Timhaka 5:5 - Xitsonga (Bibele)

⁵ Kakuloko Ananiya a twa marito walawo, a wela ehansi, a hlala. Kutani vayingisi hinkwavo, va khomiwa hi ku chava lokukulu.

BIBELE Mahungu Lamanene

⁵ Loko Ananiya a twa marito walawo, a wela hansi, a fa. Kutani hinkwavo lava tweke mhaka leyi va khomiwa hi ku chava lokukulu.

Testamente Leyimpsha Xichangana

⁵ Loko Ananiya atwa marito wolawo, awela hansi, afa. Kutani hinkwavu lavatweke mhaka leyi vakhomiwa hi kuchava lokukulu.

Timhaka 5:5 Referans Kwoze

Timhaka 2:43

Kambe ku chava a ku ri embilwini ya un'wana ni un'wana: Kutani mahlori layo tala ni swikombiso a swi ri karhi swi endliwa hi vaapostola.

Nhlavutelo 11:13

Enkarhini wolowo ku tsekatseka lokukulu ka misava ku va kona, kutani ku avanyisa ka khume ka muti ku hindzimuka, vanhu va ntlhanu wa magidigidi na magidigidi mambirhi 7 000 va dlawa hi ku tsekatseka kuloku ka misava; kutani van'wana va khomiwa hi ku chava, va dzunisa Xikwembu xa le tilweni.

Nhlavutelo 11:5

Kungakuloko munhu a rhandza ku va endla nsele, ndzilo wu ta huma emilon'wini ya vona, wu hisa valala va vona; kutani mani na mani la rhandzaka ku va endla nsele u ta fanela ku dlayisiwa sweswo.

2 Vakorinto 13:2

A ndzi tshama ndzi mi byela eku sunguleni, ni sweswi ndza ha mi byela ra vumbirhi, ndzi ku: Kukota leswi ndzi tshamaka ndzi endla eka n'wina loko ndzi ri kona, kambe sweswi a ndzi nga ri kona, ndzi tsalela lava dyoheke eku sunguleni, ni van'wana hinkwavo, leswaku, loko ndzi tlhela ndzi ta, ndzi nga ka ndzi nga ha tsetseleri munhu,

2 Vakorinto 7:11

Hikuva maswivo, loko mi tele tingana sweswi hi mukhuva lowu rhandziwaka hi Xikwembu, mi hatlisile ngopfu ku tihlamulela ku phofula lokukulu ku va kona, ni ku tshuka lokukulu, ni ku navela lokukulu, ni ku chivirika lokukulu, ni ku laya lokukulu. Mi vonakisa eka hinkwaswo leswaku a mi nga ri na nandzu emhakeni leyi.

1 Vakorinto 4:21

Xana mi rhandza yini? Mi ri: Ndzi ta eka n'wina hi nkhavi, kumbe hi rirhandzu ni moya wa tintswalo xana?

Timhaka 13:11

Vona sweswi, voko ra Hosi ri le henhla ka wena, u ta fa mahlo, u nga ha voni dyambu nkarhinyana.” Hi nomu lowu, ntima ni munyama swi n'wi wela ehenhla; kutani a gudlagudla, a lava loyi a nga n'wi fambisaka hi voko.

Timhaka 5:13

Exikarhi ka van'wana, a ku nga ri na munhu la tiyisaka mbilu ku hlangana na vona; kambe tiko ri va dzunisa ngopfu.

Ezekiele 11:13

Loko ndzi ri karhi ndzi profeta, Pelatiya, n'wana Benaya, a fa; kutani ndzi wa hi mombo wa mina, ndzi huwelela hi rito leri tlakukeke, ndzi ku: “Yo! Hosi Yehovha! Xana u ta lovisa lava seleke Vaisraele xana?”

Yeremiya 5:14

Hikwalaho, Yehovha, Xikwembu xa tinyimpi, u vula sweswo, a ku: “Leswi mi vuleke mhaka yoleyo, maswivo, rito ra mina ndzi ta ri endla ndzilo enon'wini wa wena, kutani tiko leri ri va rikunyi, kutani ndzilo lowu wu ta va heta.

Pisalema 119:120

Miri wa mina wu rhurhumela hi ku chava wena, Ndzi chava ku avanyisa ka wena.

Pisalema 64:9

Vanhu hinkwavo va khomiwa hi ku chava, Va vula mitirho ya Xikwembu, va anakanya leswi xi swi endleke,

1 TIKRONIKA 15:13

Hikuva a mi nga ri kona eku sunguleni, kutani Yehovha, Xikwembu xa hina u endlile mbhovo exikarhi ka hina, hikuva a hi n'wi lavanga hilaha ku lerisiweke hakona.”

1 TIKRONIKA 13:12

Davhida a chava Xikwembu siku lero, a ku: “Ndzi ta yi nghenisisa ku yini areka ya Xikwembu endlwini ya mina xana?”

2 TIHOSI 2:24

Yena a hundzuluka, a va vona, a va rhukana hi vito ra Yehovha. Kutani tibere timbirhi ti huma exihlahleni, ti handzulela varisanyana va mune wa makume na vambirhi exikarhi ka vona.

Yoxuwa 22:20

Xana Akani, n'wana Zera, a nga dyohanga emhakeni ya leswo yila? Kutani ku kariha a ku ri ehenhla ka nhlengeletano hinkwayo ya Israele; kambe a nga felangi xidyoho xa yena a ri yena ntsena xana?’ ”

Duteronoma 21:21

Vavanuna hinkwavo va muti wa yena va ta n'wi khandla hi maribye leswaku a fa, hi mukhuva wolowo u ta susa lowo biha exikarhi ka wena kutani Vaisraele hinkwavo va ta swi yingisa, va ta chava.

Duteronoma 13:11

Vaisraele hinkwavo va ta swi twa, va ta chava, kutani va nga ka va nga sunguli kambe ku endla leswo biha leswo tano exikarhi ka n'wina.

Levhitika 10:3

Muxe a ku eka Aroni: “Hi lexi Yehovha a xi leriseke, loko a ku: ‘Ndzi ta kwetsimisiwa hi lava ndzi tirhelaka, ndzi dzunisiwa emahlweni ka tiko hinkwaro.’ ” Kambe Aroni a miyela.

2 Vakorinto 13:10

Hikwalaho-ke ndzi tsalaka timhaka leti, ndzi nga si ta eka n'wina leswaku siku ndzi fikaka, ndzi nga ti endla hi ku nonon'hwa hi matimba lawa Hosi yi ndzi nyikeke wona ku akisa, ku nga ri ku hangalasa.