Timhaka 6:11 - Xitsonga (Bibele)

¹¹ Kutani va kucetela vanhu, lava nga ku: “Hi n'wi twile a vulavula timhaka leti sandzaka Muxe ni Xikwembu.”

BIBELE Mahungu Lamanene

¹¹ Kutani va kucetela vavanuna ku vula va ku: “Hi n'wi twile a vulavula timhaka leti sandzaka Muxe ni Xikwembu.”

Testamente Leyimpsha Xichangana

¹¹ Kutani vakucetela vavanuna kuvula lesvi: “Himutwile avulavula timhaka letisandzaka Moxe ni Xikwembu.”

Timhaka 6:11 Referans Kwoze

1 Timotiya 1:13

Kambe ndzi tsetseleriwile hi tintswalo, hikuva a ndzi endla hi ku kohleka, ndzi nga si pfumela;

Varhoma 3:8

Kutani a hi endli ha yini swo biha leswaku ku ta humelela leswo saseka ha swona, hilaha hi lumbetiwaka hakona hi van'wana loko va tiyisa leswaku hi vurisa sweswo; kambe lavo tano, ku avanyisiwa ka vona ku lulamile!

Timhaka 25:7

Loko a fikile, Vayuda lava pfaka eYerusalema, va n'wi rhendzela, kutani va lumbeta Pawulo hi milandzu leyo tala, leyo chavisa, leyi va hlulekeke ku yi kombisa swinene.

Timhaka 25:3

va n'wi khongela leswaku a va tsakisa hi ku n'wi rhumela eYerusalema; kasi va n'wi lavelele leswaku va ta n'wi dlaya endleleni.

Timhaka 21:28

va n'wi khoma, va huwelela, va ku: “Vavanuna va Israele, hi pfuneni! Hi loyi munhu la dyondzisaka hinkwako vanhu hinkwavo, dyondzo leyi lwaka ni tiko, ni nawu ni xivandla lexi; u engetile hi ku tisa Vagriki etempeleni, u nyamisile xivandla lexo kwetsima.”

Timhaka 18:6

Kambe kakuloko va kaneta ni ku sandza, a phumunha tinguvu ta yena, a ku eka vona: “Ngati ya n'wina a yi ve ehenhla ka tinhloko ta n'wina: Loko ndzi ri mina, ndzi basile; ku sukela sweswi, ndzi ta famba eka vamatiko.”

Timhaka 15:21

hikuva ku sukela etinxakeni ta khale, Muxe u ni lava n'wi vulaka emutini wun'wana ni wun'wana, leswi a hlayiwaka emasinagogeni hi masiku hinkwawo ya Savata.”

Timhaka 6:13

kambe va humesa timbhoni leto hemba leti nga ku: “Munhu loyi, a nga tshiki ku vulavula timhaka leti sandzaka xivandla lexi xa ku kwetsima ni nawu;

Yohane 16:3

Va ta mi endla hinkwaswo leswi, hikuva a va tivi Tatana na mina.

Yohane 9:29

Ha swi tiva leswaku Xikwembu xi vulavurile na Muxe; kambe yeloyi a hi n'wi tivi laha a humaka kona.”

Yohane 1:17

Hikuva nawu wu nyikiwile hi Muxe; kambe tintswalo ni vunene swi humelele hi Yesu Kriste.

Timhaka 26:11

Kutani emasinagogeni hinkwawo ndzi va tshinya hakanyingi, ndzi va sindzisa leswaku va sandza, ndzi va xanisa, ni ku fika emitini ya matiko man'wana.

Levhitika 24:16

La sandzeke vito ra Yehovha u ta biwa hi rifu; nhlengeletano hinkwayo yi ta n'wi khandla hi maribye. Hambi muluveri, hambi wa tiko, u ta fa hikuva u sandzile vito ra Xikwembu.

Eksoda 23:1

“U nga tshuki u amba mhaka hi mavunwa; u nga tshuki u yima ni lowo biha leswaku u va mbhoni yo hemba.

Yeremiya 26:11

Vaprista ni vaprofeta va byela vakulukumba ni tiko hinkwaro, Va ku: “Munhu yeloyi u lulamela hi rifu, hikuva u profetile hikwalaho ka muti lowu hilaha mi swi tweke hakona hi tindleve ta n'wina.”

Yeremiya 37:13

A ku a ha fika enyangweni ya Benjamini, mulerisi wa valanguteri a a ri kwalaho, vito ra yena a nga Yiriya, n'wana Xelemiya n'wana Hananiya; a khoma muprofeta Yeremiya, a ku: “U ya tinyiketa eka Vakalediya-ke?”

Timhaka 6:10

Kambe va hluleka ku lwa ni vutlhari bya yena ni moya lowu a nga vulavula ha wona.

Timhaka 6:12

Va pfuxa tiko, ni vakulukumba, ni vatsari, kutani va n'wi wela ehenhla, va n'wi khoma, va n'wi yisa ehubyeni;