Timhaka 3:6 - Xitsonga (Bibele)

⁶ Kambe Petro a ku eka yena: “A ndzi na silivhere, hambi wu ri nsuku, kambe lexi ndzi nga na xona, ndza ku nyika: Hi vito ra Yesu Kriste wa Nazareta, yima, u famba!”

BIBELE Mahungu Lamanene

⁶ Kambe Petro a ku ka yena: “Silivhere ndzi hava, ni nsuku a ndzi na wona, kambe lexi ndzi nga na xona, ndzi ta ku nyika xona: Hi vito ra Yesu Kriste wa Nazareta, ndzi ri: Famba!”

Testamente Leyimpsha Xichangana

⁶ Kambe Petrosi aku ka yena: “Silivhere a ni na yona, hambi nsuku a ni na wona, kambe lexi ninga na xona, nitakunyika xona: Hi vito ra Yesu Kriste wa Nazareta, nili: Famba!”

Timhaka 3:6 Referans Kwoze

Timhaka 3:16

Hikwalaho ka ku pfumela vito ra yena, hi rona vito ra yena leri tiyiseke munhu loyi mi n'wi vonaka, mi n'wi tivaka; kutani ku pfumela eka Yesu ku n'wi hanyisile swinene emahlweni ka n'wina hinkwenu.

Timhaka 10:38

ti nga ta Yesu wa Nazareta, leswaku Xikwembu xi n'wi cherile hi Moya lowo Kwetsima ni matimba a va a famba hinkwako, a ri karhi a endla swinene, a horisa hinkwavo lava fumiweke hi Diyavulosi, hikuva Xikwembu a xi ri na yena.

Timhaka 4:10

tivani n'wina hinkwenu, ni hinkwavo va tiko ra Israele, leswaku munhu loyi a yimeke emahlweni ka n'wina, u hanyisiwile hi vito ra Yesu Kriste wa Nazareta la vambiweke hi n'wina, kambe Xikwembu xi n'wi pfuxile eku feni.

Timhaka 9:34

Kutani Petro a ku eka yena: “Eniya! Yesu Kriste wa ku hanyisa; pfuka, u tisongela sangu ra wena.” Kan'we a pfuka.

2 Vakorinto 8:9

Hikuva mi tiva tintswalo ta Hosi ya hina Yesu Kriste, hikuva loko a ri karhi a fuwile, u tiendle xisiwana hikwalaho ka n'wina, leswaku mi kuma ku fuwa evusiwaneni bya yena.

Timhaka 16:18

A engeta a endlisa sweswo hi masiku lama tlhandlamaka; kambe Pawulo a karhatiwa ha swona, kutani a rhendzeleka a ku eka moya: “Ndza ku lerisa hi vito ra Hosi Yesu Kriste leswaku u huma eka yena!” Kutani wu huma hi nomu wolowo.

Marka 16:17

Hi wona masingita lama nga ta endliwa hi lava pfumeleke: Va ta hlongola mademona hi vito ra mina, va ta vulavula tindzimi letintshwa;

Yakobo 2:5

Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

1 Petro 4:10

Un'wana ni un'wana hilaha a averiweke ku nyika hakona, a a tirhele van'wana hakona, kukotisa swiaveri leswinene swa tintswalo leto tala ta Xikwembu.

Timhaka 4:7

Kuteloko va va yimisile exikarhi ka vona, va va vutisa, va ku: “Mi endlisile sweswo hi matimba wahi xana, kumbe hi vito rihi?”

Timhaka 2:22

“Vavanuna va Israele, yingisani timhaka leti: Yesu wa Nazareta wanuna loyi a kombisiweke eka n'wina hi Xikwembu hi mahlori, ni masingita, ni swikombiso leswi Xikwembu xi swi endleke ha yena exikarhi ka n'wina, hilaha mi swi tivaka hakona na n'wina,

Timhaka 2:36

Hikwalaho, yindlu hinkwayo ya Israele yi fanele ku tiva swinene leswaku Xikwembu xi n'wi endle Hosi ni Kriste, Yesu loyi mi n'wi vambeke.”

Matewu 10:9

Mi nga tshuki mi tilongela mbuva hambi ti ri tipondho, ni macheleni, ni tipeni emabandeni ya n'wina,

Matewu 7:22

“Enkarhini wolowo van'wanyana va ta ku eka mina: Hosi, hosi, xana a hi dyondzisanga hi vito ra wena-ke? Xana a hi hlongolanga mademona hi vito ra wena-ke? Xana a hi endlanga masingita layo tala hi vito ra wena-ke?

2 Vakorinto 6:10

ingi hi ni tingana, kasi hi tsakile hi masiku; ingi hi swisiwana, kasi hi fuwisa lavo tala; ingi a hi na nchumu, kasi hi fuwile swilo hinkwaswo.

Yohane 19:19

Pilato a tsala ni papila, a ri nameka ehenhla ka xihambano; a ku tsariwile leswaku: “Yesu wa Nazareta, Hosi ya Vayuda.”

2 Vakorinto 8:12

Hikuva ku rhandza ka mbilu loko ku ri kona, munhu u ta tsakisa Xikwembu hi leswi a nga na swona, ku nga ri hi leswi a swi pfumalaka.

Marka 14:8

U endlile leswi a swi koteke ku swi endla; u totile miri wa mina ndzi nga si lahliwa esirheni.

1 Vakorinto 4:11

Ni ku fika sweswi, hi ni ndlala ni torha, hi pfumala tinguvu, hi phakatiwa emahlweni, ha yingayinga,

Timhaka 3:5

Kutani yeloyi a va langutisisa, a ehleketa leswaku va ta n'wi nyika xanchumu.

Timhaka 3:7

Kutani a n'wi khoma hi voko ra xinene, a n'wi yimisa; kutani hi nomu lowu, mikondzo ni mahlakala ya yena swi tiyisiwa.