Timhaka 4:19 - Xitsonga (Bibele)

¹⁹ Kambe Petro na Yohane va va hlamula, va ku: “A ku avanyise n'wina: xana swi lulamile emahlweni ka Xikwembu ku yingisa n'wina ku tlula Xikwembu xana?

BIBELE Mahungu Lamanene

¹⁹ Kambe Petro na Yohane va va hlamula, va ku: “A ku avanyise n'wina: Xana swi lulamile emahlweni ka Xikwembu ku yingisa n'wina ku tlula xona xana?

Testamente Leyimpsha Xichangana

¹⁹ Kambe Petrosi na Yohani vavahlamula, vaku: “Akutseme n'wina: Xana svilulamile mahlweni ka Xikwembu kuyingisa n'wina kutlula xona ke?

Timhaka 4:19 Referans Kwoze

Timhaka 5:29

Kambe Petro ni vaapostola van'wana va hlamula, va ku: “Swa hi fanela ku yingisa Xikwembu, ku tlula vanhu.

Eksoda 1:17

Kambe masungakati ma chava Xikwembu; a ma endlanga hilaha hosi ya Egipta yi ma byeleke hakona; kambe ma ponisa vandzisanyana.

1 Vakorinto 10:15

Ndzi vulavula na n'wina kukotisa vanhu lava nga ni ku anakanya; avanyisani, n'wina vini, leswi ndzi swi vulaka.

1 Timotiya 2:3

Hikuva i xilo lexo saseka lexi amukelekaka emahlweni ya Xikwembu, Mulondzovoti wa hina,

Yohane 7:24

Mi nga avanyisi hi nghohe ntsena, avanyisani hi ku avanyisa loku lulameke.”

1 TIHOSI 22:14

Mikaya a hlamula, a ku: “Yehovha wa hanya, lexi Yehovha a nga ta ndzi byela xona, ndzi ta xi vula.”

Daniele 3:18

Ni loko swi nga ri sweswo, tiva, wena hosi, leswaku hi nga ka hi nga tirheli swikwembu swa wena, hi nga ka hi nga khinsami emahlweni ka xifaniso xa nsuku lexi u xi yimiseke.”

Matewu 22:21

Va ku eka yena: “I swa Khezari.” Kutani a ku eka vona: “Tlheriselani Khezari leswi nga swa Khezari, ni Xikwembu leswi nga swa Xikwembu.”

Amosi 7:16

“Sweswi twana rito ra Yehovha, wena, u nge: ‘U nga tshuki u profetela Israele, u nga vulavuri endlwini ya Isaka!’

Hosiya 5:11

Efrayimi wa tikeriwa, u tshovekile eku avanyiseni, hikuva u tirhandzele ku ya hi ku lerisa loku a tiendleleke kona,

Daniele 6:10

Kambe Daniele, loko a tiva leswaku nawu wolowo wu tsariwile, a tiyela endlwini ya yena; kutani mafasitere ya yindlu ya yena leyi nga ehenhla ma pfuleriwe hitlhelo ra Yerusalema, a khinsama hi matsolo kanharhu hi siku, a khongela a va a vonga Xikwembu xa yena, kukotisa leswi a tshamaka a endla eku sunguleni.

Pisalema 58:1

Xana loko mi miyela, mi nga avanyisa hi ku lulama xana? Xana mi avanyisa hi ku lulama n'wina vana va vanhu-ke?

2 TIHOSI 16:15

Kutani hosi Akazi a lerisa Uriya, muprista, a ku: “U ta hisa ealitarini leyikulu, holokosta ya nimixo ni gandzelo ra madyambu, ni holokosta ya hosi, ni gandzelo ra yona, ni holokosta ya vanhu hinkwavo va tiko, ni magandzelo ya vona, ni vucheleto bya vona; u ta halatela kona ngati hinkwayo ya tiholokosta, ni ngati hinkwayo ya magandzelo; loko yi ri alitari ya koporo, ndzi ta tivonela yona.”

1 TIHOSI 21:11

Vavanuna va muti wa yena, vakulukumba ni tindhuna, lava akeke emutini wa yena, va endla hilaha Yezabele a va leriseke hakona, hilaha ku tsariweke hakona emapapileni lawa a va rhumeleke wona.

1 TIHOSI 14:16

Kutani Yehovha u ta nyiketa Israele hikwalaho ka swidyoho swa Yerobuwamu leswi a swi endleke ni leswi a dyohiseke Israele ha swona.”

1 TIHOSI 12:30

kambe mhaka leyi, a yi bihile, tiko a ri famba ri ya emahlweni ka rhole rin'wana ku fika eDani.

Yakobo 2:4

a mi hlawulanga etimbilwini ta n'wina xana, mi va vaavanyisi va ku anakanya loko biha?

Vaefesa 6:1

Vana, yingisani vatswari va n'wina eHosini, hikuva swi lulamile sweswo.

2 Vakorinto 4:2

kambe hi lahlile swilo leswi fihliweka, leswa tingana; kutani a hi fambi hi mano, a hi pfanganyeti rito ra Xikwembu; kambe hi ku veka erivaleni ntiyiso, hi tiendlela ku yimeriwa etimpfalweni ta vanhu hinkwavo, emahlweni ka Xikwembu.

Mikiya 6:16

Ku karhi ku hlayisiwa ku lerisa ka Omri, ni mikhuva hinkwayo ya yindlu ya Akabu. Mi ya hi makungu ya vona leswaku ndzi ku nyiketa eku onhakeni, ni lava akeke emutini va ve xisandzu, kutani mi ta rhwala xisandzu xa tiko ra mina.”

Vaheveru 11:23

Hi ku pfumela, Muxe, kuteloko a velekiwile, a fihliwa hi vatswari va yena hi tin'hweti tinharhu, hikuva a va n'wi vona leswaku a a ri n'wana lowo saseka, kutani a va chavanga nawu wa hosi.

Yeremiya 26:12

Kutani Yeremiya a byela vakulukumba hinkwavo ni tiko, a ku: “I Yehovha la ndzi rhumeke ku profeta hikwalaho ka yindlu leyi ni ka muti lowu marito hinkwawo lawa mi ma tweke.

Luka 22:8

a rhuma Petro na Yohane, a ku eka vona: “Yanani, mi hi lunghisela Paseka leswaku hi ta yi dya.”

Timhaka 4:13

Kuteloko va vona ku tiya ka Petro na Yohane, kasi a va tiva leswaku i vanhu lava nga dyondzangiki, va ri vanhu ntsena, va hlamala; kambe va va tiva leswaku a va tshamile na Yesu.

Timhaka 5:28

“Xana a hi mi lerisanga ngopfungopfu leswaku mi nga tshuki mi dyondzisa hi vito lero xana? Hambiswiritano, mi tatile Yerusalema hi dyondzo ya n'wina, kutani mi rhandza ku tisa ngati ya munhu loyi, henhla ka hina.”

1 TIHOSI 13:19

Kavaloko munhu wa Xikwembu a tlhela na yena; a dya swakudya, a nwa mati endlwini ya yena.

2 TIHOSI 16:16

Uriya, muprista, a endla hinkwaswo hilaha Akazi a leriseke hakona.