Timhaka 7:30 - Xitsonga (Bibele)

³⁰ “Kuteloko ku hundzile malembe ya mune wa makume, ntsumi yi humelela eka yena emananga eNtshaveni ya Sinayi, elangavini ra ndzilo eswihlahleni.

BIBELE Mahungu Lamanene

³⁰ “Kuteloko ku hundzile malembe ya 40, ntsumi yi tikomba eka yena emalangavini ya xihlahla lexi a xi pfurha, emananga kusuhi ni ntshava ya Sinayi.

Testamente Leyimpsha Xichangana

³⁰ Kuteloko kuhundzile malembe ya mune wa makume, ntsumi yitikomba ka yena malangavini ya ndzilo ya xihlahla lexi axipfurha, mananga kusuhi ni ntshava ya Sinayi.

Timhaka 7:30 Referans Kwoze

Timhaka 7:35

“Muxe yeloyi va nga n'wi landzula, va ku: ‘I mani la ku vekeke hosi ni muavanyisi wa hina?’ Hi yena la nga rhumiwa hi Xikwembu leswaku a va hosi ni muntshunxi wa vona, hi matimba ya ntsumi leyi n'wi humeleleke exihlahleni.

Esaya 43:2

Loko u pela mati, ndzi ta va na wena, ni milambu yi nga ka yi nga ku nwerisi. Loko u famba endzilweni u nga ka u nga tshwi, ni langavi ri nga ka ri nga ku hisi.

Timhaka 7:32

‘Hi mina Xikwembu xa vatata wa wena, Xikwembu xa Abrahama, ni xa Isaka, ni xa Yakobo.’ Kutani Muxe a khomiwa hi ku rhurhumela, a chava ni ku languta.

Esaya 63:9

Eku karhatekeni ka vona, a a karhateka na yena, kutani ntsumi ya mombo wa yena yi va ponisile. Erirhandzwini ra yena ni le vuneneni bya yena, u va kutsurile a ri yena, u va seketerile, u va tlakurile emasikwini hinkwawo ya khale.

Eksoda 3:6

Xi engeta xi ku: “Hi mina Xikwembu xa tata wa wena, Xikwembu xa Abrahama, ni Xikwembu xa Isaka, ni Xikwembu xa Yakobo.” Kavaloko Muxe a funengeta mombo wa yena, hikuva a a chava ku languta Xikwembu.

Timhaka 7:17

“Kambe, kuteloko ku tshinele nkarhi lowu Xikwembu xi nga ta humesa ku tshembisa loku xi ku hlambanyeleke Abrahama, tiko ri kula ni ku andza eEgipta;

Marka 12:26

Loko va ri vafi, ni leswi va nga ta pfuka, xana a mi hlayanga ebukwini ya Muxe, hilaha Xikwembu xi nga vulavula na yena exihlahleni, xi ku: ‘Hi mina Xikwembu xa Abrahama, Xikwembu xa Isaka, Xikwembu xa Yakobo’?

Daniele 3:27

Kutani masatrapi, ni valanguteri, ni tindhuna, ni vatsundzuxi va hosi va hlengeletana; kuteloko va langutisisa vanhu lava, va vona leswaku ndzilo a wu vanga na matimba emirini wa vona ni switsongo, ni leswaku nsisi, hambi wu ri wun'we wa tinhloko ta vona, a wu vavukanga, ni loko yi ri mikhancu ya vona a yi hundzukanga ni leswaku risema ra ndzilo a ku ri hava eka yona.

Pisalema 66:12

U khandziyisile vanhu etinhlokweni ta hina; Hi hundzile exikarhi ka ndzilo ni mati. Kambe u hi humesile erivaleni ni le ndzalweni.

Duteronoma 4:20

Kambe loko mi ri n'wina, Yehovha u mi tekile, a va a mi humesa efulweni ra Egipta, leswaku mi va tiko ra yena hi xiviri, hilaha mi swi vonaka hakona namuntlha.

Eksoda 7:7

Muxe a a ri ni malembe ya 80; na Aroni a a ri ni malembe ya 83, loko va vulavula na Faro.

Vagalatiya 4:25

(hikuva Hagara, hi yona Sinayi, ntshava ya Arabiya), u fanisa Yerusalema wa sweswi, la bohiweke ni vana va yena.

Luka 20:37

Loko ku ri ku pfuka ka vafi, Muxe na yena u ku kombisile siku leri a nga ekusuhi ni xihlahla, loko a vula Hosi, Xikwembu xa Abrahama, ni Xikwembu xa Isaka, ni Xikwembu xa Yakobo.

Malakiya 3:1

Vonani, ndzi ta rhuma ntsumi ya mina, yi ta lunghisa ndlela emahlweni ka mina; kutani xikan'we, Hosi leyi mi yi lavaka yi ta nghena etempeleni ya yona, yi nga ntsumi ya ntwanano lowu mi wu navelaka. Vonani, wa ta, ku vula Yehovha wa mavandla.

1 TIHOSI 19:8

A pfuka, a dya, a nwa, kutani hi matimba lawa a ma kumeke eswakudyeni leswi, a famba masiku ya mune wa makume, vusiku ni nhlekanhi, a ya fika eHorebe, entshaveni ya Xikwembu.

Duteronoma 33:16

Ni mihandzu yo nandziha ya misava, ni ya ndzalo ya yona. Tintswalo ta Loyi a humeleleke exihlahleni A ti tshame enhlokweni ya Yosefa, Emombyeni wa hosi ya vamakwavo!

Timhaka 7:31

Muxe, loko a vona mahlori lawa, a hlamala wona; kuteloko a tshinelele ku langutisisa, rito ra Hosi ri n'wi tela, ri ku: