Timhaka 5:31 - Xitsonga (Bibele)

³¹ Hi yena loyi Xikwembu xi nga n'wi tlakusela evokweni ra xona ra xinene leswaku a va yena Hosi ni Muponisi, a ta nyika Israele ku hundzuka ni ku khomeriwa ka swidyoho.

BIBELE Mahungu Lamanene

³¹ Hi yena loyi Xikwembu xi nga n'wi tlakusa, a tshama evokweni ra xona ra xinene ku va Murhangeri ni Muponisi, leswaku a ta nyika Vaisraele eku hundzuka ni ku rivaleriwa ka swidyoho.

Testamente Leyimpsha Xichangana

³¹ Hi yena lweyi Xikwembu xingamutlakusa, atshama vokweni ra xona ra xinene kuva Murhangeli ni Muponisi, lesvaku atanyika Vaisrayele akuhundzuka ni kurivaleliwa ka svijoho.

Timhaka 5:31 Referans Kwoze

Luka 24:47

ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

Timhaka 2:33

Kakuloko a tlakusiwile hi voko ra xinene ra Xikwembu, u amukerile eka Tatana, ku tshembisa ka Moya lowo Kwetsima, kutani u chelerile leswi mi swi vonaka, ni leswi mi swi twaka.

Timhaka 11:18

Kuteloko va twile timhaka teto, va miyela; kutani va dzunisa Xikwembu, va ku: “Kunene, Xikwembu xi nyikile ni vamatiko ku hundzuka leswaku va vona vutomi!”

Luka 2:11

hileswaku namuntlha mi velekeriwile Mulondzovoti emutini wa Davhida; i Kriste Hosi.

Nhlavutelo 1:5

ni ka Yesu Kriste, mbhoni leyi tshembekaka, ni mativula exikarhi ka vafi, ni Hosi ya tihosi ta misava!

1 Yohane 4:14

Kutani, na hina, hi swi vonile, hi va hi tiyisa leswaku Tatana u rhumile N'wana leswaku a va Mulondzovoti wa misava.

Vaheveru 2:10

Hikuva a swi n'wi fanela, loyi hinkwaswo swi endleriweke yena, kambe swi endliwe hi yena, leswaku loko a lave ku yisa lavo tala eku vonakaleni, a hetisisa hi ku vaviseka, la nga n'wini wa ku hlayiseka ka vona.

Vaheveru 12:2

hi ri karhi hi languta eka Yesu, musunguri ni muhetisi wa ku pfumela, la nga tiyela xihambano hikwalaho ka ku tsaka loku a ku vekeriweke, a nga vulanga nchumu hi tingana, kutani u tshamisile exiluvelweni, evokweni ra xinene ra Xikwembu.

Esaya 9:6

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula;

Timhaka 3:15

Kasi mi dlele Hosi ya vutomi, yeloyi Xikwembu xi n'wi pfuxeke eku feni; kutani na hina hi timbhoni ta swona.

Matewu 28:18

Kutani Yesu a va tshinelela a vulavula na vona, a ku: “Ndzi nyikiwile vuhosi hinkwabyo etilweni ni le misaveni;

Yuda 1:25

eka Xikwembu xi ri xoxe, Muhlayisi wa hina, ha Yesu Kriste, Hosi ya hina, ku ve ku kwetsima, ni vukulu, ni matimba, ni vuhosi, mikarhi hinkwayo yi nga si va kona, ni sweswi, ni ku ya fika emikarhini hinkwayo leyi nga riki na ku hela! Amen.

2 Petro 1:11

Hikuva hi mukhuva wolowo, mi ta hiwa ku nghena eku fumeni loku nga heriki ka Yesu Kriste, Hosi ni Mulondzovoti wa hina.

Timhaka 2:38

Petro a ku eka vona: “Hundzukani, kutani un'wana ni un'wana a khuvuriwa hi vito ra Yesu Kriste, eku khomeriweni ka swidyoho; kutani mi ta amukela nyiko wu nga Moya lowo Kwetsima.

Matewu 1:21

U ta veleka wandzisanyana, kutani u ta n'wi thya vito ra Yesu (hileswaku Muponisi), hikuva hi yena la nga ta ponisa tiko ra yena eku biheni ka rona.”

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

2 Petro 1:1

Simoni Petro, nandza ni muapostola wa Yesu Kriste; Eka lava averiweke ku pfumela loku ringanaka ni ka hina hi ku saseka, eku lulameni ka Xikwembu xa hina, ni le ka Yesu Kriste, Muhlayisi wa hina:

1 Petro 3:22

la nga ya etikweni, la nga evokweni ra xinene ra Xikwembu; tintsumi, ni tihosi, ni ku fuma swi ri karhi swi vekiwa ehansi ka yena.

Vakolosa 1:14

yeloyi hi nga ni ku kutsuriwa ha yena, ku nga ku rivaleriwa ka swidyoho.

Vafilipiya 3:20

Kambe muti wa hina wu le matilweni laha hi langutelaka kona Mulondzovoti, a nga Hosi Yesu Kriste,

Vaefesa 1:7

ha yena hi ni ku kutsuriwa hi ngati ya yena, ku nga ku rivaleriwa ka ku dyoha ka hina hi rifuwo ra tintswalo ta xona,

2 Vakorinto 2:10

Yeloyi mi n'wi tsetselelaka, na mina ndza n'wi tsetselela, hikuva na mina, loko ndzi rivalele munhu milandzu, ndzi n'wi rivalele yona hikwalaho ka n'wina, emahlweni ka Kriste,

Timhaka 13:23

Erixakeni ra yena, Xikwembu xi humesele Israele muponisi, a nga Yesu, hilaha xi tshembiseke hakona.

Timhaka 4:11

Hi yena ribye leri cukumetiweke hi n'wina vaaki, kambe ri endliwile ribye lero sungula ra yinhla.

Timhaka 3:26

Xikwembu xi sungurile ha n'wina, ku mi humesela nandza wa xona Yesu, xi n'wi rhuma ku ta mi katekisa, hi ku hundzuluxa un'wana ni un'wana wa n'wina eku biheni ka yena.”

Timhaka 3:19

“Hundzukani hakona, mi tlhelela eka Xikwembu, leswaku swidyoho swa n'wina swi hlanguriwa,

Timhaka 2:36

Hikwalaho, yindlu hinkwayo ya Israele yi fanele ku tiva swinene leswaku Xikwembu xi n'wi endle Hosi ni Kriste, Yesu loyi mi n'wi vambeke.”

Marka 4:12

swi ri leswaku hambi ku ri ku vona, va vona, kambe va nga vonisisi; hambi ku ri ku yingisa, va yingisa, kambe va nga twisisi; leswaku va nga tshuki va hundzuka, kutani va rivaleriwa swidyoho.”

Marka 2:10

Kambe ku va mi ta tiva leswaku N'wana wa munhu u ni matimba la emisaveni ku rivalela vanhu swidyoho” (a ku eka la khwanyaleke swirho):

Daniele 10:21

Ntsena ndzi rhandza ku ku tivisa leswi tsariweke ebukwini ya ntiyiso; kutani a ku na la ndzi pfunaka ku lwa ni lavaya, loko a nga ri Mikaele, hosi ya n'wina.”

Daniele 9:25

Tiva u twisisa leswaku ku suka eritweni leri leriseke leswaku Yerusalema, wu ta tlhela wu akiwa ku ya fika eka Mesiya Hosi, ku ta hundza mavhiki ya ntlhanu na mambirhi ni mavhiki ya 62, kutani muti wu ta tlhela wu pfuxiwa wu akiwa, ni mitsendzele ni rirhangu ra wona, kambe ku ta va emikarhini ya nhlomulo.

Ezekiele 37:25

Va ta tshama etikweni leri ndzi nga ri nyika nandza wa mina Yakobo, leri vatata wa vona va nga aka eka rona, va ta tshama kona vona, ni vana va vona, ni vatukulu va vona hilaha ku nga heriki Davhida, nandza wa mina, u ta va hosi ya vona hi masiku hinkwawo.

Ezekiele 34:24

Mina, Yehovha, ndzi ta va Xikwembu eka tona, kutani nandza wa mina, Davhida, u ta va hosi exikarhi ka tona. Hi mina Yehovha ndzi vuleke sweswo.

Ezekiele 17:24

Kutani mirhi hinkwayo ya nhova yi ta tiva leswaku mina Yehovha ndzi tsongahatile murhi lowu tlakukeke, ndzi tlakusile murhi lowutsongo. Ndzi omisile matluka ya murhi wa rihlaza, ndzi va ndzi mirisa murhi lowu omeke. Mina Yehovha ndzi swi vurile, ndzi swi endlile.”

Esaya 49:26

Ndzi ta dyisa vaxanisi va wena nyama ya vona, va ta pyopyiwa hi ngati ya vona, yi va tanihi vhinyo leyintshwa, kutani nyama hinkwayo yi ta tiva leswaku mina Yehovha, ndzi Muponisi wa wena, ni leswaku Mukutsuri wa wena hi Lowa matimba wa Yakobo.”

Esaya 45:21

Vulani, mi va vitana, va kanela swin'we! La bvumbheke swilo sweswo eku sunguleni, la swi vuleke khale, i mani? Xana a hi mina Yehovha? A ku na Xikwembu xin'wana ehandle ka mina, hi mina ntsena Xikwembu lexi lulameke lexi ponisaka.

Esaya 43:11

“Hi mina, mina Yehovha ehandle ka mina a ku na muponisi!

Esaya 43:3

Hikuva hi mina Yehovha, Xikwembu xa wena, Muhlawuleki wa Israele, muponisi wa wena; ndzi ku nyika Egipta ku va ku kutsuriwa ka wena, Etiyopiya na Seba ematshan'weni ya wena.

Pisalema 89:24

Ku tshembeka ka mina ni vunene bya mina swi ta va na yena, Matimba ya yena ma ta tiyisiwa hi vito ra mina.

Pisalema 89:19

Khale u vurile enorhweni eka Muhlawuriwa wa wena U ku: “Ndzi pfunile nhenha, Ndzi wundlile jaha exikarhi ka tiko.

2 Petro 3:18

Kambe kulani etintswalweni, ni le ku tiveni ka Yesu Kriste, Hosi ni Muhlayisi wa hina. Ku kwetsima a ku ve eka yena sweswi, ni ku ya fika siku leri nga taka ri nga heri. Amen!

2 Petro 2:20

Hikuva loko va fularhele thyaka ra misava hi ku tiva Yesu Kriste Hosi ni Mulondzovoti wa hina, kutani va tlhela va khomiwa ha rona, timhaka ta vona ta makumu ti bihile ku tlula leto rhanga.

Tito 2:13

hi ri karhi hi langutela ku tshemba loku nga ni ku kateka, ni ku humelela ka ku vonakala ka Xikwembu lexikulu, ni Mukutsuri wa hina, Yesu Kriste,

Tito 2:10

va nga yivi nchumu, kambe va endla hinkwaswo hi ku dzuneka lokunene va ta dzunisa etimhakeni hinkwato, dyondzo ya Xikwembu, Mukutsuri wa hina.

Tito 1:4

Eka Tito, n'wananga wa xiviri eku pfumeleni loku hi nga na kona swin'we na wena; tintswalo, ni ku rhula, a swi ve na wena, swi huma eka Xikwembu Tatana, ni le ka Hosi Yesu Kriste, Mukutsuri wa hina.

Yohane 4:42

Kutani va ku eka wansati: “A ha ha pfumeri hikwalaho ka rito ra wena; hikuva na hina hi n'wi twile, kutani ha swi tiva leswaku loyi, hi yena Kriste kunene, mukutsuri wa misava.”