Timhaka 5:12 - Xitsonga (Bibele)

¹² Kambe swikombiso ni masingita leswo tala a swi endliwa exikarhi ka vanhu hi mavoko ya vaapostola. Kutani hinkwavo a va hlengeletana erikupakupeni ra Solomoni, va ri mbilu yin'we.

BIBELE Mahungu Lamanene

¹² A ku endliwa mahlori layo tala ni swihlamariso leswo tala hi mavoko ya vaapostola, exikarhi ka vanhu. Vadyondzisiwa hinkwavo a va tala ku hlengeletana erikupakupeni ra Solomoni, va ri mbilu yin'we.

Testamente Leyimpsha Xichangana

¹² Akuyendliwa mahlori layotala ni svihlamaliso lesvotala hi mavoko ya vapostola, xikarhi ka vanhu. Vajondzisiwa hinkwavu avatolovela kuhlengeletana rikupakupeni ra Solomoni, na vali mbilu yin'we.

Timhaka 5:12 Referans Kwoze

Timhaka 19:11

Kambe Xikwembu a xi ri karhi xi endla mahlori lama hlamarisaka ngopfu hi mavoko ya Pawulo;

2 Vakorinto 12:12

Kunene loko swi ri swikombiso swa vuapostola bya mina, swi humesiwile xikarhi ka n'wina, hi ku yingisela hinkwako, hi swikombiso ni masingita ni mahlori.

Vaheveru 2:4

Xikwembu xi ri karhi xi tiyisa vumbhoni bya vona hi swikombiso leswa masingita, ni mitirho leyo tala ya matimba; xi ri karhi xi va avela Moya lowo Kwetsima, hilaha xi swi rhandzaka hakona.

Timhaka 14:3

Hambiswiritano, va xwa kona masiku layo tala, va vulavula va tshembile Hosi; kambe a yi ri karhi yi tiyisa rito ra tintswalo ta yona hi ku endla swikombiso ni masingita hi mavoko ya vona.

Varhoma 15:19

hi matimba ya swikombiso, ni masingita, ni matimba ya Moya; ndzi va ndzi haxa Evhangeli ya Kriste, ndzi sungula eYerusalema, ndzi tsemakanya ku ya hetelela eIiriya.

Timhaka 3:11

Kutani, hikuva a a namarhela Petro na Yohane, vanhu hinkwavo va hlamala, va tsutsumela erikupakupeni leri va nge i ra Solomoni.

Yohane 10:23

Kutani Yesu a a tifambela erikupakupeni ra Solomoni.

Timhaka 4:30

u tshambuluta voko ra wena leswaku ku ta endliwa ku hanyisiwa, ni swikombiso, ni masingita hi vito ra Yesu, nandza wa wena la hlawuriweke.”

Timhaka 1:14

Volavo hinkwavo a va tiyisela hi mbilu yi ri yin'we emikhongelweni, va ri ni vavasati, na Mariya, mana wa Yesu ni vamakwavo va yena.

Marka 16:20

Loko va ri vona, va suka, va ya dyondzisa hinkwako, Hosi yi ri karhi yi tirha na vona, yi tiyisa rito hi masingita lawa ingi ma heleketa rona.

Timhaka 16:18

A engeta a endlisa sweswo hi masiku lama tlhandlamaka; kambe Pawulo a karhatiwa ha swona, kutani a rhendzeleka a ku eka moya: “Ndza ku lerisa hi vito ra Hosi Yesu Kriste leswaku u huma eka yena!” Kutani wu huma hi nomu wolowo.

Timhaka 9:40

Kutani Petro a va humesela ehandle hinkwavo; a khinsama hi matsolo, a khongela; kutani a hundzulukela eka ntsumbu, a ku: “Tabita, pfuka!” Kutani a hanyanya mahlo; kuteloko a vona Petro, a pfuka a tshama.

Timhaka 9:33

A kuma kona munhu loyi va nge i Eniya, loyi ingi a khwanyele swirho, a etlele esangwini hi malembe ya ntlhanu na manharhu.

Timhaka 2:46

Na swona a va tiyisela etempeleni hi masiku hinkwawo, va ri ni mbilu yin'we, va ri karhi va phema vuswa endlwini yin'wana ni yin'wana, va dya swakudya swa vona hi ku tsaka, ni timbilu leti tengeke,

Yeremiya 26:9

Xana u profetela yini hi vito ra Yehovha, u ku: ‘Yindlu leyi yi ta kotisa Xilo, ni muti lowu wu ta onhiwa, wu pfumala muaki,’ xana?” Kutani tiko hinkwaro ri rhendzela Yeremiya endlwini ya Yehovha.

Yohane 4:48

Yesu a ku eka yena: “Loko mi nga voni mahlori ni masingita, a mi pfumeri.”

Timhaka 28:9

Loko ku humelela teto, hinkwavo lava nga exihlaleni lava vabyaka, va ta na vona, kutani va hanyisiwa.