Timhaka 5:13 - Xitsonga (Bibele)

¹³ Exikarhi ka van'wana, a ku nga ri na munhu la tiyisaka mbilu ku hlangana na vona; kambe tiko ri va dzunisa ngopfu.

BIBELE Mahungu Lamanene

¹³ Kambe loko va ri vanhu van'wana, na un'we a nga tiyanga nhlana ku tinghenisa exikarhi ka vaapostola, hambileswi tiko a ri va dzunisa ngopfu.

Testamente Leyimpsha Xichangana

¹³ Kambe loko vali vanhu van'wana, ni mun'we angatiyanga nhlana kutinghenisa xikarhi ka vapostola, hambilesvi tiko arivadzunisa ngopfu.

Timhaka 5:13 Referans Kwoze

Timhaka 2:47

va ri karhi va dzunisa Xikwembu, va tsakeriwa hi tiko hinkwaro. Kutani siku rin'wana ni rin'wana Hosi yi engetela kereke hi vanhu lava ponisiweke.

Timhaka 4:21

Kutani va va tshunxa va ri karhi va va holovela, va nga voni hilaha va nga va baka hakona hikwalaho ka tiko, hikuva hinkwavo a va dzunisa Xikwembu hikwalaho ka leswi endliweke.

Timhaka 19:17

Mhaka leyi, yi tiviwa hi Vayuda ni Vagriki, kutani va wela hinkwavo hi nchavo lowukulu; kutani vito ra Hosi Yesu ri dzunisiwa.

Timhaka 5:5

Kakuloko Ananiya a twa marito walawo, a wela ehansi, a hlala. Kutani vayingisi hinkwavo, va khomiwa hi ku chava lokukulu.

Yohane 19:38

Endzhaku ka sweswo, Yosefa wa Arimatiya, loyi ngi a ri mudyondzisiwa wa Yesu, kambe a tifihlile hi ku chava Vayuda, a kombela eka Pilato leswaku a pfumeleriwa ku ya hawula ntsumbu wa Yesu; kutani Pilato a n'wi pfumelela. Kutani a ya susa ntsumbu wa Yesu.

Yohane 12:42

Hambiswiritano, lavo tala, ni le xikarhi ka vakulukumba, va pfumela eka yena; kambe a va nga tivuli hikwalaho ka Vafarisi, leswaku va nga hlongoriwi emasinagogeni.

Yohane 9:22

Vatswari va yena va vurisa sweswo hi ku chava Vayuda; hikuva Vayuda a va kanerile leswaku loko munhu a n'wi vula Kriste, u ta hlongoriwa esinagogeni.

Luka 19:48

Kambe va tsandzeka ku endla nchumu, hikuva vunyingi hinkwabyo a byi n'wi yingisa.

Esaya 33:14

Vadyohi va khomiwa hi ku chava le Siyoni, vasandzi va rhurhumela, va ku: “I mani exikarhi ka hina la nga ta tiya, a yima emahlweni ka ndzilo lowu hisaka? I mani la nga ta tiya a yima emahlweni ka malangavi lama nga timekiki?”

1 TIHOSI 17:18

Kavaloko wansati a ku eka Eliya: “Ndzi ni mhaka yihi na wena, wena, munhu wa Xikwembu-ke? Xana u tile eka mina ku ndzi tsundzuxa ku dyoha ka mina, ni ku dlaya n'wana wa mina-ke?”

Timhaka 5:26

Kavaloko hosi ya valanguteri va tempele ni malandza ya huvo, va famba va ya va teka, kambe va nga va endli hi matimba, hikuva a va chava ku khandliwa hi maribye hi vanhu.

2 Vakorinto 10:15

A hi tidzunisi hi leti nga hi ringaniki, yi nga mitirho ya van'wana, kambe hi tshembile leswaku ku pfumela ka n'wina, loko ku ri karhi ku kula, hi ta hundzela emahlweni ngopfu eku averiweni loku hi lerisiweke,