva vana va Israele va tshikile ntwanano wa wena, va mbundzuxile tialitari ta wena, va dlayile vaprofeta va wena hi tlhari, ndzi sala ndzi ri swanga, kutani va lava ku ndzi dlaya!”

1 Vatesalonika 2:15

va nga vona lava dlayeke Hosi Yesu, ni vaprofeta va vona, kutani va hi xanisile; a va tsakisi Xikwembu, kambe i valala eka vanhu hinkwavo;

Yeremiya 2:30

“Ndzi tshinyile vana va n'wina mahala, a va amukelanga ku layiwa; fumu ra n'wina ri dlayile vaprofeta va n'wina kukotisa nghala leyi handzulaka!

Nhlavutelo 19:10

Kutani ndzi wela emilengeni ya yona ku yi gandzela, kambe yi ku eka mina: “U nga tshuki u endlisa sweswo; ndzi nakuloni entirhweni, ni wa vamakwenu lava nga ni vumbhoni bya Yesu, gandzela Xikwembu.” Hikuva vumbhoni bya Yesu i moya wa vuprofeta.

1 Yohane 2:1

Vana vanga, ndzi mi tsalele timhaka leti, leswaku mi nga tshuki mi dyoha; kambe kungakuloko munhu a dyohile, hi ni Muyimeri eka Tatana, a nga Yesu Kriste la lulameke.

Timhaka 22:14

Kambe a ku: ‘Xikwembu xa vatata wa hina xi tihlawulele wena leswaku u tiva ku rhandza ka xona, ni leswaku u vona La lulameke, ni leswaku u twa rito ra nomu wa yena;

Nehemiya 9:26

“Hambiswiritano va tiarisile va ku hundzukela, va cukumeta milawu ya wena endzhaku, va dlaya vaprofeta va wena lava nga endla vumbhoni exikarhi ka vona, leswaku va va hundzuluxela ka wena, kambe va ku sandza ngopfu.

1 Petro 1:11

va ri karhi va kamba xana nkarhi hi wihi, ni lowo yini lowu kombiweke hi Moya wa Kriste, lowu ngi wu ri ka vona, wu ri karhi wu endle vumbhoni bya nhlomulo wa Kriste, ni ku kwetsima loku nga ta wu landzela.

Timhaka 4:10

tivani n'wina hinkwenu, ni hinkwavo va tiko ra Israele, leswaku munhu loyi a yimeke emahlweni ka n'wina, u hanyisiwile hi vito ra Yesu Kriste wa Nazareta la vambiweke hi n'wina, kambe Xikwembu xi n'wi pfuxile eku feni.

Timhaka 3:24

Na swona, vaprofeta hinkwavo lava nga vulavula, ku sungula eka Samiele ni lava n'wi tlhandlamaka, hinkwavo va bvumbhile masiku lawa.

Timhaka 3:18

kambe Xikwembu xi hetisisile hi mukhuva wolowo timhaka leti xi nga rhanga xi ti vula hi milomu ya vaprofeta va xona hinkwavo, leswaku Kriste wa xona u ta twisiwa ku vaviseka.

Timhaka 2:23

yeloyi-ke, u nyiketiwile hi makungu lama tiyeke ya Xikwembu ni ku titivela ka xona ka khale; kutani mi n'wi dlayile hi ku n'wi vamba hi mavoko ya swidyohi;

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Yeremiya 26:23

Va ya teka Uriya eEgipta, va n'wi tisa eka hosi Yoyakimi, a n'wi tlhava hi fumu a va a cukumeta ntsumbu wa yena emasirheni ya lava nga vanhu ntsena.

Yeremiya 26:15

Ntsena, ma swi tiva leswaku loko mi ndzi dlaya, mi ta va mi veke ngati leyi nga riki na nandzu ehenhla ha n'wina, ni le henhla ka muti lowu, ni le henhla ka vaaki va kona; hikuva kunene Yehovha u ndzi rhumile eka n'wina, leswaku ndzi ta mi byela marito lawa hinkwawo etindleveni ta n'wina.”

Yeremiya 20:2

kavaloko Paxahuru a ba muprofeta Yeremiya, kutani a n'wi nghenisa ekhotsweni ra le nyangweni leyi tlakukeke ya Benjamini, endlwini ya Yehovha.

1 TIHOSI 19:14

Yena a ku: “Ndzi khomiwile hi rilondzo hikwalaho ka Yehovha, Xikwembu xa mavandla, hikuva vana va Israele va tshikile ntwanano wa wena, va mbundzuxe tialitari ta wena, va dlayile vaprofeta va wena hi tlhari, ndzi sala ndzi ri swanga, kutani va lava ku ndzi dlaya.”

Nhlavutelo 3:7

“Tsalela ni ntsumi ya kereke ya Filadelfiya, u ku: “ ‘La kwetsimeke, Lowa ntiyiso, La nga ni mpfungura wa Davhida, La pfulaka, ku nga pfari munhu; La pfalaka, ku nga pfuri munhu, u vulavula sweswo, u ri:

2 TIKRONIKA 36:15

Yehovha, Xikwembu xa vatata wa vona, a va layile emikarhini leyo tala hi tintsumi ta yena, hikuva a a rhandza ku ponisa tiko ra yena ni vuako bya yena.

Luka 6:23

Emikarhini yoleyo, tsakani mi tsakisisa, hikuva hakelo ya n'wana yi ta va leyikulu etilweni naswona vatata wa vona va endlisile sweswo eka vaprofeta.

Yohane 16:10

ku lulama ku kona, hikuva ndzi ya eka Tatana, kutani a mi nga tshami mi ndzi vona;

2 Timotiya 3:4

vaxengi, vakarihi, lava tikurisaka, lava rhandzaka ku tsaka, xi nga ri Xikwembu,