Timhaka 5:14 - Xitsonga (Bibele)

¹⁴ Kutani vunyingi bya lava pfumeleke eka Hosi, a byi ri karhi byi engeteleleka hi vavanuna ni vavasati:

BIBELE Mahungu Lamanene

¹⁴ Hambiswiritano, ntsengo wa vona a wu ya wu ri karhi wu engeteleka hi vavanuna ni vavasati lavo tala lava pfumeleke ka Hosi,

Testamente Leyimpsha Xichangana

¹⁴ hambi svilitano, ntsengo wa vona awuya wuyengeteleka hi vavanuna ni vavasati lavanyingi lavapfumeleke ka Hosi,

Timhaka 5:14 Referans Kwoze

Timhaka 2:47

va ri karhi va dzunisa Xikwembu, va tsakeriwa hi tiko hinkwaro. Kutani siku rin'wana ni rin'wana Hosi yi engetela kereke hi vanhu lava ponisiweke.

Vagalatiya 3:28

A ka ha ri na Muyuda hambi Mugriki; a ka ha ri na khumbi, ni loko a ri n'wana wa xitswalwa; a ka ha ri na wanuna, ni loko a ri wansati, hikuva hinkwenu mi un'we eka Yesu Kriste.

Timhaka 22:4

ndzi kondza ndzi xanisa dyondzo leyi, ku yisa eku dlayeni, ndzi boha vavanuna ni vavasati ndzi va nghenisa ekhotsweni,

Timhaka 9:42

Mhaka leyi, yi tiviwa hi muti hinkwawo wa Yopa; kutani lavo tala va pfumela eka Hosi.

Timhaka 9:35

Kutani hinkwavo lava akeke eLida ni le Xaroni, loko va n'wi vona, va hundzukela eka Hosi.

Timhaka 9:31

Kambe tikereke a ti tshamile hi ku rhula hinkwako etikweni ra Yudiya, ni ra Galeliya, ni ra Samariya, ti akisiwa, ti famba exichabyeni xa Hosi; kutani ti andza hi ku chavelela ka Moya lowo Kwetsima.

Timhaka 9:2

a kombela eka yena mapapila lama tsaleriweke masinagoga ya Damaska leswaku kutakuloko a kuma van'wana va dyondzo yoleyo, hambi va ri vavanuna, kumbe vavasati, a va yisa eYerusalema, va bohiwile.

Timhaka 8:12

Kambe kuteloko va pfumela eka Filipi, loyi a va byelaka Evhangeli ya ku fuma ka Xikwembu, ni vito ra Yesu Kriste, vavanuna ni vavasati van'wana va khuvuriwa.

Timhaka 8:3

Kambe Sawulo a a ri karhi a hlasela kereke, a nghena endlwini yin'wana ni yin'wana, a kokela vavanuna ni vavasati, a va nyiketa ku nghenisiwa ekhotsweni.

Timhaka 6:7

Kutani rito ra Xikwembu ri ri karhi ri andza hi ku ya emahlweni, na vona vadyondzisiwa va andza ngopfu eYerusalema, ku pfumela ni vaprista lavo tala.

Timhaka 4:4

Hambiswiritano, lavo tala va lava tweke rito, va pfumela: ntsengo wa vavanuna wu lava ku va ntlhanu wa makume ya madzana (5 000).

Timhaka 2:41

Vona-ke, lava amukeleke rito ra yena hi ku tsaka, va khuvuriwa; kutani ku engeteriwa siku lero vanhu lava lavaka ku va makume manharhu ya madzana.

Esaya 45:24

Va ta ku: ‘Eka Yehovha ntsena ku kumiwa matimba ni ku lulama!’ ” Va ta ta eka yena va tele tingana, hinkwavo lava nga n'wi karihela.

Nehemiya 8:2

Hi siku ro sungula ra n'hweti ya ntlhanu na timbirhi, Ezra, muprista, a tisa milawu emahlweni ka nhlengeletano ya vavanuna ni vavasati, ni hinkwavo lava ngi va kota ku twisisa.

Ezra 10:1

Ezra a ku a ha khongela, a tivula, a ri karhi a rila, a khinsamile emahlweni ka yindlu ya Xikwembu, ku hlengeletana eka yena nhlengeleto leyikulu ngopfu, ya Vaisraele, vavanuna, ni vavasati, ni vana; kambe tiko ri rila hi ku vaviseka lokukulu.

2 SAMIELE 6:19

kutani a avela swakudya eka tiko hinkwaro vunyingi hinkwabyo bya Israele va ri vavasati ni vavanuna; a nyika un'wana ni un'wana xinkwa xin'we, ni nhluvi wa nyama, ni buwu ra mihandzu ya vhinya. Kavaloko tiko hinkwaro ri muka, un'wana ni un'wana endlwini ya yena.

Eksoda 35:22

Ku ta vavanuna ni vavasati; hinkwavo lava swi rhandzeke hi mbilu; va tisa swingwavila ni masindza ni tintlhama, ni tinxakaxaka ta mitirho ya nsuku; un'wana ni un'wana a humesa ku nyika ka yena ka nsuku loku a ku hlawuleleke Yehovha.

Timhaka 11:24

Hikuva a a ri wanuna wa tintswalo, la teleke Moya lowo Kwetsima ni ku pfumela; kutani ntshungu lowukulu wu namarhela Hosi.

2 Vakorinto 6:15

Kriste u ni ntwanano wihi na Beliyali? Kumbe la pfumelaka u ni ku averiwa kwihi ni la nga pfumeriki?