Timhaka 4:17 - Xitsonga (Bibele)

¹⁷ Kambe leswaku timhaka leti, ti nga tshuki ti engeta ti hangalaka exikarhi ka vanhu, a hi va layeni hi ku va chavisa, leswaku va nga ha tshami va dyondzisa munhu, hambi a ri mani na mani, hi vito rero.”

BIBELE Mahungu Lamanene

¹⁷ Kambe ku endlela leswaku timhaka leti ti nga yi emahlweni ti hangalaka evanhwini, a hi va layeni hi va chavisa, leswaku va nga ha tshami va vulavula hi vito rero, hambi ku ri ka mani na mani.”

Testamente Leyimpsha Xichangana

¹⁷ Kambe kuyendlela lesvaku timhaka leti tingayi mahlweni tihangalaka vanhwini, ahivalayeni hivachavisa, lesvaku vangahatshami vavulavula hi vito lero, hambi kuli ka mani na mani.”

Timhaka 4:17 Referans Kwoze

Timhaka 5:28

“Xana a hi mi lerisanga ngopfungopfu leswaku mi nga tshuki mi dyondzisa hi vito lero xana? Hambiswiritano, mi tatile Yerusalema hi dyondzo ya n'wina, kutani mi rhandza ku tisa ngati ya munhu loyi, henhla ka hina.”

1 Vatesalonika 1:8

Hikuva rito ra Hosi, loko ri suka eka rikwenu, ri pfumile, ku nga ri eMakedoniya ni le Akaya ntsena, kambe ku pfumela ka n'wina eka Xikwembu ku twakarile hinkwako, kwalaho a swa ha faneri leswaku hi vula nchumu hakona.

Timhaka 5:24

Hosi ya valanguteri va tempele ni vaprista lavakulu, loko va twa marito walawo, va tshuka ha wona, va ku: “Mhaka leyi, yi ta helela kwihi?”

Timhaka 4:21

Kutani va va tshunxa va ri karhi va va holovela, va nga voni hilaha va nga va baka hakona hikwalaho ka tiko, hikuva hinkwavo a va dzunisa Xikwembu hikwalaho ka leswi endliweke.

Matewu 27:64

Hikwalaho, u nga lerisa leswaku sirha ri languteriwa ku ko ku fika siku ra vunharhu, hikuva kumbe vadyondzisiwa va yena va nga n'wi yiva, va ta ku eka tiko: ‘U pfukile eku feni,’ kutani mavunwa walawo kunene ma ta tlurisa layo rhanga.”

Amosi 2:12

“Kambe mi nwisile Vanaziri vhinyo; loko va ri vaprofeta, mi va lerisile, mi ku: ‘Mi nga tshuki mi profeta.’

Yeremiya 38:4

Kutani vakulukumba va ku eka hosi: “Munhu loyi a a dlayiwe, hikuva u lolohisa mavoko yi tinhenha leti seleke emutini lowo, ni mavoko ya tiko hinkwaro, hi ku va byela timhaka toleto; hikuva munhu loyi a nga laveri tiko leri ku lulama, kambe khombo.”

Matewu 9:30

Kutani mahlo ya vona ma hanyanya; kutani Yesu a va laya ngopfu, a ku: “Tilanguteleni leswaku mhaka leyi yi nga tiviwi hi munhu!”

Yohane 15:21

Kambe va ta mi endla hinkwaswo leswi, hikwalaho ka vito ra mina, hikuva a va tivi la ndzi rhumeke.

Vaefesa 6:9

Na n'wina vini, endlisani sweswo eka vona, mi tshika ku va phika, mi ri karhi mi tiva leswaku Hosi ya vona ni ya n'wina yi kona ematilweni, ni leswaku ku ya hi nghohe ku hava eka yona.

1 Petro 2:23

ni loko a rhukaniwa, a nga tlhelangiki a rhukana, hambi a twisiwa ku vaviseka, a nga xungetangiki, kambe a tinyiketa la avanyisaka hi ku lulama;