Timhaka 7:51 - Xitsonga (Bibele)

⁵¹ “N'wina va tinhamu le to nonon'hwa, mi nga yimbisiki timbilu ni tindleve! Mi alela Moya lowo Kwetsima hi masiku, mi kotisa vatata wa n'wina!

BIBELE Mahungu Lamanene

⁵¹ “N'wina va tinhamu leto nonon'hwa, n'wina va timbilu leti nga pfumeriki ni tindleve leti nga twiki! Masiku hinkwawo mi alela Moya lowo Kwetsima; mi fana swinene ni vatata wa n'wina.

Testamente Leyimpsha Xichangana

⁵¹ “N'wina vatinhamu letononon'hwa, n'wina va timbilu letingapfumeliki ni tindleve letingatwiki! Masiku hinkwawu miyalela Moya Wokwetsima; mifana svinene ni vatatana va n'wina.

Timhaka 7:51 Referans Kwoze

Duteronoma 10:16

Yimbisani timbilu ta n'wina, mi nga ha nonon'hwisi mikolo ya n'wina;

Levhitika 26:41

(kambe na mina ndzi lwile na vona, kutani ndzi va nghenisile etikweni ra valala va vona); kutakuloko timbilu ta vona leta ku ka ti nga yimbanga ti titsongahata, ni loko va amukela ku biwa ka milandzu ya vona,

Vaefesa 4:30

Kutani mi nga tshuki mi khomisa Moya lowo Kwetsima wa Xikwembu tingana, wolowu mi funghiweke ha wona siku ra ku kutsuriwa ka n'wina.

Yeremiya 4:4

Yimbelani Yehovha, kutani mi yimbisa timbilu ta n'wina, n'wina vanhu va Yuda, na n'wina lava akeke eYerusalema, swi nga ri leswaku ku kariha ka mina ku nga humi kukotisa ndzilo, kutani ka mi hisa, ku nga timiwi, hikwalaho ka ku biha ka timbilu ta n'wina.

Esaya 63:10

Kambe vona va tiarisile, kutani va vavisile moya wa yena lowo kwetsima; kutani yena u hundzuke nala wa vona, a va a lwa na vona.

Eksoda 33:5

Kambe Yehovha u byerile Muxe, a ku: “U nge eka vana va Israele: ‘Mi vanhu va tinhamu leti nonon'hwaka; loko ndzi famba na n'wina ku nga ri kungani, ndzi nga mi lovisa. Kutani sweswi, susa leswi u bombaka ha swona, ndzi ta tiva leswi ndzi nga ta swi endla.’ ”

Eksoda 32:9

Yehovha a engeta, a ku eka Muxe: “Ndzi langutile tiko leri, ndzi ri: I tiko ra tinhamu leto nonon'hwa.

Vafilipiya 3:3

Hikuva hi hina hi nga ngoma leyinene, hina lava hi tirhelaka Xikwembu emoyeni, lava hi tidzunisaka ha Yesu Kriste, lava hi nga titshembiki enyameni.

Eksoda 33:3

ndzi mi nghenisa etikweni leri pfelelaka ntswamba ni vulombe, hikuva ndzi nga ka ndzi nga fambi exikarhi ka n'wina mi nga tiko leri tinonon'hwisaka tinhamu, ndzi nga ti tshuka ndzi mi dlaya endleleni.”

Timhaka 6:10

Kambe va hluleka ku lwa ni vutlhari bya yena ni moya lowu a nga vulavula ha wona.

Yeremiya 6:10

Ndzi nga vita mani, kumbe ndzi nga vutisa mani, leswaku va ta yingisa? Langutani, ndleve ya vona a yi yimbanga, kutani va tsandzeka ku hlayisa timhaka, langutani, rito ra Yehovha ri hundzukile xisandzu exikarhi ka vona, a va ha titsakeri ha rona.

Pisalema 78:8

Va nga tshuki va fana ni vatata wa vona, Rixaka ra ku tiarisa, ro dzumadzuma, Rixaka leri nga fambiki hi mbilu yo tiya, Leri moya wa rona, wu nga tshembiki Xikwembu.

Vakolosa 2:11

Na swona, mi yimbisiwile eka yena hi ngoma leyi nga endliwangiki hi mavoko, eku suseni ka miri wa nyama, yi nga ngoma ya Kriste;

Varhoma 2:25

Kunene ku yimba ka pfuna loko u hlayisa nawu, kambe loko u ri mutluri wa nawu, ku yimba ka wena ku ta va ku hundzukile vukhuna.

Timhaka 7:39

“Kambe vatata wa hina va arile ku n'wi yingisa; va n'wi tsan'wa, kutani va tlhelela eEgipta hi timbilu ta vona, va ku eka Aroni:

Timhaka 7:27

Kambe loyi a endlaka warikwavo swo biha, a bakanya Muxe, a ku: ‘I mani la ku vekeke hosi ni muavanyisi wa hina xana?

Timhaka 7:9

“Kutani vapatriarka va vondzoka Yosefa, va n'wi xavisa, a yisiwa eEgipta; kambe Xikwembu xi va na yena;

Ezekiele 44:9

Loko swi ri tano, Hosi Yehovha u ri: A ku na n'wana wa vamatiko, loyi a nga khuna embilwini ni le nyameni, la nga nghenaka evukwetsin'weni bya mina; ndzi vula sweswo eka vana va matiko lava va tshamaka exikarhi ka vana va Israele.

Ezekiele 44:7

lawa mi nga nghenisa ha wona vamatiko lava va makhuna etimbilwini, ni le nyameni, evukwetsimelweni bya mina, va tshama eka byona ku nyamisa yindlu ya mina, loko mi humesa vuswa bya mina, ni mafurha, ni ngati; hi sweswo va tlurile ntwanano wa mina hikwalaho ka manyala hinkwawo ya n'wina.

Nehemiya 9:30

U va byarha hi malembe yo tala, u va laya hi moya wa wena, u vulavula na vona hi vaprofeta va wena, kambe a va rhiyanga tindleve; hikwalaho u va nyiketeke emavokweni ya matiko ya misava.

Duteronoma 31:27

Hikuva ndza tiva ku kaneta ka wena ni ku nonon'hwa ka nhamu ya wena; ni namuntlha leswi ndza ha hanyaka exikarhi ka n'wina, ma ha kaneta Yehovha, kambe swi ta ku yini loko ndzi ta va ndzi file!

Ezekiele 2:4

I vana lava tiarisaka, lava nga ni timbilu leti nonon'hwaka; ndza ku rhuma eka vona, u ta va byela, u ku: ‘Hosi Yehovha u ri.’

Yeremiya 17:23

Kambe a va yingisanga, a va rhiyanga tindleve kambe va ti nonon'hwisile tinhamu, leswaku va nga yingisi, ni leswaku va nga amukeri dyondzo.

Esaya 48:4

Hikuva a ndzi swi tiva leswaku wa nonon'hwa, ni leswaku nhamu ya wena yi fana ni nhonga ya nsimbhi; ni mombo wa wena, ni koporo,

Pisalema 75:5

Mi nga tlakusi tinhloko swonghasi, Mi nga vulavuli hi ku tikurisa swonghasi!

Nehemiya 9:16

“Kambe vatata wa hina va tikukumuxile va nonon'hwisa tinhamu ta vona, a va yingisanga ku lerisa ka wena,

2 TIKRONIKA 30:8

Sweswi mi nga nonon'hwisi tinhamu ta n'wina kukotisa vatata wa n'wina; khomani voko ra Yehovha, mi ta evukwetsimelweni bya yena lebyi a byi hlawuleke hi masiku, mi tirhela Yehovha Xikwembu xa n'wina, kutani ku hisa ka vukari bya yena ku ta mi sukela.

Duteronoma 30:6

Yehovha, Xikwembu xa wena, u ta yimbisa mbilu ya wena, ni timbilu ta vatukulu va wena leswaku u rhandza Yehovha, Xikwembu xa wena, hi mbilu hinkwayo ya wena, ni moya hinkwawo wa wena, leswaku u hanya.

Duteronoma 9:13

“Kutani Yehovha a ndzi byela, a ku: ‘Ndzi vonile leswaku tiko leri, i tiko leri nga ni mikolo leyo nonon'hwa.

Duteronoma 9:6

Tiva leswaku a hi hikwalaho ka ku lulama ka wena Yehovha a ku nyikaka tiko lerinene ku ri fuma, hikuva u tiko leri nga ni mikolo yo nonon'hwa.

Eksoda 34:9

“Hosi, loko kunene ndzi vonile tintswalo ta wena, Hosi a yi fambe na hina, hikuva kunene i tiko ra tinhamu leto nonon'hwa, kambe u hi khomela ku dyoha ka hina, ni ku homboloka ka hina, kutani u hi fuwa, hi va ndzhaka ya wena.”

Timhaka 7:35

“Muxe yeloyi va nga n'wi landzula, va ku: ‘I mani la ku vekeke hosi ni muavanyisi wa hina?’ Hi yena la nga rhumiwa hi Xikwembu leswaku a va hosi ni muntshunxi wa vona, hi matimba ya ntsumi leyi n'wi humeleleke exihlahleni.

Tinhlayo 27:14

hikuva mi landzurile ku lerisa ka mina emananga ya Sini, hi nkarhi wa ku kaneta ka nhlengeletano, mi nga ndzi dzunisanga emahlweni ka vona emhakeni ya mati.” I mati ya Meriba, ya Kadexe, emananga ya Sini.

2 TIHOSI 17:14

Kambe a va yingisanga, va nonon'hwisile tinhamu ta vona kukotisa vatata wa vona lava nga pfumelangiki eka Yehovha Xikwembu xa vona.