Timhaka 6:9 - Xitsonga (Bibele)

⁹ Kambe van'wana va sinagoga leyi vuriwaka ya Vantshunxiwa, ni van'wana va va Kirene ni va Aleksandriya, swin'we ni Vayuda, ni van'wana va Kilikiya ni va Asiya, va yima, va kanetana na Stefano.

BIBELE Mahungu Lamanene

⁹ Kambe ku humelela van'wana va sinagoga leyi vuriwaka “ya Vantshunxiwa”, van'wana va ri lava humaka eKirene ni le Aleksandriya, van'wana va huma eKilikiya ni le Asiya; kutani va yima va kanetana na Stefano.

Testamente Leyimpsha Xichangana

⁹ Kambe kuhumelela van'wana vasinagoga leyivuliwaka ya Vatshunxiwa, van'we vali lavahumaka Kirene ni le Alexandriya, van'wana vahuma Kilikiya ni le Aziya; kutani vayima vakanetana na Stefano.

Timhaka 6:9 Referans Kwoze

Timhaka 23:34

Kuteloko hosi yi ri hlayile, yi n'wi vutisa leswaku i wa tikwanyana rihi ra Varhoma; kuteloko yi twile leswaku i wa Kilikiya,

Timhaka 22:3

“Mina ndzi Muyuda, la velekiweke eTarso wa Kilikiya; ntsena ndzi kulele emutini lowu, emilengeni ya Gamaliele, ndzi dyondzisiwa nawu wa vatatana hi ku longoloxeriwa, ndzi va ni ku chivirikela Xikwembu, tanihi n'wina namuntlha,

Timhaka 15:41

Kutani a tsemakanya Siriya na Kilikiya, a ri karhi a tiyisa tikereke.

Timhaka 15:23

Va tsala teto ha vona, va ku: “Vaapostola, ni vakulukumba, ni vamakwavo, eka vamakwerhu vamatiko, lava nga eAntiyoka, na Siriya, na Kilikiya, xewani!

Matewu 27:32

Kuteloko va humile, va kuma wanuna wa Kirene, la vuriwaka Simoni, va n'wi byisa leswaku a rhwala xihambano xa Yesu.

Vagalatiya 1:21

Ku va kona ndzi yaka ematikweni ya Siriya na Kilikiya.

Timhaka 21:27

Kakuloko masiku ya ntlhanu na mambirhi ma ri kusuhi ni ku hela, Vayuda va Asiya va n'wi vona etempeleni, kutani va pfuxa ntshungu hinkwawo,

Timhaka 19:10

Timhaka teto ti tshama ti va tano hi malembe mambirhi; hikwalaho, hinkwavo lava akeke eAsiya, Vayuda ni Vagriki, va yingisa rito ra Hosi.

Timhaka 18:24

Kambe Muyuda un'wana, loyi va nge i Apolosi, la velekiweke eAleksandriya, wanuna wa matimba eku vulavuleni ni le Matsalweni, a fika eEfesa.

Timhaka 16:6

Kutani va tsemakanya Frigiya, ni tiko ra Galatiya, hikuva Moya lowo Kwetsima a wu va alela ku vula rito le Asiya.

Luka 21:12

“Kambe eku sunguleni ka leswo hinkwaswo, va ta mi khoma, va mi xanisa, va mi yisa emasinagogeni ni le khotsweni, va mi yisa emahlweni ka tihosi ni vafumi hikwalaho ka vito ra mina;

Marka 13:9

“Kambe n'wina, tilanguteleni; hikuva va ta mi yisa etihubyeni ni le masinagogeni; mi ta biwa, mi yimisiwa emahlweni ka tindhuna ni tihosi hikwalaho ka mina, mi va timbhoni eka vona.

Matewu 10:17

Kambe mi tivonela vanhu, hikuva va ta mi yisa etihubyeni, va ta mi xupula emasinagogeni ya vona.

1 Vakorinto 1:20

U kwihi ntlhari xana? U kwihi mutsari xana? Mukaneti wa mikarhi leyi u kwihi-ke? Xana Xikwembu a xi endlanga vutlhari bya misava leyi vuhunguki xana?

Timhaka 26:11

Kutani emasinagogeni hinkwawo ndzi va tshinya hakanyingi, ndzi va sindzisa leswaku va sandza, ndzi va xanisa, ni ku fika emitini ya matiko man'wana.

Timhaka 22:19

Kutani ndzi ku: ‘Hosi, va tiva ngopfu leswaku hi mina la nga nghenisa ekhotsweni, ni ku ba hi mikhavi emasinagogeni, lava pfumeleke eka wena;

Timhaka 21:39

Pawulo a ku: “Mina ndzi Muyuda, munhu wa Tarso, muti wa Kilikiya lowu twaleke; kambe wanga ndzi tshika ndzi vulavula ni tiko.”

Timhaka 19:26

kutani ma swi vona, ni ku swi twa leswaku Pawulo loyi, u khorwisile vanhu lavo tala, ku nga ri eEfesa ntsena, kambe swi lava ku va etikweni ra Asiya hinkwaro, a va hambukisa, a ku: ‘Swikwembu leswi endliweke hi mavoko a hi swikwembu.’

Timhaka 13:45

Kambe Vayuda, loko va vona vunyingi, va tala hi mavondzo, kutani va kaneta leswi vuriwaka hi Pawulo; va ri karhi va kaneta ni ku sandza.

Timhaka 13:1

Vaprofeta ni vafundhisi van'wana a va ri ekerekeni leyi nga eAntiyoka; a a ri Barnaba, na Simoni la thyiweke Nigere, na Lukiyo wa Kirene na Manaheme la nga kurisiwa swin'we ni tetrarka Heroda, na Sawulo.

Timhaka 11:20

Hambiswiritano, van'wana eka vona, va nga vavanuna va Kipra ni va Kirene, kakuloko va nghene eAntiyoka, va hlamulana ni Vagriki, va va byela Evhangeli ya Hosi Yesu.

Matewu 23:34

“Hikwalaho, maswivo ndzi mi rhumela vaprofeta, ni tintlhari, ni vatsari; mi ta dlaya van'wana, mi vamba van'wana; mi ta ba van'wana emasinagogeni ya n'wina, mi va xanisa emutini wun'wana ni wun'wana;

Timhaka 6:10

Kambe va hluleka ku lwa ni vutlhari bya yena ni moya lowu a nga vulavula ha wona.

Timhaka 24:18

Hikwalaho Vayuda van'wana va Asiya va ndzi kumeke etempeleni ndzi tibasisile, ku nga ri hi ku pfuxa vanhu, hambi ku ri ku endla huwa.